1 Babilon: tang: shain" zo myi: zo: we" gyo" mung: phaui: lhug bam mae zaung wa, khalade" zomyi: we" la kin mae" gyo" mung: myid gaung mae zaung wa, . Nao re nau" nhae" ra" yaug ga: ta" lo: genae"2 mangaid: . – Laug lhang re yu mung: cin main" gyag wa, myo, nghoe' re phung" pye' wa, . Bau: qhang re khyaid' pye' wa, mai shae" lhain" ci mung: qid nag: gau:3 wa, . – Nao wa gaung lam: shopyaid' boe" mung: qho' phau" ru qhug' nae". Ngo dae co' phaug' re khag' re re: nhag' khyag' nae"4 mangaid: . – Ngo re khyaid' khyi: yu yaug kam" wa gug: mang: din gam ug Israel amyu" shao gyang" ra" Mo"so ga" ra" mang5 khyao: ngaid: ra". – Khalade" zomyi: zo: we" mug: caid' khug khyo vao ye: mung: sae za: zaung: jo, wa, Nao re mang: din"6 qe: zug: myhi" maga: lo: genae". – Ngo wa nga" amyu" re nhag' gyid' mung: nga" Ma re ta" phoe: pye' mung: ni" lo, mae qhaug' ke' va". Nao wa nhag' myain" myid mabo mung: kao qi: mo; adao mae la" ra" qo re7 vhin byid: va" ra". – Nao re: ngo wa apyaid ato mae zug: myhi" boe" na naeva" ga: myid: na mung: ai: akhyo jham mamyid: nghae" qu" ngaid: ra".Nao mae thao phyao: boe" lo nae" ru re mabeim: so: ngaid: ra".8 Ai ru: mung: pyo: nae" mau" re qho mung: yaug yo za: zaung: jo, yang: ngo yao: ngaid va". Ngo na: ngo mae" je yang: getau mana . Ngo wa cug' mo" re" ru zaung: jo, nae" mangaid: zoshao shid: ru re: qhug' nae" mangaid: ga: nhag' khug myid: na: ra"9 yaug we" tae" gyo: wa, . – Nao wa kheim: ke' ra" juyi we' boe, phyid' ra" mau" re shave, ze zaui: so: qe re: dane, dazab za" ayo, zo shao shid: ru we' yham sang pho" shid: ra" qug: khai: shid' ja: dalhang: dae joe" li" nae". Ai: gu: alhab' ni" dao mae joe"10 nae". – Nao wa nao yao: kaid' ra" makhy- ang" ra" mau" mae ngha: na: ava". Ngo re khag' mathe' myao ga: nao ta" na: ra". Ni" juyi we' au: naug: sozo: du" ru: yang ni" nhag' myid re tau: mhaug' pye' ru boe" mung: ngo yao: ngaid va". Ngo mae" je yang: getau mana lo: ga: ni" nhag' khug11 mae ta" na: ra". – Ai ru: mung: qug: khai: kyi" khyag' nao mae joe" nae" ai: ru khai: mae" thug' li" ru re nao maba ngaid: ra". Ai jham re nao maqo" vha: pye' nae". Nao mabeim: maso: na: ra" au: nyag tin" labaug thaung" qhug' li" nae".12 Nao ngai shi" yo, mae" mung: qam: ke' lo: ra" kheim: ke' juyi we' boe, phyid' ra" mau" aja: ja: mae ngha mung: na: na wa, nao so' ha" qo" nae" laug aung: re aung:13 li" nae". – Nao wa byin qham phaung: ru saung" laug mung: myaung: dug: ava". Mug: gaung re qu" ra" yaug kyi jham re qu" xam" ra" yaug nao mae boe" nae" akhyo jham re lho" mo" khye' re qu" yang: ba: ta" ra" mo, wa to" ye; li" mung: nao re ana"14 khyaid' yu vegeshao: . – Yao: bam wa boe, said re" ru: boe" mung: myi: ngha" pye' ru qhug' khae: yu: li" genae".Yao: bam yao: yao: bam: gaung khyao re myi: mae" qo" xoe: yu genae" mangaid: . Myi: gao nae" myi: gyoe: re: lam: na nae" myi: baui"15 dabaui" lao" dang nae" mangaid: . – Nao we' nyang vang" mung: mau" daga" zaui" lo: ra" mo, nao ngai shi" yo, mae" nao we' gau mung myho" khyo" lo: ra" mo, wa yao: yaug yao" vo tham: khyo phao: lo" byaug ko" mung: nao re khyaid' khyi: yu nae" byu dayaug re: na lo: genae" mangaid: .