1 Din: main" ra" tarha" cao" mung: Mo"so re qho: ra" mo, we" nga" mho dao: tae" gyo: ge, . Naonhaung" re be; lhang" yu: ra" laug baui we' dau" yu: ra" dung: khung:2 re qu" ge, . – Naonhaung" yao: pho" Abra- ham we' naonhaung" re khau: ke' ra" yao: myhi" Sa:ra: re qu" qu" ge, . Ngo wa yao: dayaug za: ngaid: ra" Abraham re khai: yu yang: min byid: mung: myo" je" lo nhao3 va". – Ai re" ru: Mo"so wa Ziun: re ngaui bau: yaug yo nhao nae". Yao: wa cae: jhug tag jo, qo jham min byid: nae". Seyo segae: jham re Edin: re" ru: yao" gaoso yo re Mo"so: khyae re" ru: boe" nhao nae". Ziun: vogaung: wa ngaui bau: zhao: yao: ru jeju re caung: khin" ru caung: nghaui" thoe we' yao" akhug mae byang" lo: li" nae".4 Nga" byumyu" qe we" nga" dao: re tae" gyo" yu ge, . Nga" amyu" mo, zhain jham we" nga" mho dao: re gyo" yu ge, wo". Ngo mae" tarha" thug' mung: nga" din: main" ra" ru wa byumyu" qe: bo" bao boe"5 li" nae". – Nga" din: main" ra" tarha" wa ajhao" mae za: jo; ra". Nga" khyaid' khyi: yu: ru wa thug' lo" va". Nga" lo, wa byu myu" qe tarha" pyam" li" nae". Qid dae yae cao" mang: byu qe wa ngo re myid: nghae" lao" mung: nga" lo, lam: mae ngha:6 na genae". – Mug: gaung khyo tau: nghao" qu" ge, . Myid gaung re re: gam" qu" ke' ge, . Mug: gaung wa myi: khug' re" ru baui" lo" mung: myid gaung wa mai bau: re" ru: xug' lo" li" nae". Mug: myid qe wa kyao re" ru: shid: lo" li" genae". Nga" khyaid' khyi: yu: tarha" agang" tang: jo; li" nae". Nga" din: main" tarha" kam" wa mabaui mabyo, nae".7 Din: main" tarha" re ba mung: nga" tarha" re nhag' kao" vao" ra" mo, we" Nga" mho dao: re tae" gyo: ge, . Su: yang qobo vhin genae" ru re daci" ge, yao: bam: jung"8 khyoe' ru re dagyaug ge, . – Khoru: ein: re nhug: yang sug' mai bau: re zo" pye' re" ru: ai jham re zo" qheim" khyo" pye" genae". Nga" khyaid' yu: khyo wa mug: khothao" myid khothao" agang" tang: jo; li" nae".9 Mo"so: lo, we" to" wa, to" mung: qam: yu wa, geco' ne, lai: lo" va" ayo, re" ru: to" wa, Rahab' qobo dae byid: mung: mao jaung: re dae te' ru nao yao: ngaid10 va" mangaid: i"? – No; thao" ra" qid dae kin" lo" nhao mung: khyi: yu qhug' ra" mo, lai: phyid' nae" tau: qid dae thai: mae khyo phung" byid: ru wa nao yao: ngaid:11 ava" mangaid: i"? – Ai mung: Mo"so loe, nhao: ke' ra" mo, dam: lo mung: caung: nghaui" zo" re" ngaui bau: zhao: yao: ra" lhugmaug zhaung: mung: Ziun: khyo joe" lo: li" genae". Yao: bam: dao mae apyaid ato ngaui bau" ru ajo; na genae". Kaug' qhui: ru we' no kyang: kyang" ru baui" lo" li" nae".12 Naonhaung" re nhag' tang" byid' ra" yaug wa getau su mangaid: ngo yao: va". Shid ba: ra" byu re: vohau: re" ru: boe" nae" byu re re: gyaug phug' nae" akhyo re nao13 khoru: nhag' myid bo: i"? – Mug: gaung re lao" lhung" to: mung: myid gaung de" to" ra" nao re myhung: ke' ra" Mo"so re nao mabeim: lo: mung: pyam" yhin" mo, wa ngo re phyo' qheim" veko" ga: jho: ru we' yao" nhag' gyid' ru re ne, khao ngo" gyaug: nin" na: ra" nao wa pe" ru" yaug i"? Pyam" yhin" ra" yaug: nhag' gyid' ru wa14 ana" khai: mae i"?– Kyam: lhaung" qhug' ra" yaug wa kyam: khug mae mashid vae: moe; qid shab' maphau" ru we' phyaid xoe, za: khyaid' khyi: yu: ru qhug' li" nae". –15 Ngo wa qid dae re qeim: ke' mung: bang: lhung" to" lo nhao: ra" ni" Mo"so ngaid: . Ai: Mo"so: mang khyao: wa gug: mang: din16 gam ug Mo"so ngaid: . – Mug: gaung re kaid' mung: myid gaung re gang: tang nae" re: nao wa nga" byumyu" ngaid: ga: Ziun: re ta" nhao nae" re: Nga" dao: re ni" nhaid' mae ke' byid: va". Nga" lo, bao qab: yang nao re nghoe' gam: to: nae".17 Mo"so: lo, mae" nhag' gyid' ra" keim re shaug' ra" Yerusalem: we" beim: gyang: se, beim: gyang: mung: to" wa, nao wa apyi a vhang: boe" sho' nhao: ra" keim re shaug' lo va". Aphai: boe" sho' jhab' shaug' lo va". –18 Yao: khau: ke' ra" zo: myid: qe mae nao re khyo jhui" shid' ru dayaug re: mana . Yao: khau: qhi" ke' ra" zo: myid: jham mae yao: re lo; yang she: yu: ru dayaug re: mana . –19 Bao" khug' gyo" mung: cae: jhug tag: qug: khai: shae lhae: yang qhug' ra" qug: khai: shid' ja: wa ni" adao mae joe" li" mung: ni" tau: khoyaug bo: kaug' ko" i"? Ngo nao re20 khoru: nhag' ba: tang" nae" i"? – Ni" zo: dau qe wa mo; byaug veko". Taui: mae myi" jo; ra" xe' re" ru: alhab' bam: wa khyo kao: mae yab mung: Mo"so: nhag' gyid' ru Mo"so mho" shid' ru: yang gyi: veko" ra".21 Ai ru: mung: pyam" yhin" qhug' ra" yaug sabyi' qang: mangaid: lo: getau: yid nam shaug' yid: ra" yaug tae" gyo" yu22 wa, . – Yao" amyu" qe re qu" gam: na: ra" ni" Mo"so ceru: ga: mho: ra". Apyi avhang: boe" nhao: ra" keim ga" ra" nga" nhag' gyid' ra" keim re ni" lo, mae" yu: pye' mung: thao phyao: nao magai: shaug' lo: nae". –23 Nao wa gyaung: su: mo; qhid' au: mae lomhaung: logoe, goe, mung: yoe" jhao" na wa, ngonhaung" lhoe" lai nae" ga: nao re pyam" yhin" ra" mo; lo, mae ce: keim re ngo to" to: nae".