1 Qid dae yae cao" mae" jo, qo jham we" Nga" dao: re gyo: ge, wo". Mug: va" byu qe we" gelho: za: tae" gyo: ge, . Co' jao: mae" yao: Mo"so ngo re khai va". Myhi" aung mae" mung: nga" mang re xam" to:2 venhaung". – Yao: wa nga" nhaid' re tho' ra" shae re" ru: boe" nhao mung: yao" lo; bao qaung: yang ngo re nghoe' to" ra". Ngo re re: she' jhaid' jhao" pye' va" myo: boe" nhao mung: yao" myo: daung" khug3 mae shaung: to: byid' ra". – Israel we" nao wa nga" daui mung yaug ngaid: ra". Nga" phung qab wa nao mae de: de: qhu" nae".4 Ga: ngo re ta" ra". – Ngo wa pe" so' maha" ra" ja: re kaid' va". Akeim aseim mae qam: gain: byaug va". Ngaid qere: nga" mau" zo" wa Mo"so: qhid' kheim: mae ngaid mung: ngo khae: yu nae" aphug' re: nga" Mo"so: lo, khug mae ajo; ein: ta" va".5 Ngo wa Mo"so: qhid' kheim: mae myo, nho nga: lho" ru we' nga" Mo"so wa ngo re qam: pin" byid: va" ru we' daga" Israel amyu" wa AsAng mae mazang" ham: lo gengaid yang: re: Yaku' amyu" re yao: jhao" dam: jhui" yu nae" daui mung yaug boe" veshao: ga: ngo re myhi" aung mae gaung yaung byid: yaug Mo"so ceru: ga:6 mho: ra". – Nao wa Yaku' amyu" akaung re dam: tau: to' mung: na: dang shi" ra" Israel byu qe re na tang ye, tang nhao nae" tau: nga" daui mung yaug boe" ru wa ni" tau: mau" ngai zo: za: angaid shi". Ai: tho' mago" mug: myid: thao" sho' nga" khyaid' yu: mau" re zaui: nae" tau: nao re labug: byu myu" qe: bo" bao boe" nae" ngo khang"7 to: va" ga: mho: ra". – Israel re khyin: yu mung: ai: amyu" shao gyang" ra" Mo"so wa khag' yang re: ma-o mangaui damang" geim" anyain: avho: boe" mung: mang: zug' jeim boe" na: ra" yaug re mho: ru wa dao: so: zaung: ra" Mo"so nao re khyin: yu: ra" Israel qe: shao gyang" ra" Mo"so: jeju: mathao mae jhaung zug: jham the' myao yang: to" ye; li" nae". Zug: nau" qe re: goe; pa" genae".8 Mo"so ceru: ga: mho: ra". Yaug yo: ra" ayo, mae ni" dao: re ngo tau: byid: va". Khyaid' yu: ra" ayo, akhin: mae nao re bao" va". Ngo nao re gug: gam mung: ai: mang: din" re dam: tau: yhe' nae" we' cae: jhug tag ngaid: jo; ra" jo, qo jham re9 sang nhao nae" khyo: . – Nao wa kyam: lhaung" qhug' na: ra" mo, thug' lo geri: . Mug: caid' khug mae na mo, thug' ye; qhu" gela, ga: ta" byid: nae" akhyo byumyu" re dao: thang" byid: nae" nao re nhao nae". Yao: bam wa gyaung: khyo mae zo the' zo: mung: myhao: ra" bug gaung jo, qo mae10 gyo, zo: jao: qhug' genae". – Yao: bam wa vae: moe; qid shab' maphau: genae". Ba laung ba lhe' maqhug' nae". Khoru: ga" re yao: bam re nhag' myain" ra" yaug wa yao: bam re jhui" lo mung: qid thug' yug: ra" gau: khyo khyo" ceim" shid' li"11 nae". – Nga" bam jham re khyo kaid' pye' mung: nga" hau" mo" khyo dang re bam"12 to' nae". – Qu" wa, ce bam wa mug: va: mae" zang" lo genae". Qu" ke' wa, ce bam wa qid meim we' ba vao shaid' mae" re: ce bam wa Tinim: mang: mae" re: lo: li"13 genae" ga: mho: ra". – Mug: gaung we" nghaui" ge, myid gaung we" ngaui bau" na wa, bam jham