1 Din: main" ra" yaug wa byo, qeim mung: jeju ba: kaid' mo, wa sham" lhaui" pye" qhug' ra" au: din: main: yaug re magai: ra" ja: mae" qab: yu va" ga: khag' re: majho2 ko" ngaid: ra". – Ai ru" ra" yaug wa yaug yo: ra" khyo qo" vao: ra". Din" ra" gau: mae cao" ra" mo, wa yao: yao" yab jaung: dao mae dug no" na ko" ra".3 Jain: myhi" yao: zo: lao lhaid' ra" myiqe: myhi" yao: zo: yaug zhang: myhi"4 yao: zo: jham we" li" geri: . – Naonhaung" wa khoyaug re zo: zai" zai" ko" i"? khoy- aug re nhaid' ho" yang: sho taid' qhu" ko" i"? Naonhaung" wa tarha" lhoe" ra" mo; zo: dau qe , mhug' pyag' vhain" ra" mo; myug: shi: qe ngaid ko" ra" mangaid:5 i"? – Nyug lao qam" ra" sag' gae qao: mae" gyoe lho mae nhag' dag mo, lao: khaung: laug pyo' qao: mae byu se' ra" mo, ngaid6 ko" mangaid: i"? – Lao: khaung: qid zo: gyaung: mae" gyoe laug; je, wa ni" dai kham ngaid: ra". Ai ru" ra" jo, qo mae vhe' sheim" ra" ngaui" xeim: we' zo: pho: shaug' pho: xeim: lhaug' ngaui" ba ko" ra". Ai ru" ra" xeim: re ngo o ngaui: ru mangaid: . –7 Nao wa myhao: ra" bam dao mae ni" yab jaung: re to" to: mung: xeim: ngaui" nae" tau: nao ai: khyo do, lo" ava" mangaid:8 i"? – Nao myid: beim: nae" sagso: re kham: we' khaung zang: nhaung thao" mae to: co' ava". Nao mai bau: khyaid' mung: ngo mae" getau: yab jaung: khyo do, ye" ava". Ni" yab qo re ce" lae nhao mung: yao: bam we' dao: so: to" ava". Yao: bam: yab jaung: re re: qu" myo, no, mung: jo, qo re qho:9 ava". – Nao wa xau ci yang: jhaung zug: jhao" ye: mung: sheim nae pyo" ra" ja: zai" laug: ru we' ni" logyo: qe re mug: va: khyo nhao mung: mo: vo: mug: joe" sho' nao yao: yao: khyo" nyham: gyo" ru boe"10 ava". – Nao gyaung: khyo qhang su: mung: myaung: dug ngaid qere: ai wa aseim aje ngaid: ra" ga: nao mamyid ngaid: ra". Ni" khyid lo, mae qam: abo: na shi" au: pyain" thoe magyo: ngaid: ra".11 Nao wa mhug' ru we' ngo re to" myhid' pye' mung: pe" shui manho: mathao mae khoyaug re gyaug phug' na: i"? Ngo myao" sho' sae za: na: na: mathao: yang Nao ngo12 re magyaug lo: na: na: mangaid: i"? – Ni" din: main" khyo re ngo ci: thug' qhu" nae". Nao kaid' ra" mau" zo: wa pe" so' ha" qo" ra" i"? Ai ru" mau" wa pe" so' ha" maqo"13 byid: . – Nao zag: gyi: hug' ke' re ni" mo"so jham ataung wa nao re khyi: yu veshao: la wa yao: bam re sham" lhaui" lo" li" nae". Shang" zo" la wa yao: bam re hug' tao" pye' li" nae". Ngo mae khug ngha: na mo, kam" wa mang: din" re sang mung: nga" shao lho" bam re makhae: yu: li" genae".14 Nga" byu myu" qe anhaung" akhoe' maboe" ko" veshao: myid zhai: dau" bam" ge, dau" bam" ge, khyo re nyhang" tae"15 ge, ga: mho: ra". – Khoru: ga" re gyag maqhui: thain" madaui ana: na mung: shao gyang" mang qo" yaug myhao: thao" ra" mug: gaung: dao mae na: ra" yaug Mo"so ceru: ga" ra". Ngo wa shao lho" phug' de; thao" ra" jo, qo mae na: Nhag' lam: nyham: khyo" mo, we' nhag' lam: gyug' main" ra" mo; solo re nhag' tang" mung: nhag' myid gyug' main" ra" mo, mae we' Ngo na: na16 nae". – Ngo wa mathang mano: kaung: kag' na nae" mangaid: . Malam: lai: nhag' yo" na zai mangaid . Ai ru: mangaid: re solo wa nga" qhid' kheim: mae byaug: byaug mung: ngo phain: to" ra" nhag' myid wa17 byo; qeim: lo" byaug zai ngaid: . – Yao" so' kho' myo, no; ra" qobo: mathao ngo nhag' gyid' mung: qobo dae byid: va". Nhag' saung" yo: yang: myo, khung: lhang va". Yao: re: yao" gau: khyo khyo" khyo18 nghung: nghung" lo" va". – Yao" na qab: ye, bao re ngo myao va". Yao" no phyo: re gai nhao mung: khyo gai ceim" shid' shi: nae". Yao: re re: yao: we' daga" nhag' ngai: na mo, re re: ngaui bau: yaug yo nhao shi:19 nae". – Nhaid' qid ashi: re phain: to: nae" mug: va" mae" yaug re re: yaug yo veshao: yaug yo veshao: yao" mau byin: re ngo gai20 yo nhao nae" ga: Mo"so mho: ra". – Tarha" macao" ra" mo, kam" wa qid dae mo" bang: lhung" yang lhau: mhoe: ra" qid moe: au:21 mae" tham: bab: we' dau ko" ra". – Tarha" macao" ra" mo, mae ngaui bau: yaug yo: ru mabo ga: Mo"so mho: ra".