1 Zo: makhau: ra" bug daung: myhi" qe we" ngaui bau: ge wo". Zo: khau no mano: qu" ra" myiqe: we" zag: gyi: hug' ge, . Khoru: ga" re shepye' to" ra" myiqe: myhi" wa yham sang pho" qo" ra" myiqe: myhi" tho' je yang: myo" laug: ra" zo: qe re khau2 va" ga: Mo"so mho: ra". – Ni" seim zaung jo, qo re ce" yu wa, ni" na jao: jo, qo re lao" lhung" laung: wa, o: byid: nhag' myid dabo . Taui: re dug' to: wa, daung" zang re3 tang sho' zhaug' wa, . – Khoru: ga" re ni" lo, yo lo, vai: amyu" qe re ma qo" mung: yao: bam: cae: tae" ra" jo, qo mae khug ngha: na: li" genae".4 Dagaung yug gyaug qho' phau: nae" mangaid: myo, nho daphyo' qheim" gyaug qho' ru qhug' nae" mangaid: khoru: ein: re ve, qae" ayo, mae thaung" qhug' lo: ra" gyaug qho' re to" myhid' pye' li" nae". Cug' mo" mo" na: au: thaung" qhug' lo: ra" ru re thao phyao: mabeim: maso: lo: nae". –5 Khoru: ga" re nao re phain: ke' ra" yaug wa ni" yham sang pho" ngaid: ra". Yao" mang wa gug: mang: din gam ug Mo"so ngaid: ra". Nao re khyaid' khyi: yu: ra" yaug wa Israel amyu" mae shao gyang" ra" yaug ngaid: ra". Myid dagye, geim" re ug: ra" Mo"so ga:6 mho genae" ngaid: ra". – Shepye' qhug' yang: nhag' lam: shoe: na: ra" myiqe: myhi" zo myi" bang: mae myhi" boe" mung: kao" pye' qhug' ra" myiqe: myhi" re dalhang: dam: khai: yu: re" ru: nao re ngo khai:7 yu nae" ga: ni" Mo"so mho: ra". – Nao re dazab daso' lhau" shepye' to" ru za: ngaid mung: qi" thao" nhag' myain" ru we' dalhang dam: zam" jhui" na shi: nae". –8 Saung" yao: nhag' gyid' mung: dazab zo: ngo myo, khung: lhau" lhang: phaug' ngaid qere: mabaui mabyo; jhid' nhag' we' nao re nhag' myain: khyaid' yu shi: nae" ga: nao re khyaid' yu: ra" Mo"so mho: ra".9 No"a' ta mae" daqid re ngo myid: qu" mung: thao dalhang myid gye, re daqid mashi: lo: ein: jham tang" to: va" ru we' dakhyo: nao re nhag' mayo: qeim re: maqeim lo: nae" ein: ngo jham tang: yang:10 mho va". – Bam mo" jham qui" lo" mung: bug gaung jham laui" nain" gengaid yang: re: Nga" jhid' nhag' wa nao mae" qui" lai" lo" zai mangaid: . Nga" yaug yo: ra" solo re: malai: nae" ga: nao re nhag' myain" ra" Mo"so mho: ra".11 Pyam" yhin" ru we' la qam" phau: mung: yaug yo: ru maqhug' ra" yaug we" Ngo wa ni" yham re myid au: naug' yang zham: to: byid: nae". Qao: tae re laug ne12 bo" yang – Ni" gye byu gai" jham re laug ne: yang kham: dung: kham: baung jham re laug ne mai" yang lhang" gam: mae phug' de;13 laug aja: ja" yang ngo boe" nhao nae". – Ni" zo: myid: qe alhab' wa Mo"so mho" shid' ru re khae: yu: ra" mo, boe" mung: yao: bam wa jo, nho" dai kham la laug taung" qo" ra"14 mo, boe" genae". – Nao wa din: main" ru mae gang: tang: na: li" nae". Pyam" yhin" ru we' va" lin mung: gyaug maca". Din: gyaug nae" ru re: va" lin: lo" mung: ni" anhae15 khyo magai: joe" lo: nae". – Nga" akhang" maqo" re yao: bam qham phaung ko" ngaid yang: re: pe" maboe" genae". Qhid' phyao: tang: tug' qu" va" mo, re: nao jhao" lhang:16 lo: li" genae". – Myi: maid mung: sin: re kaid' ra" jo, to' be; ra" yaug re re: phyo' qheim" ba: ra" yaug re re: ngo phain: to:17 va". – Nao re gye zin: nae" tau: shae lhae sin: jham kaid' gengaid yang: re: dalam: re: boe" zai mangaid: . Nao re tarha" pyam" ra" yaug aseim ngaid nae". Mo"so: daui mung mo, wa ai ru" Ma re khae: yu mung: nga" mathao mae din: main" ra" khyo joe" genae" ga: Mo"so mho: ra".