1 Yaung" lho" ra" mai bau: ve, mung: qi" ra" kheim: so' we' to" ye, mung: Edom: mang: Bozara' vo mae" bau: re ve, mung: lo: ra" yaug wa khag' ngaid: ra" i"? Din: main" ra" tarha" re ta" mung: khyaid' khyi: yu nae" tau: phung qab bao bo: ru Ngo yao:2 ngaid va". – AsAng wa pe" mung: ne: ra" mai bau: ve; i"? Ni" mai bau: wa sabyi' shi: pyag' yaug: mai bau: we' pe" mung: jho"3 dau: i"? – Sabyi' shi: re ngo dayaug yao: za: nao" jhab' va". Amyu" qe mae" ngo jhao" dayaug re: mabo ko". Ngo nhag' gyid' ru we' yao: bam re zab: nhaug' pye' mung: saung" yao: nhag' yo: yang: do; lhoe" pye' va". Yao: bam: sa: wa nga" mai bau: mae zin: zao" mung: nga" mai bau: wa ataug' atung" boe"4 byaug va". – Ngo qobo dae byid' ra" ba na re ngo myid: beim: va". Ngo khyin: yu: ra"5 mo; ba na ayo, joe" va". – Ngo qu" ke' au: re bao" thaug' yaug mana pyain" shoe qe re: bao" tau: to' nae" ru mana yang: mug' ra". Ai ru: mung: nga" lo, wa nga" tau: khyaid' yu: khyo qam: ke' mung: ngo nhag' gyid' ru: yang ngo re thaug' qhao: byid'6 ra". – Byumyu" qe re nhag' saung" qu" yo: yang: ngo zab: nhaug' pye'va". Dae xo sho' yao: zab: khyoe' nhaug' pye' va". Yao: bam: sa: myid mae sheim: gyo" nhao va".7 Mo"so wa ngonhaung" re nhag' myain" ru we' yao" gain gin makhin" jhid' myid: yang ngonhaung" re nhag' myain" jeju alhab' re re: Israel amyu" mae jeju ci qhu" ra" ru re qu" mung: Mo"so: ham" hung: re8 ngo caung: khin" nae". – Gai gai: yao: bam wa Nga" byu qe ngaid ko" ra". Aphaug' alhain: maba: kaid' ko" ra" zo: dau qe ngaid ko" ra" ga: mho mung: yao: bam re khyaid'9 yu: ava". – Yao: bam aqug: aqae" thaung" qhug' ko" au: mae yao: bam mayhin" pyam" yao" qhid' kheim: mae" mug: logyo: re nhao: ke' mung: nhag' khyag' shogu: jeju khyo" khyaid' yu: ra". Geco' ne; ta khao: ngo" mae re: jhui" she: lo: ava".10 Yao: bam kam" wa tang: tug' tau: lhain: mung: yao" shao gyang" solo re nhag' kaug' nhao veko". Airu: mung: yao: bam re gye she mung: yao: yao: gye khaid' ava". –11 Alao" Mo"so wa geco' ne, mae" ayo, ba na re re: Moshe we' yao" amyu" zo: qe re re: myid: beim: mung: yao" byu jham we' yao jham re daga" za: qid dae mae" jhui" she:12 thug' lo: ru wa khai: lo" veko" i"? – Moshe; lo, yo nhae mae yao" bao qhi: ra" lo, lam: re ci: qhu" ru we' apyaid ato mae yao" mang khyao: re bao: myhao" na genae" tau: qid dae mo" re yao: bam: myo, hao: tae mae13 go; gao" lae: lo" mung: . – Gao so yo mae myao: jham re keim" ru re" ru: atha: athu maqhug' lo: no; thao" ru mae yao: bam re jhui" lo yaug Mo"so wa khotau mae na: ra"14 i"? – Lao: khaung: khyo gyo" ye" ra" yao nung: jaung jham re" ru: Mo"so: Solo wa yao: bam re dug no: nhao va". Ai re" ru: ni" mang khyao: ham" hung: qi" lo veshao: ga: ni" amyu" re jhui" lo: ava".15 Mug: gaung: dao mae" gam" goe; qu" wa, shao lho" mung: phung qab bao re qhu" ra" mau" zo" wa khai: mae i"? Ni" nhag' myid khug mae" nhag' khyag' shogu:16 ru wa ngo we' va" lo" nhao: ava". – Abra- ham wa ngonhaung" re maba Israel wa makhae: yu ngaid qere: gai gai: yao: AsAng wa ngonhaung" pho" yao: ngaid va" wo". Geco' ne, mae" ngonhaung" re khyin: yu:17 ra" Mo"so ngaid va". – Mo"so we" ni" gau: khyo mae ngonhaung" re pe" mung: nghung" lo" nhao: i"? AsAng re magyaug nae" tau: Ngonhaung" re nhag' myid pe" mung: qao nhao i"? Ni" daui mung zo: ga" ra" ni" khyao kham khyao khae: amyu"18 tau: dam: lhang: lo ri: . – Ni" shao lho" ra" amyu" qe wa dazab zo: za: qo" ug: ra" thao mae ngonhaung" gye vo qe wa ni" shao lho" jhaung: mho' yham re zab:19 phyid' lhoe" lai: lo" veko". – Ngonhaung" wa AsAng ma ug: qu" ra" byu qe re" ru: ni" mang khyao: re makhae: yu: qu" ra" byu qe re" ru: boe" byaug va".