1 Mo"so ceru: ga: mho: ra". Ni" myhi" re kao" pye' nae" gao: myhao" tung" khye' wa khai: mae i"? Ngo jhin de, yang: khoy- aug: jhin sang jhao" naonhaung" re aung" ke' qu" i"? Naonhaung" wa naonhaung" yao: kaid' shaid' qobo: mathao mae jeim doe, veko". Naonhaung" qobo mae naon- haung" yao: myhi" re kao" pye' ru qhug'2 va". – Ngo joe" li" au: pe" mung: byu mana ko". Ngo khai: ke' re pe" mung: matau: ko". Ngo wa maqo" khyaid' yu lo: sho' lo, lang" yaug ngaid: ra" i"? Qo" khyaid' yu nae" kheim: so' qam: o: mabo yaug i"? Qu" wa ngo qeim: ke' lao" qid dae mo" kin" lo" ra" mangaid: i"? Qid gyaung: re: taung gaung boe" nhao va". Qid majo, lo: mung: ngo: jham qid shab' shid mung: bab: nae3 veko". – Ngo wa mug: gaung re mai no, ve, nhao mung: jid: mo" mai: yang zang" nghoe' to: va".4 Ngo wa myaung: dug: ra" mo, re nhag' tang" dao: ba: jhau nae" khyo: nga" nhaid' sho ngo re byid: va". Ne, khao: ngo" ngo re nhug' peim" na va". Mho" xeim: yu: ra" mo; no: khye' re" ru: Mo"so wa nga" no: khye' re nhug' peim: byid' na: ra". –5 AsAng Mo"so wa nga" no: khye' re phung" byid: mung: ngo re: maha mangag naung6 zaid: mazaid: lo: . – Ngo re be; ra" yaug re nga" dao kao" bo: qae mug' phain" ra" yaug re nga" bo: qae qang byid: va". Ngo re qho' phyo' ru we' khata: phoe" sheim" ru mae" nga" myo, khung: lhang: lo" nae"7 mangaid: . – Mo"so wa ngo re gug: gam: li" naeva". Ai: ru wa ngo maseim: ru mung: nga" myo, nho re be, laug re" ru: boe" nhao yang: qho' gyaug: jao: khyo majoe"8 nae" ein: ngo ba: ra". – Ngo re qobo lhoe' byid: yaug wa ajhao" mae za: na: khoyaug wa ngo re gye qo" she genae" i"? mai qhi" qu" gelang: khoyaug wa ngo re gye qo" she9 genae" i"? yao: wa te' li" veshao: . – Qu" ge, Mo"so wa ngo re lhaug' zaung" li" nae". Khoyaug wa ngo re tarha" qo" seim nhao genae" i"? ai ru" ra" mo, alhab' wa mai bau: re" ru: axug' boe" lo" byaug genae". Nhug: yang zo" phung" pye' ru re: qhug' li" genae".10 Naonhaung" mae khoyaug wa Mo"so re gyaug phug' ko" i"? Ai: yaug wa AsAng: daui mung yaug: dao: thoe re tae" gyo: veshao: . Khoyaug wa caid' no, khug mae su" na: i"? Ai: yaug wa Mo"so: mang khyao: mae ngha mung: yao" AsAng Mo"so11 mae khug ngha: na shao: . – Myi: maid mung: yao" gaung lhang" gam: mae myi: jhang: phyab ga" ru: yang lhang" kham" ci: ra" mo, wa yao: bam: myi: bao mae . Yao: bam: myi: gyoe: mae su" qin" ge, wo". Nga" lo, mae" naonhaung" qo" khae: yu nae" so' ha" kam" wa nhag' kaug' nhag' ngai: ru we' yab: lang" bam: li" genae".