1 To" wa, bao wa, ni" bo" bao joe" va". Mo"so: phung bao wa ni" adao mae bao:2 thug' li" va". – Qu" wa, mug: caid' no, tham" yang myid gye, geim" re nghoe' gam: lo" li" nae". Thau: ra" mug: caid' wa byu myu" cao jab re nghoe' gam: pye' li" nae". Ngaid qere: ni" adao mae Mo"so joe" thug' li" mung: phung bao wa ni" adao mae bao:3 na: li" nae". – Taung bug byu myu" wa ni" bo" bao khyo jhaung zug: qe wa ni" bao qhi: ra" qab bao khyo zang" lo: li" genae".4 Avai: ayae khyo nghao" qu" ke' wa, yao: bam zang" qham: phaung mung: nao jhao" lo veko" ra". Ni" zolau: zo: qe wa mug: va: mae" zang" lo mung: ni" zo myi: zo: qe wa ni" nhae mae zo: vhai mang lao:5 khae: yu: li" genae". – Alao" nao lham: the' myao yang: nao bao qhi: li" nae". Ni" nhag' myid nin" sho' ngaui bau" li" nae". Khoru: ga" re qid dae: jo, nho" jham wa nao jhao" lhang: lo: mung: taung bug amyu" qe zai yo jo, nho" dai kham wa nao jhao" joe" lo6 nae". – Ma dae myao: jham Midian: mang: we' Epha: mang: mae" ma dae myao: jham nao mae byang" sheim: lo: li" genae". She: ba' mang: mae" mo, alhab' joe" lo genae". Yao: bam wa hhang we' lo: bain: re ci: lo mung: Mo"so: jeju ham" hung: re ngaui bau: ngaui lho" caung: khin" li"7 genae". – Kedara: mang: mae" yao phung: jham alhab' wa nao jhao" joe" zang" lo: li" genae". Nebaiod' mang: mae" caid' lo: jham ni" mau" vin vo, mung: Nga" ngaui" phain mae lham: khae: yu: ru qhug' nae". Nga" phung bao bo: ra" nga" yham re je:8 bao qhi nhao nae". – Nhag' qhid' ru: to" lo mung: yao" said' khyo dao" lo: ra" phaung" kyug' re" ru: dao" lo mo, wa khag' ngaid9 ko" ra" i"? – Gai gai: yao: ni" Mo"so: mang khyao" mathao mae re: nao re phung bao byid' ra" Israel amyu" shao gyang" Mo"so: mathao: yang re: ni" zo: dau shao gyang" Mo"so: mathao: yang re: ni" zo: dau qe we' daga" yao: bam: ngaui hhang jham re mug: va: mae" ci: zang" lo genae" tau: qid dae yae cao" mae" mo, ngo re lao" na: bam veko". Tarshi' lha jham: qhid' au: mae joe" jo; li" nae".10 Labug: byu myu" qe wa ni" vokham" re kaid' li" genae". Jhaung zug: qe re: nao re caung da" genae". khoru: ga" re Ngo nhag' gyid' yang: nao re dae byid: ngaid qere: nhag' khyag' shogu: myid we' nhag'11 myain" yu shi: nae". – Labug: byumyu" qe: jo, nho" dai kham jham re nao jhao" ci: zang" lo mung: yao: bam: jhaung zug: qe re re: dai" vhao" lo genae" tau: ni" kham: mo" dung: jham re myi" na" ayo, khao12 ngo" phung" ha" to: ca" li" nae". – Nao re macaung da" ko" ra" amyu" we' mang: din" wa byo; qeim: lo" li" nae". Gai gai: yao: ai: amyu" wa shao" pyaid' sho' byo; qeim:13 gain: lo" nae". – Nga" shao gyang" ra" jo, qo re nyhang" shaung yhaung" nae" tau: Lebanon: ham" hung: we' daga" hhuje; gae jhulhang" gae we' pho' ne gae jham nao jhao" daga" za: joe" lo genae" ngaid mung: Ngo wa nga" khyid nao: jao: re Nga: lho"14 nhao nae". – Nao re pyam" yhin" ra" mo; zo: myid: qe wa nao jhao" li" mung: goe; pa" genae". Nao re maphug' makhyaid' kaid' ra" mo, alhab' wa ni" khyid qao: mae goe; gam" na: li" genae". Israel amyu" shao gyang" ra" Ziun: ga: nao re mhang" genae".15 Nao mae khag' re: manug: lai: lhau lo: sho' shepye' to: ko" ra" mathao mae Ngo nao re apyaid ato: mae myo, nho nga: lao: re byu ngug xe qae: joe" sho' ni" ngaui bau:16 jao: ngo poe" byid: nae". – Nao wa labug: amyu" qe: nug' re shaug' li" nae". Jhaung zug: qe: qao bam nug' cug qang: re re: shaug' nae" ngaid: ra". Amung: ngo wa nao re khyaid' khyi: yu: ra" AsAng Yaku' amyu" mae phung qi" ra" Mo"so wa nao re khyaid' khyi: yu: ra" yaug ngaid: ru re nao ba: li"17 nae". – Gyid' atha" hhang jo, to' atha" ngaui sag' pye: atha" gyid: laug baui: atha" jo, to' re ngo ci: lo nae". Ni" zug: qe mae yaug yo: ra" myid khang: khyui mo, re din: main" ra" nhag' myid ngo ke' byid: nae". –18 Ni" mang: din" mae se' da: be, khyaid' thoe magyo: lo: nae". Nao na: jao: mae phyo' qheim" lhaid' yu: ru majo, lo: nae". Nao wa ni" vokham" re caung: khin" ra" jo, qo ga: mhang" nae" ngaid: ra".19 Thao phyao: na" re bao byid' ra" bo" bao wa ba mae" bo" bao mangaid: myi" ayo, mae re: lho" bo" bao wa nao mae bao byid: lo: nae" mangaid: . Mo"so wa nao mae apyaid ato: bo" bao Mo"so wa ni" myo, nho nga: lao: phung qab bao boe" nae"20 ngaid: . – Ana" mae" thao khyo ni" ba wa vao lo: nae" mangaid: ni" lho" mo" re: shid: lo" lo: zai mangaid: Mo"so wa nao mae apyaid ato: bo" bao boe" mung: nao nhag'21 kaug' myo, yug: ra" ayo, gain va". – Ni" byu myu" qe alhab' wa din: main: mung: mang: din" re apyaid ato: Ma qo" ge mung: Nga" ham" hung: qi" lo nhao nae" tau: yao: bam wa ngo qho: mung: caung: qhang" ra"22 aso: again" jham boe" genae". – Zoshao dayaug wa byu dataung boe"nae". Qam: nang" ra" byu dayaug wa qam: mo" bo: ra" amyu" boe" li" nae". Mo"so wa ayo, akhin: joe" lao" ai: mau" re nhug' peim: nae".