1 Mo"so wa ceru: ga: mho: ra". Mug: gaung wa nga" la kin myid gaung wa nga" khyid nao: jao: ngaid: Nga" tau: khoru" ra" pa" jhaung: yham kaid' genae" i"?. Khojo, qo wa ngo vao: ab' laung" nae" jao: ngaid2 nae" i"? – Ce jham alhab' wa ngo yao: phain: to" ru ngaid ko" ra". Nhag' lam: nyham: khyo" ru nhag' lam: gyug' main" ru nga" mung dao" mathao mae gyaug: nin"3 ra" yaug re za: ngo qu" gam nae". – Nung: jaung lo: re se' ra" yaug wa byu se' yaug we' dau: ra". Yao nau" re xeim: ngaui" ra" yaug wa lakha" lang zang: phyid' ra" yaug we' dau: ra". Zo: pho: xeim: ngaui" ra" yaug wa vo, sa: xeim: ngaui" ra" yaug we' dau: ra". Lo: bain: ngha" ngaui" ra" yaug wa alho re min byid: yaug we' dau: ra". Gai gai: yao: yao: bam wa yao: yao: o: ru re khyin: yu mung: yao: bam yao" mashab makhyang" ra" mau" mae nhag' dag: na ko"4 ra". – Ngo re: yao: bam: tau: qug: khai: re khyin nae". Yao: bam gyaug: ra" ja: re yao: bam: dao mae joe" nhao nae". Khoru: ein: re ngo yao: ke' au: mae khag' re: matau: ko" Ngo dao: jhau: ru re matae" gyo: ko" Nga" myo, qao: tae mae magai: ra" mau" zaui: ko" ngo ma-o ngaui: ra" ja: re khyin: yu veko".5 Mo"so: mung dao" mathao mae gyaug: nin" mo, we" yao" dao: tae" gyo: ge, naon- haung" re manug: ru we' nga" mang khyao" mathao mae naonhaung" re kao" to: co' ko" ra" ni" mao: nhaung: qe wa naonhaung" ngaui bau: yaug yo: na: ru re ngonhaung" the' myao sho' Mo"so wa phung bao qhu" veshao: ga: ta" gengaid yang: re: qho'6 gyaug: ru qhug' genae". – Vo khug mae" vu vu di di ga" thoe , pa" jhaung: yham khug mae" thug' lo: thoe , gyevo qe re dae co' phaug' ra" Mo"so: thoe ngaid: ra".7 Ziun zomyi: zo: wa zo: khau no mano: ru zo: khau va". No: ru re mabeim maso:8 shi: re yaug gai zo: re myhung: ava".– Ai ru" akhyo re khoyaug gyo" qu" ko" i"? . Ai ru ra" mae" re khoyaug myao: qu" ko" i"? . Mang: din" re dane, mae za: gain: myhung: i"? . Mang: din" re dalhang: dae za: gai: qo" khau myhung: nae" i"? . Ziun zomyi: zo: re9 khau: ke' venhaung i"? . – Zo: khau nae" tau: ngo boe" nhao: mung: makhau nhao lo: gai: na nae" i"? ga: Mo"so myid' na: ra". Ngo gaung la: nhao: mung: zo: khau tam" kyo" to: nae" ngaid: ra" i"? ga: ni" Mo"so ta" na: ra".10 Yerusalem: re jhid' de; ra" mo, we" yao: we' daga" ngaui bau: zhao: yao: na ge,.Yerusalem: vo: tau: kaug' myain" qhu" thoe mung: na: ra" mo, we" yao: we' daga"11 ngaui bau: ngau lho" na ge, wo". – Ai ru: lao" naonhaung" wa yao" nhag' khyag' shogu: qao bam nug' shaug' mung: gyi: genae". Naonhaung" nug' jhab' mung: yao" magain: mago" jo, nho" dai kham mae12 ngaui bau: yaug yo genae". – Mo"so ce ru: ga: mho: ra" , yaug yo: ru wa qid gyaung: re" ru yug: ra" qid re" ru: labug: amyu" qe: jo, nho" dai kham re Yerusalem: vo khyo ngo joe" lo nhao nae". Naonhaung" wa qao bam