1 Ngonhaung" ta" ra" laudao: re kho- yaug lam" ko" i"? Mo"so: lo, lam: re kho-2 yaug re ci: qhu" qu" ko" i"? – Mo"so: daui mung yaug wa again" re" ru: gao so yo mae yaug: taid' li" ra" lo, bo, re" ru: AsAng: qhid' kheim: mae qi" li" ra". Yao: wa gaung khyao re: myo, nho nga: lao: re: lho" ru mabo3 ngaid: ra". – Maphug' makhyaid' kaid' ru qhug' mung: byu mae pe" khyag' mathaid' ra" yaug boe" ra". Su: yang maqu" mageim qhug' ra" yaug ru: boe" ra" Maphug' makhyaid' kaid' va".4 Ngaid qere: yao: ngonhaung" no phyo: mau byin: re vin: lo" pye' va". Yao: wa Mo"so: yang dae byid: mung: aqug: akhai: thaung" qhug' ru we' mho" shid' qhug' ra" yaug ngaid: ra" ein: ngonhaung" jho: bam5 va". – Ngaid yang: re: yao: wa ngonhaung" tarha" lhoe" ra" mathao: yang qi: sho' be; ru pyam" yhin" ru qhug' va". Ngonhaung" re yaug yo myain cae" ru re boe" nhao: ra" mho" shid' dae wa yao" adao mae joe" mung: yao: phau" ra" dae jaid: dae khao" mathao wa ngonhaung" gai zhao: yao:6 bam va". – Ngonhaung" wa yao jham re" ru: khyo nghung: nghung" lo" mung: yao" gau: khyo yao: cao" lo" ru boe" bam mung: Mo"so wa ngonhaung" qobo alhab' re yao" adao mae kai" to" ava".7 Yao: wa pyam" yhin" ru nga: khyoe' qhug' au: nhaid' maphung" lo: na: na: ra". Se' nae" tau: she: ye" lo" ra" yao nau" re" ru: yao wa mug' qaug yaug: qhid' kheim: mae sae za: tae" to" ra" yao nau" re" ru:8 yao: nhaid' maphung" lo: na: ra". – Matar- ha" khyo" dao: phyid' yang: yao: re phoe' she: thug' lo" veko". Daui: ra" byu qe: na jao: mae" nga" amyu" qobo: mathao mae qobo: dae byid' ru qhug' ava". Yao" qae: cao: qe mae" khoyaug ba: ca: kyo: genae"9 i"? – Yao: bam wa qobo qo" mo, we' daga" nyhab' nae" lab kaid' mung: dai zug: re" ru: nyhab' shaung veko". Ngaid qere: yao: mae qobo mabo yao" nhaid' mae" mhug' pyag' vhain" dao: mathug' ngaid: ra".10 Mo"so wa yao: re dae jaid: dae khao: boe" nhao nug mung: dae no nhao nae" ngaid: ra". Yao: wa qobo khyaid' xeim: boe" bin lao" yao" amyu" qe re the' myao: li" nae". Yao: wa kao qhang mung: Mo"so: tau" da re: yao" lo, mae jab byang" li"11 nae". – Yao" nhag' khug mae qhug' lo: ra" qug: khai" so' ha" re yao: the' myao mung: qam: qo" nae". Din: main" ra" nga" daui mung: yaug re ba se" ko" ru: yang yao: wa byu myo: sho' re din: main: nhao: li" nae". Yao: bam: qobo re re: yao: yao: vin:12 lo" pye' byid: nae". – Yao" kao re shid khyo mae vhe' sheim" pye' mung: matarha" mo; phaung mae japhin: bo: byaug yang: re: byu myo: sho' qobo re vin vo, mung: matarha" mo; tau: mho' bain" ra" mathao mae kheim: so' bo: ra" byu qe re yao" tau: ngo kho' yu nae". Qam: o: bo: ra" mo, re yao: qo" lhaid' yu: ra" zai yo re" ru: yao: yao: kho' gae nae" akhang" qo" li" nae".