1 AsAng wa mug: gaung re phung" mung: gyo" li" wa, wo". Bam jham wa ni" qhid'2 kheim: laui" nain" na vegeshao: . – Nao re gye kaid' ra" mo, ni" mang khyao: re ba: lo mung: ni" qhid' kheim: mae gyaug: nin" vegeshao: boe, said re nga" ru we' qid re zhau nhao: ra" myi: ru: boe" wa, wo". –3 Ngonhaung" myid: nghae" ra" tho' je: mug' pho" mau" kaid' ke' ra" au: nao gyo" li" mung: bam jham wa ni" qhid' kheim:4 mae laui" nain" genae". – AsAng re myid: nghae" na: ra" yaug: tau: nao re" ru: jeju kaid' ra" Mo"so getau khoyaug re: mug: thug' sao peim mae" maba magyo" qu"5 myo; yang re: mamyao: qu". – Ngaui bau: ngaui lho" nhag' myid we' din: main" ra" khyo" cao" mung: dang main" ra" khyo mae AsAng re myid: beim" ra" mo, we' AsAng zam" khug: ra" ai: gau: khyo gai mae" ngonhaung" nghung: ba: ra" mathao mae AsAng nhag' gyid' ra" khyaid' khyi: yu:6 shaid' khyo gai: joe" zai ngaid: i"? – Ngon- haung" alhab' wa mashao magyang" mo, boe" bam va". Ngonhaung" dang main" khyo wa pang lhag' ra" mai jaid: we' dau: byaug va". Ngonhaung" alhab' wa sag' vho' re" ru: jhoe' lo" mung: ngonhaung" qobo wa la re" ru: ngonhaung" re hug' tao" pye'7 ava". – Nao wa ni" myo, khung: lhang: phaug' pye' mung: ngonhaung" shaid' nghung" ru we' ngonhaung" re jeim: nhao: ra" mathao mae ni" mang khyao: re ga: yao: yao" gaung khyao re qam: pin" ru dayaug re: mana lo: .8 Ngaid qere: Mo"so we" nao wa ngon- haung" yao: pho" ngaid: AsAng wa ug' kaid' yaug ngaid: ra". Ngonhaung" na mae: na9 wa ni" lo, mau" ngaid: ra". – Mo"so we" qi: sho' nhag' dataung" yo: shi: shaid' nghung" qobo jham re daso: byid: shi: la, . Qu" wa, ngonhaung" alhab' wa ni" byu qe ngaid:10 bam: . – Shao lho" ra" vo mo" re: seyo segae: boe" byaug va". Ziun: bam re: seyo boe" va". Yerusalem: vo mo" re: byo; qeim:11 byaug va". – Phug' pho" qe nao re caung: khin" ra" ngonhaung" shao gyang" yaung" lho" ra" pa" jhaung: yham nga" byaug va". Ngonhaung" o ngaui: ra" jo, qo jham pyaid'12 laid sede: boe" byaug va". – Mo"so we" ce: mau" jham re zang: qhao" mung: sae za: na: jo, mung: ngonhaung" re qi: sho' sho: jhin nhao shi: nae" i"?