1 Yuda jhaung zug: Uzia shid: ra" zin mae Mo"so wa gyai phug' de; ra" la kin dao mae zaung: na: jo; ru re ngo the' myao: . Yao: ve; ci: ra" ve, mai bau: wa pa" jhaung: yham byang" sho' ngaid: ra". –2 Mug: logyo: Seraphim: jham ye; na: jo; ako". Daung shid' lam" yang myo, khung: re nghoe' mung: shid' lam" yang khyid re nghoe' ci mung: shid' lam" yang dao"3 ako". – Yao: bam mae" dayaug hug' ke' ru re getau dayaug ta" ru wa gug: mang: din" gam Mo"so wa shao gyang" , shao gyang" , shao gyang" na: ra". Myid kin gye, geim" yao" phung bao byang" ug: jo; ra" wo" ga:4 zag: hug' ako". – Ai ru: za: zag: hug' ra" thoe: mathao mae kham: baung jham laui" nain" li" mung: yham byang" sho' myi:5 khug' thaui" ug: ra". – Ai ru: mung: ngo wa ngo yao: byuxa: voqoe, qhug' va". So' ha" maqo" lo: . Ngo yao" mashao magyang" ra" nhaid' de, gau mae mashao gyang" ra" nhaid' de, mo; amyu" phaung mae bona ngaid yang: re: gug: mang: din" gam Mo"so ga" ra" jhaung zug: re nga" myo; yang the' myao venhaung wo" ga: mho: ra".6 Ai: au: mae mug: logyo: Seraphim: dayaug wa phain dao mae" nye, zai" yang nyhae" yu: ra" myi: gyoe: dakhai" re lo, mae ci mung: ngo jhao" dao" li" lo mung: –7 Nga" nhaid' mae li" tin: yang: qu" wa, . Ai wa ni" nhaid' mae the' tin: va". Nao re shao kyang" pye' va". Ni" qobo re re: khyaid'8 pye' byid: va" ga: mho: ra". – Dam: Mo"so wa ngo khag' re nhao nae" laug . Ngon- haung" tau: khoyaug ye: genae" i"? ga: thoe ngo the' gyo" ke' au: ngo na: wo" ngo re9 nhao la, wo" ein: tau" ke' . – Mo"so re: ce: amyu" qe na: ra" jao: khyo ye: wa, . Naon- haung" the' gyo: gengaid yang: re: maba: gyo: genae". Myao gengaid yang: re: jhaug'10 za: mamyao genae" ein: ye: ta" wa, . – Yao: bam: myo, mamyao no: magyo: nhag' caid' no: yaug nhag' lam: atha" maqo" mung: yao: bam na gai yaug yo: ru maqhug' qhug' wa yao: bam re nhag' caid' nhao wa, . Yao: bam: no: re re: jid nhao wa, . Yao: bam: myo, jid' re jhid' pye' byid: wa, ga: mho:11 ra". – Alao" nao wa AsAng we" ai wa khomyhao" myao" nae" i"? ein: dam: myid' re vogaung: mae vobyu mana , yham mae yham byu mana: ru joe" sho' phyo' sin" pye' ru joe" mung: damang: geim" cae: jhug tag:12 boe" mung: .– Mo"so wa mang: byu qe re mug: va: khyo byaung" lo" nhao mung: mang: khug mae cae: jhug tag: shepye' to"13 ra" ba na joe" sho' myao" li" nae". – Ai: mang: mae daxe bam mae" dabam dang: na: jo, gengaid yang: re: alhang lhang se' da: be, khyaid' phyo' sin" ru qhug' shi: genae". Ngaid qere: hhuje; gae we' lashe' gae thau: pye' mung: angaid dang: jo; ru we' dakhyo: shao gyang" ra" akaung wa ai: mang: mae lo, bo, taid' ra" angaid boe" nae" ga: mho: ra".