1 Ngo jhid' de; ra" AsAng: sabyi' khyae we' tin: yang: jhid' de; ra" yaug: qhid' kheim: mae nghaui" myain" nghaui" thoe: yang nghaui" qu" nae". Myid jin" bo: ra" bam dao mae ngo jhid' de; ra" AsAng:2 sabyi' khyae dakhyae jo; . – Yao: ai mae khoe' mung: laug baui jham re gaug: khyo" pye' yang: gai: thao" ra" sabyi' re qho" ra". Khyae khug mae khug nae" zao dazao re kaid' mung: sabyi' pyag' nae" xam re re: dau" to" ra". Ai: khyae mae sabyi' shi: agyang" zaui" li" nae" ga: myid: lao" ngaid qere: sabyi' aseim za: azaui" li" nhaung" i"?3 Ana" kam" wa o" Yuda mang: byu qe we' Yerusalem: vobyu qe we" Ngo we' Nga" sabyi' khyae re kho' khaui: byid:4 gela, . – Ngo Nga" sabyi' khyae mae maqo" kaid' ru daja: ja: jo, shi" laug i"? sabyi' shi: zaui" li" nae" ein: myid: na: ru , jao: je; shi:5 pe" mung: zaui" li" laug i"? – Ana" Nga" sabyi' khyae mae Ngo kaid' nae" mau" zo" re Ngo naonhaung" re ta" kyo: geli". Cug' khyae jin re Ngo phyo' sin" pye' mung: mo, je byu qe zo" pye' li" genae". Zho: cang khinqae re Ngo phyo' pye' lao" mo, je byu6 qe zab: nhaug' pye' li" genae". – Khyae ai re Ngo pyaid' laid sede: kaid' pye' nae". Ai re khag' re: maqo" zai" caung genae". khag' re: magai: thung: kung" genae". Zau: aja: ja: yaug: li" genae". Ai: khyae mae mug: maqu: sheim: nae" tau: tam" pye' nae". –7 Gug: mang: din" gam Mo"so: sabyi' khyae wa Israel amyu" ngaid: ra". Yao: o ngaui: ra" azo: wa Yuda anyaug ngaid: ra". Yao: wa din" ra" tarha" khyo" myid ngaid qere: qu" ge, . Se' da: be, khyaid' ra" ru din: main" ra" ru mae re: ngug byid ngug nhe' ru" ru za: the' myao: ra".8 Yao: bam yao: za: mug: myid agaung: mae na mung: jo, qo maqhui" lo: yham dayham we' dayham yothaung: dakhyao: we' dakhyao: xo' xo' za: kaid' ko" ra" mo,9 wa byuxa: voqoe, genae". – Gug: mang: din" gam Mo"so nga" no: mae mho: ru wa gai gai: yao: qi: qhang gang" tang: ra" yham myo: sho' mae byu mana cae: jhug tag: jo,10 qo boe" nae". – Khoru: ga" re sabyi' khyae daxe wa dakhyae nho" za: qo" mung: amyug: daxe bam mae" re dabam nho" za: aqo" nae" ngaid: ra".11 Yhid shaug' nae" ga: ne, seim no' no' to" yang: zo: shaug' yid mung: mug: na: bo" ra"12 mo, wa byuxa: voqoe, genae". – Yao: bam: poe mae she tang: pag' tang: khulhao: jhe' cang" sabyi' yhid ci ba: ako". Mo"so: mau" zo" re wa yao: bam pe" dao" manghae" ko" ru we' yao" lo, mau" zo" re mamyid:13 beim: ko" ngaid: ra". – Ai ru: mung: Nga" byu jham juyi mabo yang: taung" sham" pyaung" tai: lo" ru qhug' mung: agyi khaung: mhao: qe zo moe; phau: yang: shid veko". Myaung sho: mo, wa qid shab'14 khyaung: ho: ru qhug' ko" ra". – Ai ru: mung: mai:vo: mug: wa myo, no, mung: yao" nhaid' re lae: thao" qhi" ho" to: yang: yao: bam: kheim: so' wa qam: qi" li" mung: mo, mo" thaui: jham wa zag: hug' mo, we' daga" ngaui bau: ngaui lho" yain" vao: nab:15 lo" veko". – Ai ru: mung: pe" maba mase" mo, goe; gam" ru , myo, nho nga: lao: bo mo, khyoe' ru , ngaid beim" ra" mo, myo,16 nho nga: