1 Bela wa goe; gyo" lo" va". Nebo" re: gyug' gyoe; gyo" va". Yao: bam: lho jham wa gug' nyhug' jham: adao mae kai" jo; ra". Naonhaung" vo; qu" va" qo vin jham vo; kai: mung: myaung: qhaid' ra" gug' nyhug'2 jham: qo vin boe" ra". – Yao: bam wa gyug' main" mung: daga" lang" jo, ko" mung: yao: bam vin vo; ra" qo vin re maqo" vin lo: yao: bam yao: re sham" jhui" lo" ru qhug' vegen- haung i"?.3 Yaku' amyu" qe we" Nga" dao: re tae" gyo: ge, . Na: dang shi" ra" Israel amyu" alhab' bam: we" khau: qhid: ru mae" naon- haung" re ngo vo; lo va". Myhi" aung mae"4 yao: ngo gam caung: lo va". – Naonhaung" kao qi: mung: au: phyu yo, joe" sho' Ngo naonhaung" re gam caung: lo: ra" yaug boe" mung: gam caung shi: nae". Lai: lo" va" ayo, re" ru: vin vo, mung: khyaid' yu5 nae". – Naonhaung" wa ngo re khoyaug we' dau tau" genae". khoyaug we' dau nhao genae". Dau sho' khoyaug we' tai"6 genae" i"? – Thaung mae" hhang myo: sho' phoe' yang: ngaui re jao mae lag yang: hhang sheim: ngaui sheim: yaug re lhaung: yu mung: gyoe lho kaid' nhao mung: goe;7 pa" vegenhaung i"? – Yao: bam wa ai: gyoe lho re vo; yu mung: yao" jo, qo mae to" to: veko". Ai wa aye; jo, mung: yao" jo, qo mae" magai: qui" lhau . Zag: yao ngaid qere: maba: tau: qug: khai: kyi" khyag' mae" re: maqo" khyaid' yu .8 Ai: akhyo re beim: so: mung: yaug gai: ham" hung: re ci: qhu" ge, gelho: za:9 myid: nghae" qu" ge, . – Qhid' phyao: boe" lai: lo va" akhyo jham re myid: beim: ge, . Ngo wa Mo"so AsAng ngaid: getau Mo"so10 mana lo: . – Aqhid mae" athao" joe" sho' re: qhid' phyao: mae" mung: maboe" qu" shi" ra" ja: jham re re: ci: thug' qhu" nae". Nga" juyi: tau" da wa gang: tang nae". Ngo11 o: ra" khyo: zaui" pyang" nae". – Mug: va: ba thug' shaid' jo, qo mae" makhyang" ra" zeim ngho' re khai: yu yang: Ngo wa Mo"so ngaid: Ngo we' dau yaug mana . Ngo wa nga" nhaid' mae" thug' ra" dao: we' dakhyo: kaid' nae". Ngo tau" da: to" ru re boe" sho' kaid' nae".12 Nhag' lam: qao mung: din: main" tarha" we' va" lin: na: ra" mo, we" nga" dao: re13 tae" gyo: ge, . – Nga" din: main" ra" tarha" re ajhao" khyo lao" te' yu nae". Ai wa va" na nae" mangaid: Nga" khyaid' khyi: yu: ra" jeju wa nai" na nae" mangaid: . Ziun: bam dao mae nga" khyaid' yu: ra" jeju re re: Israel amyu" mae nga" ham" hung: re ngo to" to: nae".