1 Mo"so ceru: ga: mho: ra" nga" khyaid' yu: jeju joe" ayo, jhao" va". Nga" din: main" ra" khyo re qhu" nae" joe" li" na va" ra" mathao mae din: main" mau" re zaui:2 ge, . – Ai re" ru: kaid' yaug wa dug no: ba re maphug' makhyaid' makaid' ru we' magai: ra" ja: pe" re: makaid' lo: yao: yao"3 lo, re qo" lha" re nga: lho" ra". – Mo"so mae khug ngha: ra" labug: byu myu" wa dang dang Mo"so wa ngo re nga" amyu" we' kao" pye' ava" ga: mata" shao: myiqe: lho lho yaug re: ngo wa kyaug' ho: ra" agae4 boe" venhaung ga: mata" shao: . – Nga" dugno: ba jham re cao" pyang" na mung; ngo o ngaui: khyo: khyin: yu mung: nga" dao: thang" re cao" pyang" ra" myiqe: lho5 lho: ra" mo, re . – Zo: myid; jham tho' phug' de; ra" mang re nga" yham khug mae ngo byid: nae". Mabaui mabyo, lo" ra" apyaid ato: mae" mang khyao: re yao: bam re ngo byid: nae".6 Mo"so re caung da" nae" tau: yao" mang khyao: re jhid' de; ru we' yao" daui mung zo: qe boe" mung: dug no: ba re anyain: avho: makaid' lo: nga" dao: thang: re cao" pyang" zo" Mo"so re khug ngha:7 ra" labug: byumyu" alhab' re re: . – Nga" shao lho" ra" bam khyo ngo jhui" lo mung: Nga" jhaung: mho' yham mae ngaui bau: nhao nae". Yao: bam: phaid' ngaui" xeim: we' xeim: jhaung qhu" aja: ja: re nga" phain dao mae khae: yu nae". Nga" yham wa byu myu" cao jab: jhaung: mho' yham8 ga: mhang" li" genae". – Myhi" sin" jo; ra" Israel amyu" qe re sham" zhang: yu: ra" Mo"so wa zhang" to: va" mo, mae yao: bam we' daga" na: bam ko" ra" labug byu myu" qe re ngo sham" zhang: shi: nae" ga: Mo"so mho: ra".9 Din" yo mae" myang: kha: zoqhid jham we' yo qao" khug mae" zoqhid jham we"10 jho" bin: zo: nae" tau: li" genae". – Zaung" lhaug' mo, myo, jid: byaug veko". Yao: bam ma" byaug veko". Yao: bam e' byaug mung: maba qe; ra" lakha: boe" veko". Yab: tho' mae je: yab nug: ra" lakha: jham boe"11 veko". – Yao: bam wa myo, no; ra" lakha: jham boe" veko". Khonho" zo: yang: re: maba: gyi: lo" lakha: ru: boe" ko" ra". Yao zam: mo, re: maba: tho' qu" gam lo: ko". Yao: bam khyo nghung: nghung" lo" mung: yao" gau: khyo yao: cao" lo" veko". Dayaug lao" re: madang lo: sho' yao: yao" so' ha"12 re za: qho: lo" veko" ra". – Yao: bam wa li" geri: sabyi' qang: ci: li" nae". Yhid yid sho' shaug' gelang: ana" ba re" ru: ne, mo" ba re: ngaid nae". Ai mae lai sho' lao" pyo: gelang: ga: ba: ta" ko" ra".