1 Ngaid qere: qug: khai: sho: jhin: ru phau" ra" mang: wa thao mae mug: caid' no, tang: lang" ru baui" byaug nae". Zabu- lun: mang: we' Nabthali mang: re qhid' phyao: nga: khyoe' gengaid yang: re: thao mae qid tham: yae cao" ra" gau: khyo Yodain: gyaung: thoete' labug: amyu" qe: jo, qo Galile" mang: re myo, nho nga: lao:2 lho" lo nhao: ra". – Mug: caid' khug mae su" ye" na mo, wa bo" bao qi: re myao mung: shid zug' mang: bao qab mae na: ra" mo, mae bo" bao bao: thug' li" ra". –3 AsAng wa byumyu" qe re na: je" lo nhao mung: yao: bam re je: ngaui bau" lo nhao: ra". Qhovo: jham" yu yo, mae ngaui bau" ru ru: qo" lhaid' yu: ra" jo, nho" jho" gae: au: ngaui bau" ru ru: ni" qhid' kheim: mae4 ngaui bau: ngaui lho" ko" ra". – Khoru: ga" re AsAng wa yao: bam vin: ra" kyau: dao kao" mae" qam thaung: re re: se' da: be, khyaid' kaid' ra" lhae daung: re Midian: ayo, mae ru: nag: khyug' lhaui" pye' va". –5 Mang: zin: sulhe: qe: khyid zhaung: we' sa: de; ra" mai bau: xug' khye' jham wa myi:6 maid nae" myi: zo boe" nae". – Khoru: ga" re ngonhaung" tau: zoshao khau va". Ngonhaung" tau: yao: re byid: va". Ai: yaug wa ug gam nae" kheim: so' bo nae". Yao" mang wa mug' pho: byin qham cao: phung bao qi" ra" AsAng Mo"so , apyaid ato: yao: pho" , yaug yo cae: tae" AsAng ga: mhang" ru khae: yu: li" nae".7 Davi la kin dao mae zaung mung: mang: din" apyaid ato malam: lai: din: main" ra" tarha" yang ug gam mung: gang: tang nhao nae" khyo: kheim: so' qam: o: qi" qhang: ru we' yaug yo: ru wa malam: lai: lo: nae". Gug: mang: din" gam Mo"so wa yao: o ngaui: khyo: ai: mae" re kyab' sho' zaui: so" li" nae".8 Mo"so: mung dao: re Yaku' amyu" mae joe" mung: Israel byumyu" dao mae joe"9 gyo" nhao: ra". – Zho: cang bai: gyo" lo" ngaid qere: toe" lhang" yu: ra" laug: yang10 dam: zao nae". – Pho' ham" gae jham re thau: lhang" pye' geyang: re: ai: jo, qo mae shaug' gae dam: qho" to: nae" ga: nhag' lam: qi: nghao" ra" Samari vobyu qe mae" ru Ephrim: byu qe alhab' wa ba: li"11 genae". –Mo"so re: ai bam: dashaid' mae Rezin: zug' gyevo qe re tau: yhe' mung: Ephrim: amyu" gyevo re to" lo nhao yang:-12 Qhid' au: mae Suri' byu: thao mae wa Philisti byu qe wa nhaid' ho" khae: ci mung: Israel qe re myug: pye' li" genae". Ngaid qere: yao: nhag' gyid' ru mayo shi: . Lo, wa13 atau: qang: to: shi" ra". – Ce: byumyu" qe wa dae byid' ra" yaug jhao" madam: lhang: lo ko". Gug: mang: din gam Mo"so re14 maba: qho lo: ko". – Ai ru: mung: Mo"so wa Israel amyu" mae" au: we' shomyi: re re: xaung" pa akaung re we' je jid: gae jham re da ne, mae za: je; khyo" pye' li" nae"15 ngaid: . – Au: wa kao qi" ra" mo, we' myo, nho nga: lao: bo mo, ngaid: ra". Shomyi: wa madang mamain" dao: jhau: ra" lapa qe16 ngaid: ra". – Ce: byumyu" re khyo jhui" ra" mo, wa khyo jhui" nghung: veko" ra". Cao" ra" mo, re: byo, qeim: ra" khyo joe" genae".17 Ai ru: mung: Mo"so byu: khug mae zolau: qe re nhag' madag ngaid: ra". Cug' zo: nau" qe we' cug' mo" jham re nhag' makhyag' . Ai bam alhab' wa makhyang: mashab: ra" mo, ngaid mung: madang main: ra" dao: re jhau ba: ako". Ai mung: nhag' gyid' ru mayaug yo shi: yang: lo,18 ayheim" to: shi" ra". – Deim: so: zag kaid' ru wa myi: ru: nga" ba: ra". Zau: jam" re qo" nga" jeim: nhao: ra". Seyo jham re re: myi" yang ngha" mung: agae jham wa myi: khug' we' daga" baui" lo" byaug: li"19 nae". – Gug: mang: din gam Mo"so: nhag' gyid' ru: yang myid gaung wa myi: nga" mung: myid zhai: wa myi: maid nae" thao: boe" genae". Mao: nhaung: yao: cao: pe"20 o: majho" do . – Lo, yo shaid' zin" phyid' ngaid qere: moe, shab' nae". Lo, vai: shaid' mae bin" gyid zo: ngaid qere: magyi: nae". Yham kyo: cao" sho: re yaug nge, zo" li"21 genae". – Manashe: amyu" wa Ephrim: amyu" re Ephrim: amyu" wa Manashe: amyu" re bin" gyid zo: genae". Ai shid' myu" wa Yuda amyu" re daga" za: gye tug' she: li" genae". Ngaid qere: AsAng nhag' yo: magyo" shi: . Lo, re ayheim" to: shi" ra".