1 Ziun: we" so: se, beim: gyang: mung: qam: pin" wa, shao lho" ra" vogaung: Yeru- salem: we" ni" yaung" lho" ra" mai bau: re ve; ci wa, khoru: ga" re ana" mae" thao phyao: nyaug maphyid' mashao gyang" ra" mo, khag' re: nao jhao" maqo" vao lo:2 genae". – Yerusalem: we" ni" gaung mae de; ra" phaui: lhug re ko: khyo" mung: myhao: ra" Ziun: zomyi: zo: ni" lang zang: mae" taui: khyaid' khyo" pye' wa, .3 Mo"so ceru: ga: mho: ra". Naonhaung" wa aphug' mayu lo: aung" ke' qhug' mo, ngaid ko" mung: ngaui hhang magyo" lo:4 khyaid' yu: ru qhug' genae". – Mo"so ceru: ga: dam: ta" ra". Nga" amyu" qe wa Egutu mang: mae khug nae" tau: gyo" ye: ko" ra". Ai: thao Asuri byu qe pe" qobo mathe' myao: ru mageim: geim: pyam" yhin"5 veko". – Mo"so dam: mho: ru wa , Nga" byu myu" qe re pe" si: mabo: ru sham" to: mung: ug ko" ra" mo, wa bau" nghao" yang: Nga" mang re khyoe' ru jung" ru kaid' na6 ko" mo, re ngo khoru: kaid' zai i"? – Ai: ru: mung; nga" byu jham wa ngo re ba: li" genae". Dao: so: to: yaug wa ngo ngaid: ru re ayo, joe" lao" ba genae". Gai gai: yao: ngo na: na: ga: Mo"so mho: ra".7 Yaug yo myain cae" lau dao: re ta" kyo: yaug gai: ra" lau dao: hau" kyo" ru we' khyaid' khyi: yu: so' ha" khyo ta" kyo: yaug ni" Mo"so ug: na: ra" ein: Ziun: vo gaung: re ta" kyo" ra" yaug; khyid wa bam dao mae8 khoqhi" yaung" lho" ra" i"? – Ni" zaung" lhaug' mo; thoe re tae" gyo: wa, , yao: bam wa thoe mo" ke' mung: ngaui bau: zhao: yao za: zag: hug' na ko" ra". Khoru: ga" re Mo"so wa Ziun: bam khyo dam: lo9 va" ru re myo; myao veko". – Byo; qeim: byaug: ra" Yerusalem: we" nghaui" myain" nghaui" thoe we' daga" za: hau" nhao" na ge, Mo"so wa yao" amyu" qe re nhag' tang" ava". Yerusalem: re khyaid' khyi: yu10 va". – Mo"so wa byumyu" cao jab alhab' qhid' kheim: mae shao lho" ra" lo, mau" re phung" qhu" mung: mug: myid athao" mae na: ra" mo, alhab' wa ngonhaung" AsAng Mo"so: khyaid' yu: jeju re myao: ba: lo: li" genae".11 Thug' ge, thug' ge, ai: jo, qo mae" phao: thug' lo geri: . Mashao magyang" ra" ja: re lo; yang lao" datin: ge, . Mo"so: zai yo re vo; ra" mo, wa yao: yao" gaung re shao kyang"12 ge, . – Naonhaung" hin so: lodain dathug' ge, tao: mung: re: daphao ge, Mo"so wa naonhaung" qhid' au: khyo ye" lo" mung: Israel Mo"so wa naonhaung" thao mae re: lhaug' gam yaug boe" byid: nae".13 Qu" ge, nga" daui mung yaug wa aung doe, nae". Nga: yhe' tau: to' ru qhug' mung:14 kheim: so' qi" thao" yaug boe" nae". – Yao: wa byu mangaid' re re" ru: myo, nho byo; ru Xaosu byu mangaid' re re" ru: gaung khyao byo, qeim: ru re byu myo: sho' mo, qu"15 mug' genae". – Ai re" ru: yao: wa byu myu" myo: sho' mo, re shao kyang" byid' li" nae". Jhaung zug: qe re: yao" qhid' kheim: mae nhaid' pyid' ci yang: na genae". Su pe" maci: qhu" qu" shi" ra" ja: re the' myao genae". Magyo" qu" ra" ja: re re: ba: gyo: genae".