1 Ngo tau: to' ra" nga" daui mung yaug , Ngo khyin: yu: ra" nga" jhid' de, yaug re qu" ge, . Ai: yaug: dao mae nga" solo re ab' nhao nae". Yao: wa byu myu" cao jab re2 tarha" byid' li" nae". – Yao: zag: hug' nae" mangaid: yao: thoe mo" ke' nae" mangaid: . Hau" mo" mae yao" thoe re khag' the' gyo:3 genae" mangaid: . – Zab: sham" to" ra" je jid: gae re makhyug' dajhid' za: de; ra" myi: zo re se'nae" mangaid: yao: wa din: main" ru we' tarha" ra" khyo re zaui" thug' li"4 nae". – Mug: myid: dao mae tarha" din" ru magang" tang shi: re yao: qam: shain nae" mangaid: . Qam: gyug: nae" mangaid: yao" tarha" re re: qid dae yae cao" mae" byu qe myid: nghae" na: li" genae".5 Mug: gaung re phain: mung: lao" lhung" to" ra" yaug , myid gaung we' ai mae na: ra" gu: re lao" myhung" to" ra" yaug myid gaung: dao mae na mo, re kao , ai mae su" qin" mo, re solo byid' ra" Mo"so ce ru: ga:6 mho: ra". – Ngo Mo"so wa nao re tarha" din" ra" khyo" khai: yu: ru ngaid mung: lo,7 mae she mung: bao" thaug' nae". – Nao wa myo, jid mo; myo, re phung" byid: nae" we' kyam: laung" na mo, re phoe' thug' mung: , Mug: caid' khug mae na: ra" mo, caid' no, kyam: mae" phoe' yu nae" re: nao re byu myu" qe we' dao: thang" jho" thang: nae" tau: byu myu" cao jab: tau: bo" bao8 boe" nae" tau: nao re khyin: to: va". – Ngo wa thain" madaui: Mo"so ngaid: . Ai: mang wa Nga" mang khyao: ngaid: Nga" phung bao byu geje re Nga" kheim: so' myo, nho nga: lao: gyoe: alho jham re byid: nae"9 mangaid: . – Qhid' phyao: ta" ra" gu: wa boe" veko". Akhyo asag' jham re ngo ana" ta" nae". Maboe" thug' shi: mae" ngo naon- haung" re ta" shid' kyo: va".10 Qid dae mae gau" qin" ra" mo, we' ai mae na mo, alhab' we' daga" qid dae yae cao" jo, qo we' ai mae na mo, alhab' bam: we" Mo"so re caung: khin" ge, mug: myid:11 athao" mae" yao: re khin" ge, wo". – Seyo we' ai mae" vo jham Kedara byu qe na ra" vo byu qe thoe mo" ke' vegeshao: laug baui yo mae na mo, caung: nghaui" ge, bam12 nyaug mae" re: thoe mo" ke' ge, . – Yao: bam wa Mo"so re nga: yhe' mung: qid dae yae cao" mae phung bao re bao bao za:13 caung: khin" geshao: wo". – Mo"so wa sulhe: ru: thug' ye, mung: gye khe' sulhe: re" ru: yao" nhag' myid qao: li" nae". Yao: gyi: hug' mung: gye vo re khyug' mhain" pye' li" nae".14 Ngo wa gyai myao" sho' sae za: na: qu" va". Ai re" ru: zang: qhao" na shi: nae" gai: i"? Zo: khau no no: ra" myiqe: re" ru: ngo gyi: hug' nae". So' mo" she mung: ajao"15 yao: phyo' qheim" sin" pye' naeva". – Ngo wa bam zo: bam zang jham re pyaid' laid sede: kaid' pye' mung: mhin: zo: laung la jham re jhoe' kyaug' lo" nhao nae". Qid gyaung: jham re bug gaung boe" nhao nae". Qid khyo: jham re kin" ho: lo" nhao nae". –16 Ngo wa myo, jid mo, yao: bam maba: ra" gau: khyo khyo" jhui" lo nae". Yao: bam maba se" ra" gau: khyo mae su: nhao nae". Yao: bam: qhid' kheim: mae" mug: caid' re mug: bo" poe" pye' nae". Ai ru" ra" so' ha" byid: nae". Yao: bam re mashepye' . –17 Kyaung" co' lhang" yu: ra" alho re ngha mung: nao wa ngonhaung" mo"so ngaid: ga: alho re ta" ra" mo, wa qho' mo" phau" li" genae".18 No: jid mo, we" gyo" yu ge, myo, jid mo, naonhaung" the' myao nae" tau:19 nghae" qu" ge, . – Nga" jeim pho" mae" jain" yang: myo, jid ru khoyaug i"? Ngo nhao: ke' ra" logyo: pho" re" ru: no: jid ru khoyaug i"? Nga" ba nam pho" re" ru:20 khoyaug myo, jid: ra" i"? – Nao wa myo: sho' re the' myao ngaid qere: maqo" ba: xam: yao" no: khye' bung" jo, ngaid qere: yao: maba: gyo: ngaid: ra".21 Mo"so wa yao" din: main" mathao mae mho" shid' va" ru phug' te' yang: ham"22 hung: qi" lo nhao: ra". – Ce: amyu" qe wa lhaid' zo: lhaid' shaug' qhug' ra" amyu" ngaid ko" ra". Yao: bam alhab' wa dung: khung: lhaung" mung: kyam: mae khug yang: vho' na: bam ko" ra". Yao: bam phyo' qheim" ru qhug' au: dam: byid: ge, ga: ta"23 byid: nae" su mana . – Naonhaung" mae" khoyaug ce: dao: re tae" gyo: genae" i"? Thao phyao" tau: khoyaug gyo: yang: xam"24 to: genae" i"? – Yaku re lhaid' zo: nae" tau: Israel re cang tau" lo, mae khoyaug: yang qhaug' pye' genae" i"? Ngonhaung" shaid' nghung" ra" AsAng Mo"so: yang qhaug' ru mangaid: i"? Yao: bam wa yao" khyo mae macao" qaid ko" ru we' yao" tarha" re25 macao" lo: na: bam ko" ra". – Ai: mathao mae yao: nhag' gyid' ru we' gye khaid' ra" ru yao: bam: dao mae vhe' sheim" mung: yao: bam: lhang" gam: mae myi: ngha" ra". Myi: nga" qhug' gengaid yang: re pe" shui manho lo: na: bam ko" ra".