1 Ana" kam" wa nga" daui mung yaug Yaku we" ngo khyin: yu: ra" Israel we" tae"2 gyo: wa, . – Nao re myhung: ke' yaug nao re myhi" aung mae" gaung yaung byid: mung: thao phyao: re: bao" nae" ra" Mo"so ce ru: ga: mho: ra". Nga" daui mung su Yaku ngo khyin: yu: ra" Yeshurun: dagy-3 aug . – Khoru: ga" re qid shab' yaug: dao mae ngo qid vhe' sheim: byid: nae". Gaoso yo mae qid nhai" lo nhao nae". Ni" amyu" dao mae Nga" solo re ni" zo: myid: qe: dao mae min re ngo vhe' sheim: byid: nae". –4 Yao: bam re: qid khyo: yae mae" jam zang ru: myo, yo khug mae yaug: li" genae". –5 Dayaug wa ngo Mo"so: byu ngaid: dam: dayaug wa yao" gaung re Yaku mang re mhang" li" nae". Getau dayaug re: Mo"so: byu ngaid: ga: yao" lo, mae tung" te' mung: Israel mang khyao: re te' ci: li" nae".6 Israel amyu" jhaung zug: Mo"so Israel amyu" re khyin: yu: ra" gug: mang: dae gam ug Mo"so wa ce ru: ga: mho: ra". Ngo wa sao qhid' mae" yaug lo" thao" yaug re: ngo ngaid: Ngo mae" je yang: getau Mo"so7 mana lo: . – Ngo wa geco' ne, mae" byu myu" qe re nha: to" ra" ba mae" Ngo re" ru: ba: ta" ba: kaid' qhu" ru khoyaug ngaid: i"? boe" lo nae" ru we' joe" lo nae" akhyo jham8 re yao: bam ci: qhu" vegeshao: . – Naon- haung" dagaung yug dagyaug ge, qhid' phyao: mae" ngo nao re ta" kyo" to: va" mangaid: i"? Naonhaung" yao: nga" sagso: ngaid veko" ra". Ngo mae" je yang: Mo"so na: i"? Gai gai: yao: laung: mo" baui getau jo; ru re ngo maba .9 Gyoe lho re kaid' ra" mo, alhab' wa aje za: ngaid ko" ra". Yao: bam o ngaui: ra" zai jham wa so' ha" re maqo" byid: ko" ngaid: ra". Yao: bam qho' phau: geshao: ga: yao: bam: akhyo re sagso: qhu" ra" mo, wa myao re: mamyao ba re: maba ko" ngaid:10 ra". – Gyoe lho re kaid' thug' yaug pe" khyag' mathaid' ra" gyoe lho re sheim:11 ba: ru wa khoyaug ngaid: ra" i"? – Ai: yaug: zam" byin cao: alhab' wa qho' phau: genae". Alho kaid' ra" mo, wa byu za: angaid ko" ra". Alhab' ham phaung mung: to" ye, vegeshao: . Yao: bam daga" za: qho' gyaug: ru phau" li" genae".12 Shae be, yaug wa vo: zaung: be, nae" tau: fa: myi" yang phaid' mung: lo, lam: qam: ke' mung: dau: yang lhaung" be; ra". Khoru: ga" re vae: moe' ra" au: qam: nang" ra". Qid mathe' shaug' ra" au: pyain"13 ba: ra". – Lo, mau" zaui: yaug wa mhaug' khyang bag mung: co' vo: vo: zaid: jham: yang co' kyaung" bin lao" yham khug mae to" to: nae" tau: gyai yaung" sho' byu:14 alho we' dau sho' ga: kaid' ra". – Yao: wa yao" tau: shaug' gae re thau mung: so' no, we' lashe' gae re khyin: yu yang: yo qao" yo mae" sag' aja: ja: re yu: qaung" to: ba: ra". Yao: wa shaug' gae re qho: mung: ai15 wa mug: qu: jhug' mung: qi" lo: ra". – Ai wa ngha" thao: boe" ra" byu re: yu ngha" mung: myi: gao ba: ra". Myi: maid mung: cin main" baung: ko" ra". Gyoe lho kaid' yang: