1 Mo"so wa xau gyain: khae: yu va"Kuru' Jhaung zug: re qang yang: ce ru: ga: mho: ra". Byumyu" qe re yao" qhid' kheim: mae deim" nyham: khyo" ke' mung: jhaung zug: qe: phyid' cui: re ngo pheim: pye' nae" tau: mae yao" qhid' kheim: mae vo khug: kham: dung: phung" sin" to: mung: vo kham" kham: dung: mapyid' to: nae" re: ngo yao" lo, re thaug' qhao: byid: nae". –2 Ni" qhid' au: khyo Ngo ye" lo" mung: abau" akhyaid' jo, qo jham dae za: tae" pye' nae". Gyid: kham: dung: jham re nag: khyug' pye'mung: jo, to' kham: kyao" jham re re:3 adau atam" be; khyug' nae". – Mug: caid' khug mae" jo, nho" gug: za: nyham" to" ra" zai yo jham re ni" mang: yang khai: ra" Israel amyu" qe: Mo"so ngaid: ru re nao ba:4 li" nae". – Nga" daui mung yaug Yaku' ngo khyin: yu: ra" Israel tau: Ngo ni" mang re khai nae". Nao ngo re maba ngaid yang: re: ni" mang re mang asag' mhang" byid:5 nae". – Ngo dayaug za: Mo"so angaid: . Ngo mae" je yang: getau Mo"so mana . Nao ngo re maba ngaid qere: ni" phyid' dam:6 mae ngo phyid' cui: cui: byid: nae". – A mung: Ngo dayaug za: Mo"so ngaid: ru re ba thug' ba vao shaid' mae" byu qe wa7 ba: lo: li" genae". – Ngo wa bo" bao re bao nhao mung: mug: caid' re re: phain: to: va". Yaug yo: ru boe" nhao va". Magai: ra" ja: re re: phain: to: va". Jo, mae: jo, na mae: na alhab' re re: ngo kaid' boe" byid' to: va".8 Mug: gaung we" tho' khyo" mug: qu: khyo" ge, . Jham thaui: re tarha" mug: qu nhao geshao: . Myid gaung wa abu" bu" mung: ashi: zaui: shao: . Din: main" ra" tarha" re: daga" yaug: li" veshao: Ngo9 Mo"so wa ai jham re phain: va". – Yao: yao: re phain: ra" yaug we' tang: tug' ra" yaug wa byuxa: qoe, nae". Myid zhai: ug' je; jham mae ug' je; za: angaid nhaung i"? Myid au: naug: wa ug' kaid' yaug re nao wa khoru" ru kaid' i"? ga: gai: ta" i? Ngo re kaid' yaug mae lo, made, ein: nao re kaid'10 yaug re gai: ta" nae" i"? – Yao: pho" re nao khoru" ru re myhung: ke' i"? ga: yao: myhi" re nao khoru" ru re khau: ke' i"? ga: ta" ra" yaug wa byuxa: qoe; ru qhug' nae".11 Israel shao gyang" ra" Mo"so ai: amyu" re phain: ra" Mo"so wa ceru: ga: mho: ra". Boe" lo nae" akhyo jham ngo re myid: ge, Nga" zo: myid: qe: tau: ngo kaid' ra" mau"12 zo" ngo re li" ca: qu" ge, . – Ngo wa myid gaung re kaid' to: mung: ai: dao mae byu Xaosu re phain: to: yang: Nga" lo; yang yao: mug: gaung re lao" lhung" to: va". Mug: gaung mae" ja: nam jab alhab' re nyhang"13 to: va". – Ai: yaug re re: ngo thug' li" nhao va". Yao: su" ye: nae" khyo re nyhang" jhao" byid: nae". Yao: wa nga" vo mo" re de" li" nae". Nga" byu qe re aphug' mayu lo: nhao: ke' li" nae" ga: gug: mang: