1 Qid shab' phau" ra" mo, alhab' we" qid jo; ra" khyo li" geri: . Ngaui hhang maqo" ra" mo, we" li" vai zo: geri: . Ngaui re: aphug' re: mabyid: ca" sabyi' qang: we' mung: nug'2 re vai shaug' ge, . – Zo: pho: gai mangaid' ra" ru re naonhaung" ngaui hhang re re: vae: magyi" ra" ja: jham re naonhaung" ngaui hhang pe" mung: zai" kain" ko" i"? Nga" dao: thoe re tae" gyo: mung: gai: ra" zo: pho: re zo: ge, Naonhaung" solo wa cug myho' ra" ja: mae nhag' dag nhao: li"3 nae". – Tae" gyo: mung: Ngo jhao" li" geri: gyo: ge, airu: ngaid: re naonhaung" solo daui: na genae". Ngo re: naonhaung" we' malam: lai" dao: thang: to: mung: Davi mae" gang" tang: jeju ngo naonhaung" re4 byid: nae". – Qu" ge, byu myu" cao jab: tau: sagso: boe" nae" we' byu myu" zug: qe re ug nae" tau: ngo yao: khyin: nhao5 byid' to: va". – Qu" qu" wa, nao wa maba mamyao: qu" shi" ra" byu myu" re khai: yu mung: ni" Mo"so Israel shao gyang" Mo"so: mathao mae nao jhao" phao: zang" lo: li" genae". Mo"so wa ni" myo, nho nga: lao: ham" hung: re tau: to' nae".6 Gai: qhug' nae" ayo, akhin: mae Mo"so re qho ge, jhao" na: au: mho' yao7 ge, . – Mashab makhyang" ra" yaug wa yao: yao" akhyo re tarha" macao" ra" yaug wa yao" tau" da re shelhaui" pye' mung: Mo"so shaid' khyo tha" lag: lo veshao: ai ru: ngaid: re nhag' myain" ru qhug' nae". Ngonhaung" Mo"so shaid' khyo lhang: lo veshao: . Airu: ngaid: re: gai gai: yao: qobo8 lhoe' ke' ru qhug' li" nae". – Nga" tau" da wa naonhaung" tau" da we' madau Nga" ave, re: naonhaung" ave, we' madau ga:9 Mo"so mho: ra". – Mug: gaung wa myid gaung tho' je: myhao: ru re" ru: nga" ave, wa naonhaung" tho' re: nga" tau" da wa naonhaung" tau" da tho' re: je: myhao: . –10 Mug: ce' we' nghin coe: wa mug: gaung khyo" gyo" mung: madam: tug' lo" lo: Myid gaung wa myug: shi: sin: yaug re myug: shi: re re: zo: pho: zo: yaug re zo: pho: byid: nae" tau: mae myid re jhug' dag nhao: khyo" yang agae yaug: li" nhao11 mung: ashi: zaui" li" ru re" ru: . – Nga" nhaid' mae" thug' ra" mung dao: re: ai we' dakhyo: boe" nae". So' ha" maqo" lo: ngo jhao" dam: tug' lo nae" mangaid: Ngo myid: o: khyo: boe" nhao nae". Ngo zaui: nhao: ra" mau" zo" mae aung doe, nae". –12 Naonhaung" wa ngaui bau: ngaui lho" thug' lo mung: yaug yo taung" za: jhui" lo: ru qhug' genae". Bam zo: bam zang jham wa caung: nghaui" caung: thoe we' hau" nhao" mung: seyo mae" sag' gae jham wa13 lo, pyo' pyo' li" genae". – Zau: gae aja: ja" jo, qo mae hhuje; gae zau: jam" yaug: ra" jo, qo mae jam phaung: gae jham yaug: li" genae". Ai wa Mo"so: qhid' kheim: mae mabyo, maqeim lo" ra" sagso: apyaid ato mae jo; jo; li" nae".