goe; pa" ko" ra". Gaigai: yao: gyoe: alho co' kyaung" yu mung: ai: alho: qhid'16 kheim: mae goe; pa" ba ko" ra". – Sag' khao: dadau re myi: ngha" ra". Daqhae: we' sho: jho' mung: zo: ba: ra", yao: sho: phaid' mung: gyi: sho' zo" ra". Ai za: mangaid: myi: gao yang: aga" ngaid va" gyai lam va" myi: we' thaung" qhug' va" ga: ta" ra". –17 Dang shi" ra" adau atam" re yu mung: lho ga" ra" mo"so re kaid' mung: ai: alho: qhid' kheim: gam" goe; pa" ba ko" ra". Nao wa nga" mo"so ngaid: mathao ngo re khyaid' yu la, wo" ga: jhaung: mho' ba: ako".18 Ai ru" ra" mo, wa ba jhao: ra" nhag' myid mabo pe" re: maba: myid mo, ngaid ko" ra". Mathe' myao sho' myo, jid' re maba: gyo: lo: sho' yao: bam: nhag' myid re19 yao: pyid' pye' byid' ra". – Ngo wa dadau: yang myi: maid va". Ai: myi: gyoe: dao mae cin main" baung: va". Sho: re re: phaid' zo: va". Dang shi" ra" adau re anyain: avho: kaid' pye' gai: i"? Sag' tam" qhid' kheim: mae gam" goe; pa" gai nae" i"? ein: nhag' khug mae ba: beim: nae" au: naug: sozo:20 madu: nhaung wo". – Yao: wa myi: mhab re gag zo: ba: ra". Mashab: nhag' myid: yang khyo nghung: va" ra". Amung: yao" solo re maqo" khyaid' yu yao" lo, yo lo, mae mhug' pyag' ru za: bo: ra" mangaid: i"? ga: maba: ta" nhaung wo".21 Yaku we' Israel qe we" ce: akhyo jham myid: beim: ge, nao wa nga" daui daui yaug ngaid: Nao re ngo myhung: ke' ru mung: nao wa nga" daui mung yaug ngaid: Israel22 we" nao re ngo mato" myhid' . – Nao shaid' nghung" ru jham re jham thaui: re" ru: ni" qobo re nhag' qhid' re" ru: baui"23 lo" nhao va". – Mo"so ai: mau" kaid' ra" mathao Mug: gaung we" caung: nghaui" ge, wo". O: gye, mae" myid gaung zag: gyi: hug' ge, . Bam jham seyo mae" mhin: zo: laung la sag' gae jham we" nghaui" myain" nghaui" thoe we' nghaui" ge, Mo"so wa Yaku re khyin: yu va". Israel mae yao" phung bao re nga: yu: ava".24 Nao re khyin: yu yaug myhi" aung mae nao re gaung yaung byid: ru Mo"so ce ru: ga: mho: ra". Mug: gaung re byin cao: mabo lo: myhung: mung: na mae: na jo, mae: jo, re phain: yaug Mo"so ngaid: . –25 Ngo wa makhyang" mo; ve, lho re khyoe' khyo" mung: boe, phyid' re azhaug' amhe' boe" nhao yaug juyi ba jhao se" mo, juyi26 lhau: said' pye' yaug ngaid: . – Ngo wa nga" daui mung yaug: dao: re jao dang yu byid: mung: nga" logyo: qe mho ko" ru we' dakhyo: kaid' nae". Yerusalem: vo ni" byu qe: na jao: boe" nhao mung: Yuda vo gaung: jham dam: de" ru qhug' genae". Byo; qeim: lo" byaug va"gu: re ngo dam: nyhang" byao27 nae" ga: mho: ra". – Qid dae mae" qid re: kin: shao: Ni" qid gyaung: jham re: kyaug'28 ho: lo" nhao nae"ga: . – Khusha jhaung zug: re re: nao wa nga" yao zam: boe" nae". Ngo o: khyo: zaui" pyang" mung: Yerusa- lem: vo re dam: de: vegeshao: . Pa" jhaung: yham re qao: tae vai" li" genae" ein: ngo mho: to: va".