1 Mo"so: solo wa nga" adao mae zaung: na va". Khoru: ein: re masho: majhin: mo, re ngaui bau: lau dao: ta" kyo: nae" tau: ngo re xau gyain: byid: va". Nhag' lam: gyug' main" na: ra" dae khu re thab' byid: nae" re: sham" taui" lhaung" qhug' ra" mo, re nhao: ke' nae" akhyo we' jeim doe; na: ra" mo, re kyam: kham: phung" nae" akhyo re2 ta" shid' kyo: nae" tau: mae re: , – Mo"so o ngaui: ra" zin na Ngonhaung" Mo"so qobo dae byid' ra" ba na re ta" kyo: nae" tau: re: kaug' qhui qhug' na mo, re nhag' tang"3 nae" tau: re: – Nhag' kaug' myo, yug: na: ra" Ziun: vo mae myiqe; atha" maug bain re nhag' ngai: ra" atha" ngaui bau: nae" xau: nhag' myid yaug mayo: ra" atha" yaug yo zhao: yao: ra" mai bau: yao: bam re byid: nae" tau: mae re: ngo re nhao: ke' ru ngaid: . Amung: Mo"so nga: lho" nae" tau: yao: bam wa yao: qho" to" ra" din: main" sag' gae jham ga: mhang" ru qhug' genae".4 Geco' ne, mae" byo; qeim: byaug: ra" ja: jham re nyhang" byao: li" genae". Qhid' phyao: sham" shaung: jhaid' pye' va" jo, qo jham re dam: de: genae". Cae: jhug tag: ra" vo shepye' to: va" jo, qo jham re dam: nyhang" caung shaung yhaung"5 li" genae". – Labug: byu myu" qe joe" li" mung: naonhaung" yao phung: re li" zaung" genae". Gemang: gedin" zo: qe wa naonhaung" tau: yo thaung: phaug' mung: sabyi' khyae re re: nyhang" qho: byid' li"6 genae". – Naonhaung" kam" wa Mo"so: khin jaung qe ngonhaung" AsAng Mo"so: mau" vin mo, ga: yang: mhang" ru re qhug' genae". Naonhaung" labug qe: jo, nho" re zo: shaug' mung: yao: bam: myo, nho nga: lao: ham" hung: mae nga: kaid' ngaui bau:7 genae". – Naonhaung" qho' gyaug phau" lo: ru mae so' ha" shid' gae bam qhug' khae: yu mung: nga: khyoe' qhug' lai: lo: ru mae re: yao: bam phau" lo: tho' ngaui bau: genae". Yao: bam: mug: myid re ma khae: yu mung: byu ngug xe qae: ngaui bau: yaug yo: ru we' byang" sheim: lo: li" genae". –8 Khoru: ein: re Mo"so wa tarha" din" ru re o ngaui: ra". Lhaid' zo: lhaid' shaug' se' da: be, khyaid' mau" re gyid' ra". Dang main: khyo cao" mung: Ngo yao: bam re apyaid9 ato: dao: thang: byid: nae". – Yao: bam: amyu" akaung aboe: aqae: qae: mae yao: bam wa labug amyu" qe: jo, qo khyi" khao: ngo" mae ham" hung: qo" genae". Yao: bam wa Mo"so: min the' khae: yu: ra" amyu" qe ngaid ko" ra" ga: yao: bam re the' myao: ra" mo, yhin" yu: li" genae".10 Ngo wa Mo"so mae ta" lo ma-aung ngaui bau: mung: nga" nhag' myid zhao: yao nae". Khoru: ga" re pho" sag' wa maung bain re zhaung" ci: ru ru: myhi" sag' wa mai bau: shaung yhaung" ve; ci: re" ru: khyaid' khyi: yu: ga". Mai bau: ngo re ve; ci nhao mung: din: main" ru: yang nghoe'11 gam byid: va". – Myid gaung wa azo: agae jham re yaug: lo nhao: mung: khyae wa sin" to" ra" qhovo: re anyaug again" gain" nhao: ru re" ru: Mo"so wa byu myu" cao jab: qhid' kheim: mae din: main" ru we' caung: khin" ru re poe" thug' ke' li" nae".