1 Ana" kam" wa Yaku amyu" we" nao re phain: to" ra" Mo"so ceru: ga" ra". Dagyaug nao re ngo khyin: thug' yu va". Nga" mang khyao: yang mang mhang" va". Nao ngo2 we' atin: lo". – Nao qid gau" lo" au: Ngo nao we' daga" ngaid: qid gyaung nag: gau" lo" re nhug' lo" nae" mangaid: myi: re zab: nao" re phaid' khyaid' nae" mangaid: myi:3 shae: yang re: mamhai nae". – Khoru: ga" re Ngo wa ni" Mo"so ngaid: Nao re khyaid' yu: ra" AsAng Israel amyu" shao gyang" Mo"so ngaid: Nao re khyaid' yu nae" tau: Egutu mang: re re: ni" tau: Khusha' mang:4 we' Seba' mang: re ngo byid: va". – Nao wa nga" qhid' kheim: mae main: qi" mung: nga: lho" ru we' ngo nao re jhid' de; mathao mae ni" atha" byu qe re ngo5 byid: nae" ngaid: . – Dagyaug Ngo nao we' daga" ngaid: . Ba thug' shaid' khyo mae" ni" amyu" re ngo jhui" lo mung: ba vao6 shaid' mae" nao re zhang" yu nae". – Ngo wa qhaug' byid: la, ein: qid meim shaid' khyo re: daha ein: qid bang" thao khyo7 re: ta" nae". – Mug: va" mang: mae" nga" zolau: qe re mug: myid athao" mae" nga" zo myi: qe ngaid: ra" Nga" mang mang: ra" yaug Nga" myo, nho nga: lao" tau: nyhang" myhung: mung: kaid' to" ra" mo, yaug jab re jhui" lo geri: ein: ngo mho nae".8 Myo, jid' de, mung: myo, mamyao: ra" mo, we' no: khye' de, mung: no: jid: ra"9 mo, re jhui" lo geri: . – Byu amyu" myu" azhain zhain qe zang" ham vegeshao: ce: mau" re re: qhid' phyao: boe" lai: lo va" khyo jham re re: yao: bam mae khoyaug ba: ta" ko" i"? yao: bam mae qobo vhin nae" we' loe, nae" akhyo re sagso: qhu" vegeshao: mangaid: lao" tae" gyo: mung: ce ru wa dang: ra" ga: yhin" yu vegeshao: . –10 Mo"so: mungdao: ce ru: ga" ra". Naon- haung" wa ngo re ba: lam mung: ngo yao: ai: yaug ngaid va" ga" ru ba: gyo: sho' naon- haung" wa nga" sagso: ngo khyin: yu: ra" daui mung mo, ngaid ko" ra". Nga" qhid' khyo getau Mo"so mana thao phyao: re:11 Mo"so getau mana lo: nae". – Ngo dayaug za: Mo"so ngaid: Ngo mae" je yang: khyaid'12 yu: ra" AsAng mana lo: . – Ngo wa peim" to" ru we' dakhyo: khyaid' yu va". Ngo la yang: ci: qhu" va". Naonhaung" mae getau: Mo"so ngaid dang va" ga" ru naonhaung"13 nga" sagso: ngaid veko". – Gaigai: yao: ayo, akhin: ga: ru majo, shi: mae" Ngo wa Mo"so ngaid va". Nga" lo, mae" qo" khyaid' yu: ru khag' mana lo: . Ngo kaid' ra" mau" re khoyaug qo" tam" kyo" genae" i"? ga: Mo"so mho: ra".14 Naonhaung" re khyaid' yu: ra" AsAng , Israel qe: shao gyang" ra" Mo"so ce ru: ga" ra". Ngo wa naonhaung" tau: Babi- lon: khyo nhao: ke' mung: phao: lo ko" ra" Khalade" byu qe alhab' re yao: yao: na myain: ra" qid lha khyo gyo" lo" nhao15 nae". – Ngo wa naonhaung" shao gyang" ra" Mo"so Israel amyu" re phain: ra" AsAng16 naonhaung" jhaung zug: ngaid: . – Qid dae mae khyo phung" mung: qid gyaung:17 mae khyo phung" yaug . – Gye lhin" jham myao: jham we' daga" gye mo, mo" thaui: we' sulhe: jham re jhui" she: lo: ra" yaug yao: bam maqo" to" ye, lo: sho' dalhang: dae yhab' pye' mung: fa: myi: re" ru: se'18 pye' ra" Mo"so ce ru: ga: mho: ra". – Boe" lai: lo va" mau" khyo jham re damyid ge, . Geco' ne, mae" akhyo jham re yhau: gyin:19 dato: ge, . – Qu" ge, mau" asag' Ngo kaid nae". Ana" lao" boe" li" nae" gai gai: yao: seyo mae khyo re gaoso yo mae qid re ngo20 yhug' ke' nae". – Seyo segae: mae" myang kha: zo qhid jham re: zag ne we' ngho' nang: jham re: ngo re phug' te' nga: yhe' li" genae". khoru: ga" re ngo khyin: yu: ra" nga" amyu" qe shaug' nae" seyo mae qid re gaoso yo mae qid gyaung: yug nhao nae". –21 Ngo yao" tau: ngo phain: to" ra" byu myu" qe wa nga" jeju re ci: qhu" li" genae".22 Ngaid qere: Yaku amyu" we" nao wa ngo re makhai mayao , Israel amyu we"23 nao ngo re nghang: venhaung i"? – Phaid' ngaui" nae" yao nau" xeim: ngo jhao" maci: li". Ni" ngaui" xeim" yang ngo re maphug' te' . Ngo nao re aung lam xeim: mamho' va" re lo: bain: re mho' yang: nao re mamy-24 aung: nhao . – Nao wa nga" tau: mae" ngaui: yang sheim nae ja: mavai ngaui" xeim xau kug' we' ngo re gyi: sho' mazho: jhaug' Nao kam" wa ni" qobo: yang ngo re qo la: vhin venhaung . Mashab makhyang" ra" mau" yang ngo re myaung: dug nhao venhaung i"?25 Nga" jeju mathao ni" qobo said' pye' nae". Nao shaid' nghung" re maxam: byid:26 yaug wa Ngo yao: ngaid va". – Ngo re ta" peim: la, . Tarha" dao: jho" ta" lang: Nao27 qobo loe, sho' ni" akhyo re ta" wa, . – Ni" sao qhid' mae" yao: pho" wa qobo mau" kaid' ava". Ni" mho" pho" qe wa ngo re zai"28 shaid' veko".– Ai mung: shao lho" ra" jo, qo mae" zug: qe re maphug' makhyaid' kaid' va". Yaku amyu" wa nhang" ru Israel amyu" wa jung" khyoe' ru qhug' geshao: ein: ngo shelhaui" pye' va".