nug' cug qang: re shaug' mung: phyid' dam: mae vo; ci: mung: paid' laug dao mae zhaung yang: zojhu" jhu" ru qhug'13 genae". – Yao: myhi" wa yao: zo: re jhu" ru re" ru: Ngo naonhaung" re jhu" nae" Yeru- salem: mae ngaui bau yaug yo: ru the' yu genae".14 Naonhaung" ai re myao yang: naon- haung" nhag' myid zhao: yao mung: naon- haung" sho: qug: sho: qae jham wa nyug lao qam" ra" mhin: zo: laung: la jham re" ru: qam: bo genae". Mo"so: lo, wa naon- haung" re gug: gam mung: nhag' gyid' ru15 wa gyevo qe re ci: qhu" li" genae". – Qu" ge, Mo"so gyai thin: ra" ave, nhag' gyid' ru re myi: shae khyo" yang mho" shid' kyang" nae" tau: la sham" re" ru: lhin" jui: mung:16 myi: re" ru: joe" gyo" li" nae". – Mo"so wa myi: we' shae: yang byu Xaosu alhab' geim" re qobo dae byid: mung: Mo"so: yang se'17 ra" mo, gyai myo: laug: li" nae". – Mo"so dalhang dam: mho: ru wa vo, sho: , qug sho: , anyain: avho" ja: jham re zo: mung: khyae gaung: mae jo; ra" alho: qhid' kheim: mae yao: yao" gaung re shao kyang" ra" mo, wa dalhang: dae za: byo, qeim: ra" khyo joe" genae". Yao: bam: ave, re re: myid tau" da re re: ngo ba gau .18 Ayo, akhin: joe" lao" myain" thoe majho" dau: ra" byu myu" aja: ja: alhab' geim" re Ngo ham phaung nhao: ru: yang yao: bam zang" lo mung: Nga" phung qab19 bao re the' myao genae". – Ngo yao: bam: ve, lho qhu" mung: loe, beim: lo mo, Tarshi' mang: Pula' mang: lo, la: bag jhao: ra" Luda mang: , Tubala' mang: Yavain: mang: khyo re: , Nga" mang re magyo" qu" ru we' Nga" phaung bao re mathe' myao: ra" qid dae yae cao" mang: khyo nhao: ke' mung: yao: bam labug byu myu" khyo nhao: ke' mung: yao: bam labug byu myu" qe re Nga" phung bao:20 akhyo ta" kyo: genae" ngaid: ra". – Israel amyu" qe wa shao lho" ra" keim we' ngaui" xeim: re pa" jhaung: yham khyo ci: li" ko" ru: , ai bam wa naonhaung" mao: nhaung: alhab' re myao: lhin" , dao zung , lau gung: myao: , ma dae myao: dao mae kai: mung: Mo"so re ngaui" byid: nae" tau: mang: khao: mang: ngo" mae" Nga" shao gyang" ra" bam Yerusalem: vo khyo ci: zang" lo:21 genae" ga: Mo"so mho: ra". – Yao: bam: khug mae" khin jaung we' Levi' byu qe: aya: ngo byid: nae" ga: Mo"so mho: ra".22 Ngo phain: ra" mug: gaung asag' we' myid gaung asag' wa Nga" myo, qao: tae mae gang" tang: jo; ru ru: naonhaung" amyu" akaung we' mang khyao: wa malam: lai: nae" ga: Mo"so mho: ra". –23 Lho" xin: khao ngo" we' dug no: ba khao: ngo" daui mae" daui na mae" na alhab' wa Nga" qhid' kheim: mae goe; pa" nae" tau:24 joe" li" genae" ga: Mo"so mho: ra". – Yao: bam wa Ngo re shaid' nghung" mo, shid mao jham re thug' ye: mung: qu" genae". Ai bam re zo" na: ra" laugdaung: jham shid genae" mangaid: , yao: bam re Nga" na: ra" myi: re: shid zai mangaid: . Yao: bam alhab' wa anyain: avho: boe" genae" ngaid: ra".