gyoe; ru qhug' veko" ra". – Gug: mang: din" gam Mo"so kam" wa tarha" yang nga: yhe' ru qhug' mung: shao gyang" ra" Mo"so wa din: main" ru: yang shao17 gyang" ru qo" zai ngaid: ra". – Alao" yao nau" jham wa yao: bam: gyo, zo: jao: re" ru: qhug' zo" li" genae". Cae: jhug tag boe" jo; ra" dai zug: qe sang: qu" va" jo, qo mae bang" vo qe sang zo" li" genae".18 Qug: khai: re qobo mau" khyo" jhui" she yaug , lhin" re taui" yang she: ru re" ru: qobo shaid' khyo jhui" she mo, wa byuxa:19 voqoe, ko" ra". – Yao: bam re: Mo"so: mau" re ngonhaung" the' myao sho' phyaid phyaid zaui" qhu" shao: . Ngonhaung" ba: gyo: sho' Israel qe: shao gyang" Mo"so: juyi khug' ru wa jhao" li" ru we' boe" dang: lo" veshao: ga: ta" ra" mo, wa byuxa: voqoe, phau: genae".20 Magai: ru re agai , agai re magai ga: ta" ra" mo, bo" atha" caid' , caid' atha" bo" , acug re akho: , akho: re acug ga: tha" pye'21 ra" mo, wa byuxa: voqoe, genae". – Ngo wa juyi bo yaug ngaid: ga: myid: ra" mo, we' yao" gaung re ngaid beim" ra" mo, wa byuxa: voqoe, genae".22 Sabyi' yhid ya: yaug mocid' nyain" to" ra" yhid shaug' ze: ra" mo, wa byuxa:23 voqoe, genae". – Yao: bam wa khug vag: zo: mung: tarha" macao" ra" mo, re lhoe' ke' mung: din: main" ra" mo; dang main" khyo re makhae: yu lhaui" pye' ra" mo, byuxa: voqoe, genae".24 Ai ru: mung: gug: mang: din" gam Mo"so: tarha" re lhaui" pye' yang: Israel qe: shao gyang" Mo"so: mung dao: re maphug' makhyaid' kaid' ko" ra" mathao mae myi: shae wa khofo re nga" ru ru: mhin: kyaug' wa myi: khyeim" gyo" nga" re" ru: yao: bam: agyi: wa qeim" lo" mung: yao: bam: abu" jham wa phaui: lhug re" ru: dao" lo"25 byaug: li" genae". – Ai: mathao mae Mo"so wa yao" amyu" qe re nhag' gyid' mung: lo, yheim" ke' yang: yao: bam re qobo dae byid' ra". Bam jham re: laui" nain" li" mung: yao" amyu" jham: mao gaung wa hau" mo" mae poe' ru" ru bam zao: jo; ra". Ngaid qere: nhag' gyid' ru wa mayo shi: lo, ayheim" to: shi" ra".26 Mug: va: mae na: ra" byumyu" jham: tau: khyi tau: to' mung: mug: myid athao" mae" mo, re lhau: pug: ke' mung: yao: bam27 wa phyaid za: joe" li" lo genae". – Yao: bam mae myaung: mo, mabo , tha" lang: mo, mabo , yab nghoe" nghoe" mo, mabo , yab mo" myid' ru re: mabo . Yao: bam: phyid' cui: re: mabeim . Yao: bam: khyid zhaung: taui: re: byid nae" mangaid: . –28 Yao: bam: bag myo: wa ceim mung: la: re: thaung: ci ko" ra". Myao: khyid jin" jham wa myi: be; we' dau mung: lhin" ce' jham29 wa la sham" ru: lhang: na ko" ra". – Yao: bam haung: ra" thoe wa lotin: thoe we' dau mung: lotin: nau" qe ru: myang: lo" genae". Yao: bam kyid' mung: zo: sho: ru: bin" she: lo" li" genae". Khyaid' yu nae" ru mabo: ra" mathao mae vo; she: lo" byaug:30 li" genae". – Ai: ba na ayo, akhin: mae yao: bam wa qid dae mo" bang: lhung" thoe ru: myang: hau: li" genae". Ai: mang: din" re qu" ke' re no, tang: lang" ru" qug: khai: kyi" khyag' za: byang" ug: jo, mung: mug: gaung: bo" bao sham: byaug: lo" li" nae".