we" zhao: zhao: za: nghaui" ge, khoru: ga" re Mo"so wa yao" byu qe re nhag' tang" mung: qug: khai: qhug' ra" yao" byu qe re nhag' myain" li" nae".14 Ziun: re: Mo"so ngo re shepye' venhaung . AsAng wa ngo re to" myhid'15 venhaung ga: ta" re . – Myiqe: myhi" wa yao: khau: ke' ra" zoshao re nhag' makhy- ag' ru we' nug' shaug' na shi" ra" yao: zo: re qo" gai: to" myhid' nae" la, . Kho khoru: to" myhid' ngaid qere: nao re ngo to" myhid'16 pye' nae" mangaid: . – Qu" wa nga" lo, vo: mae nao re tung" te' to: va". Ni" vo kham" wa nga" qhid' kheim: mae khonhae" re:17 ajo; na nae". – Ni" zo: myid: qe wa phyaid phyaid ba: zaui" li" genae". Nao re lhaid' khyaid' nae" mo, wa nao mae" thug' lo"18 byaug genae". – Lhang" gam: khyo jin" qu" ke' wa, ce jham alhab' wa nao jhao" zang" ham: lo: li" genae". Mo"so mho: ru wa Ngo daui: na: ru mung: nao wa qu" dau yaung" ra" mai bau: ve; ci: re" ru: ce bam re: ve, genae". Myhi" sag' shaung: ru ru: yao: bam19 re: shaung yhaung" genae". – Nao mae pyaid' laid sede" ra" jo, qo byo; baui: byaug: ra" mang: wa byu myo" na: mathao mae lhae" byaug nae". Nao re myug: pye' nae"20 ga: mo, re: va" lo" byaug nae". – Ni" zo: myid: qe shid: gain thao dam: qo" ra" zo: myid: qe wa na jao: malaug lo: na nae" jo,21 qo byid: la, ga: mho' li" shi: genae". – Alao" nao wa ce bam ngo re khoyaug: yang khau myhung byid' laug i"? Ngo wa bug daung: cae: jhug tag na: ra" yaug kyam: laung" qhug' ru we' lae" vhang" qin" ra" yaug ngaid: na gau mae cebam re khoyaug khau: qhi" ke' i"? Qu" ge, ngo yao: za: ana: jo; ru mae ce bam wa khai: mae" ngaid: laug i"? ga: ni" nhag' khug mae ta" li" nae".22 AsAng Mo"so ce ru: ga: mho: ra" , qu" wa, Ngo wa amang: mang: adin" din" mae na: bam ko" ra" byu myu" jham re nga" lo; yang she mung: khyi re tau: to' mung: yao: bam wa ni" zo: dau qere lo; yang she , lo, sin mae vo; ci yang: jhui" lo: li" genae". –23 Jhaung zug: qe wa ni" pho" gaung tha" jhaung zug: myhi" qe wa ni" nug' jhaug' myhi" gaung tha" boe" genae". Ni" qhid' kheim: mae gam" goe; pa" mung: ni" khyid mae" phaui: lhug re yo, genae". Ngo Mo"so ngaid: ga" ru re: Ngo re myid: nghae" ra" mo, wa qho' phau: gyaug maphau: ga" ru re nao ba: li" nae".24 Sulhe: pho" lo, mae" zai gyo" lhaid' yu gai nae" i"? tarha" vao sham" lhaung" to" ra" mo, gai: phoe' thug' yu nae" i"? –25 Mo"so kam" wa ceru: ga: mho: ra". Gai gai: yao: sulhe: qe sham" tai: lo" ra" mo, loe, genae". Qu" gyaug sho' ra" mo, lhaid' yu: lo" ko" ra" zai gyo" jham qo" phoe' yu: li" genae". Khoru: ga" re Nao re gye kaid' ra" yaug re ngo gye kaid' mung: ni" zo: myid:26 qe re khyaid' yu nae". – Nao re pyam" yhin" ra" mo, re yao: bam: gaung mae" sho: ngo zo: nhao nae". Cug: ra" sabyi' qang: re shaug' ko" ru ru: yao: yao" sa: re gyi: sho' shaug' genae". Ai mung: ngo Mo"so wa nao re khyaid' khyi: ra" AsAng Nao re khyin: yu: ra" AsAng Yaku' kheim: so' qi" ra" Mo"so ngaid: ru re byu myu" cao jab wa ba: li" genae" ga: mho: ra".