1 O" Yaku amyu" Israel ga" mang re khae: yu: ra" yaug Yuda, qid baug: mae" yug: thug' li" ra" mo, Mo"so: mang mae jham tang: mo, dao: so: mazaung mo, tarha" macao" lo: Israel Mo"so re caung: khin" ra" mo, . –2 Shao lho" vo mang jham re cao" yang: yao: yao" mang re mhang" ru we' Israel shao gyang" Mo"so re khug ngha: ra" mo, we"3 tae" gyo: ge, . – Boe" lai: lo va" akhyo jham re qhid' phyao: mae" ngo naonhaung" re ta" kyo: va". Ai jham wa nga" nhaid' mae" thug' ru ngaid mung: de: de: ngaid va". Ajao" yao: ngo kaid' mung: boe" veko". –4 Nao wa nhag' myid qao: khyo" jo, to' lang zang: ni" nga: lao: wa gyid: ngaid: ru re ngo5 ba: ra" mathao mae . – Ngo ai: akhyo jham re genhae" mae" nao re ta" kyo: va". Airu: mung: nao wa Nga" gyoe lho ceru: kaid' va". Ngo kyaung" co' nyhang" yu: ra" alho ngo sheim" ra" alho ce jham re ngo kaid'6 boe" va" ga: nao ta" nae" ngaid: ra". – Nao wa ai: akhyo qhid' phyao: gyo" qu" ava". Ce jham alhab' re qu" qu" wa, su pe" re mata" kyo: lo: na nae" i"? Ana" yo, mae" qhid mung: nam ja: asag' nyham" to" ra" nam ja: nao maba shi" ra" ja: jham re ngo ci:7 qhu" nae". – Ai jham ana" she, aboe" ra". Genhae" mae" mangaid: ana" ba joe" sho' nao mathe' gyo" qu". Ai ru: mung: nao wa ngo ba va" ein: gai: ta" nae" mangaid: . –8 Gai gai: yao: nao mathe' gyo" qu" qhid' phyao: ni" no: khye' mabung". Khoru: ga" re nao wa dao: so: mazaung nae". Co' jao: mae" yao: nao re tau: lhain: yaug ga:9 mhang" genae" ru re ngo ba: ra". – Ngaid qere: nao re maphyo' mhain" pye' genae" ru re ngo wa nga" mang khyao" tau: nga" nhag' gyid' ru re zang" pye' mung: Nga" ham" hung" tau: ni" akhyo re zang: qhao"10 shi: nae". – Ngo wa nao re ca: lo va". Ngaui re ca: re" ru: mangaid: qug: khai: mug: caid' mae nao re lag yu ca: lo va". –11 Nga" tau: mae ngo kaid' shi: nae". Nga" mang khyao: re jung" khyoe' ru khoru: qo" khae: yu nae" i"? Nga" ham" hung: re: su re ngo mabyid: .12 Yaku we" ngo khai: yu: ra" Israel we" nga" dao: re tae" gyo: ge, . Ngo wa Mo"so ngaid: aqhid mae" yaug re: athao" mae"13 yaug re: ngaid: . – Gai gai: yao: nga" lo; yang myid gye, re de" to: va". Nga" lo, yo lo, wa mug: gaung re lao" phyid: lhung" to: va". Ngo khai: ke' lao" yao: bam wa ajao"14 yao: zang" ham: lo genae". – Naonhaung" ham phaung mung: tae" gyo: ge, ce: mau" zo" jham re yao: bam mae" khoyaug ba: ta" qu" ko" i"? Mo"so jhid' de; ra" yaug wa Babilon: vo mae yao" nhag' myid dag nhao nae". Yao" lo, re: khalade" byu qe: dao mae15 joe" nae". – Ngo yao: mungdao: khyo" to: va". Gai gai: yao: re ngo khai: jhui" lo va". Yao: ye" lo" ra" gau: khyo mae nga: lho"16 nae". – Ngo jhao" qui" te' mung: tae" gyo: ge, . Ngo wa aqhid mae" avho' anyham: ta" yaug mangaid: ce: mau" boe" qhid: au: mae" ngo bobo va". Ana" re: Mo"so we' yao" solo wa Ngo re nhao: ke' veko".17 Nao re khyaid' khyi: yu: ra" yaug Israel amyu" shao gyang" ra" Mo"so ceru: ga: mho: ra". Ngo wa ni" so' ha" tau: nao re mho" shid' mung: ye" lo" gai: ra" gau: khyo khyo" jhui" dai" ra" ni" AsAng Mo"so18 ngaid: . – Nao wa Nga" khang" dao: re cao" pyang" na wa, alao" ni" ngaui bau: yaug yo: ru wa qid gyaung: ru: ni" dang main" ru wa qid dae mae" bang: lhung" ru:19 boe" nae". – Ni" amyu" akaung wa ma coe ru: ni" zo: myid: qe wa qid dae yae mae" laug je, jham re" ru: boe" li" genae". Ni" mang wa nga" qhid' kheim: mae byo, qeim baui" lo:zai mangaid: .20 Babilon: vo mae" thug' lo ge, Khalade" byu qe: khug mae" phao: thug' lo geri: . Zhao: zhao: za" nghaui" thoe we' ce: lau dao: re mug: khothao" myid khothao" hau" nhain" lo" ge, Mo"so wa yao" daui mung yaug Yaku re khyaid' khyi: yu va" ra" ein:21 hau: ge, . – Yao: bam re gao so yo khyo" jhui" lo: ra" au: yao: bam qid shab' maphau: nae". Yao: bam: tau: laung: mo" baui mae" qid yug nhao nae" yao: wa laung: mo" baui re kho' sin" ke' yang: qid yug: thug' ra". –22 Tarha" macao" ra" mae ngaui bau: yaug yo: ru majo, ga: Mo"so mho: ra".