1 Yese: amyu" angaid mae" lo, bo, taid' li" nae". Yao" agyi: mae" abau: taid' li" nae"2 ru mae ashi: zaui" li" nae". – Mo"so: Solo ga" ra" au: naug: sozo: du: nhao: ra" Solo juyi ba: khyug' ra" qam: o: byid' ra" Solo , Mo"so re ba se" mung: ba: gyaug: ra" nhag' myid re byid' ra" Solo wa ai: yaug: adao3 mae vao: ab' li" nae". – Yao: wa Mo"so re gyaug phug' ru mae nhag' dag yaug ngaid mung: yao" myo; yang myao: ra" khyo: tarha" dao: maphyid' the' gyo" ra" khyo" re:4 dao: maphyid' lo: – Yao: wa din: main" ra" tarha" re cao" yang: sho: jhin mo; mau" re dao: phyid' mung: nyham: khyo" ra" myid- kin byu qe: shaid' mae na yang: yao" nhaid' thug' mung dao: lhae daung" yang qobo dae byid' ru" we' makhyang: mashab mo, re yao" nhaid' mae" thug' ra" so' hoe" ru5 yang se' li" nae". – Tarha" we' dang main" ru wa yao" phyid' dam: mae" phyid' cui: ngaid: ra".6 Zag ne we' yao nau" daga" na genae". Myang kha: we' caid' nau" daga" za: yab genae". Nung: jaung nau" we' lo:tin: nau" , xau sho' khau: to" ra" gug' nyhug' jham daga" na: qin" mung: byu: zoshao7 wa ai jham re jhui" dai" li" nae". – Nung: jaung zang we' vae myhi" wa daga" gyo, zo: mung: yao: bam: zo: qe re: daga" yab genae". Lo:tin: re: nung: jaung ru: mhin:8 zo" li" nae". – Nug' shaug' zo: nau" qe re: maui bab: khyaung dao mae sab' li" genae". Nug' to: va" zoshao re: lao byug khyaung9 mae lo, le, nae". – Nga" yaung" lho" ra" bam geim" mae yao: cao: yao: se' da: be, khyaid' ru phyo' qheim" ru re kaid' nae" mangaid: . Khoru: ga" re qid dae wa yao: yao" jo, qo re nghoe' gam: ru we' dakhyo: Mo"so re ba se" ra" ru wa myid kin mae byang" loe" lo nae" ngaid: ra".10 Ai: ayo, akhin: mae Yese" agyi: yaug: li" mung: byu qe tau: to' ra" khyi boe" nae". Ai khyi" mae labug: amyu" qe zang" ham genae". Yao: vao: ab' ra" jo, qo wa kheim: so' phung bao qi: nae".11 Ai: ayo, akhin: mae Mo"so wa yao" lo, yheim" ke' mung: na: dang: gyo" shi" ra" yao" byumyu" qe re Asuri' mang: , Egutu mang: , Pathru mang: , Khusha' mang: , Elam: mang: Shina: mang: , Hamaid' mang: qid dae mo" thoete' mae jo; ra" mang: din"12 jham mae" khyaid' khyi: yu: li" nae". – Yao: wa labug: byumyu" tau: khyi tau: to' yang: khe' thug' pye' qhug' ra" Israel amyu" we' byo: sin" lo" ra" Yuda amyu" jham re mug: zhaung mug: pyi ba thug' ba vao mae" khai: zhang: mung: ham phaung: na nhao:13 li" nae". – Ephrim: amyu" nhung: ra" nhag' myid yo: lo" nae". Gye kaid' nug: ra" Yuda amyu" qe re: gye kaid' nug: nhag' myid baui" byaug nae". Ephrim: amyu" wa Yuda amyu" re gai: nhung lo: nae" mangaid: Yuda amyu" jham re: Ephrim: amyu" re14 gye she lo: nae" mangaid: . – Yao: bam wa ba vao shaid' na: ra" Philisti byu qe re ye: khaid' genae". Ba thug' shaid' mang: byu qe: jo, nho" re daga" ceim" lhaid' yu: li" genae". Edom: amyu" we' Mo"ba' amyu" re khe' zin" aung: yu genae". Ammon: amyu" qe wa yao: bam: yang nghoe' gam: ru qhug'15 genae". – Mo"so wa Egutu qid dae: sho re lhai" phyid' pye' nae". Yao" thin: ra" la we' qid zang dao mae yao" lo, vhag' ke' re qid zo: gyaung: nhaid' gyaung: boe" shao: ga: be; ke' yang: byu jham re: taung gaung16 khyo" gau" de; lo" li" genae".– Israel amyu" jham Egutu mang: mae" phao: thug' lo: au: re" ru: Asuri' mang: mae" dang: gyo" ra" yao" byumyu" qe su" ye" lo" nae" hau" mo" khyo dang boe" nae" ngaid: .