din gam ug: Mo"so mho: ra".14 Mo"so wa ce ru: ga: dam: mho: ra". Egutu mang: mae qho: qaung" ra" jo, nho" zai yo . Khusha mang: byu khyao myhao qaid: ra" Seba' byu qe: gau mung myho" khyo" zai yo wa nao jhao" joe" mung: ni" jo, nho" dai kham boe" nae". Yao: bam re: ni" thao cao" genae". Yao: bam wa jao co: taui: ve; ci yang: joe" mung: gai gai: yao: Mo"so nao we' daga" ngaid nhaung . Ai: Mo"so mae" lai yang: getau: Mo"so mana15 lo: .– Israel Mo"so khyaid' khyi: yu: ra" yaug we" gug' vho' na: ra" Mo"so gai gai:16 yao: nao ngaid nhaung . – Gyoe lho kaid' ra" mo, alhab' wa qho' phau: mung: mug' mo; byaug genae". Qho' mung: dalhang:17 dae naung zaid: zaid' lo" li" genae". – Israel amyu" qe kam" wa apyaid ato khyaid' yu: ra" khyo joe" genae". Naonhaung" wa apyaid ato mae mug' gyaug: ru qhug' lo: genae" mangaid: .18 Mug: gaung re phain: ra" Mo"so myid gye, re nyhang" shaung yhaung" to: mung: malam: lai: tang: jo, nhao: ra" AsAng wa aje mae kaid' to" ru mangaid: gug' nyhug' gug' du: jham khug: na nae" tau: phain: to" ra" Mo"so ceru: ga: mho: ra". Ngo wa thain" madaui: Mo"so ngaid: Ngo mae" je yang:19 getau mana lo: . – Mug: caid' ra" myid kin dao mae ngo anyham: avho' mata" va" re Ngo re aje amyid qho ge, ein: Yaku amyu" re ngo mata". Ngo wa dang main" ru we' bao bao za: ta" ra" Mo"so ngaid: .20 Naonhaung" zang" ham mung: lo geri: . Mang: din" lam: khao: ngo" mae" loe, beim: lo: ra" mo, ham phaung ge, yao: yao: kaid' ra" gyoe lho re vo, mung: pe" so' ha" maqo" byid' ra" mo"so re jhaung: mho' ra" mo, wa juyi laba lajhao mabo mo, ngaid ko"21 ra". – Lau dao: ta" hau: ge, . Byu jham re khai: zhang: mung: byin qham ge, . Geco' ne, mae" ce: akhyo re qhu" byid: ru khag' . Qhid' phyao: khoyaug ta" kyo" qu" ko"? Ngo Mo"so ta" va" mangaid: i"? Ngo mae" je yang: getau mana . Ngo wa din: main" ra" Mo"so khyaid' yu: ra" Mo"so ngaid: .22 Ngo mae" je yang: getau mana lo: . – Mug: myid athao" mae" mo, we" Ngo re tau: nghao" qu" ge, . Khyaid' yu: ra" jeju re khae: yu ge, . Ngo wa Mo"so ngaid: Ngo mae" je23 yang: getau mana lo: . – Nga" qhid' kheim: mae byu yaug nge, paid' thaug' thaug' ca". Byu yaug nge, yao: yao" nhaid' thoe khyo" dao: khae: yu ca" nae" ein: Ngo yao" gaung re ngo lao: mung: jham tang" ra" dao: wa Nga" nhaid' mae" thug' ru ngaid mung:24 maboe" lo: magai: mung nae". – Mo"so khyo" yang za: din: main" ru we' qam: o: re qo" ra" ein: yaug nge, ta" ge, . AsAng re nhung: ra" mo, alhab' wa AsAng jhao" li"25 mung: gyaug qho' ru phau: genae". – Israel amyu" alhab' bam: wa Mo"so khyo" yang din: main" ra" khyo joe" mung: bau" nghao" genae" ngaid: ra".