1
Qid dae cao" mae" jo, qo jham we" sae za: tae" na ge, . Byumyu" cao jab qam: pin" vegeshao: ye: mung: ta" ge, . Tarha" jho" pha gelang: daga" zang" ham2
gelang: . – Din: main" ra" khyo: ba: cao" ra" byu dayaug re ba thug' shaid' mang: mae" khoyaug: yang to" lo nhao: i"? yao: wa byu myu" cao jab re ai: yaug: lo, mae qhaug' byid: mung: jhaung zug: qe: adao mae ug nhao: ra". Yao: bam wa yao" shae: qhid' kheim: phaui: lhug ru: ngaid mung: yao" la: nhae mae dao" lo" ra" vo, phaui: re"3
ru: khoyaug boe" nhao: i"? – Yao: wa yao: bam re cao" khe' mung: qhid' phyao: malai: qu" shi" ra" khyo khyo" yaug yo za: qo" lai:4
ye" lo" ra". – Ai: mau" zo" jham re phain: phaug' mung: byu abang: bang: mae aqhid mae" khai: zhang: yaug wa khag' ngaid: ra" i"? Sao qhid' maqhid mae" yaug ngaid mung: lo" thao" mae" yaug re: ngaid:.Ngo5
Mo"so yao: ngaid va". – Qid dae yae mae" mo, myao yang: gyaug ko" ra". Mug: myid athao" mae" mo, gyaug: nin" ra" nhag'6
myid we' qui" zang" lo ko" ra". – Yham kyo: cao: yao: cao: dayaug we' dayaug jho" bao" thaug' mung: mao: nhaung: yao: cao: gaung mayug lo: qam: jho" pin" ge, ga: mho7
genae" ngaid: ra". – Ai re" ru: lo, mau" lo, do zaui: yaug wa hhang sheim: yaug re , dau ci yaug wa byi dao mae be; nyhang" yaug re bao" yang: ai wa nam sain" agai ngaid: ra" ga: ta" ba: ako". Alho re malab nae" tau: jo, to' ceim: yang be; te' ba: ra".8
Nga" ba nam Abraham: yao: zo: ngo khyin: yu: ra" Nga" jeim Yaku mug: myid athao" mae" ngo jhui" she: lo: ra" yaug . –9
Nao wa nga" jeim ngaid: ra" ein: re: nao re Ngo khyin: yu va". Nao re mashepye' nae" ein: re: dao: so: khae: yu: ra" yaug . –10
Dagaung yug ngo ni" bo: de; na: dagyaug ngo ni" Mo"so nao re na: tang ye; tang nhao nae". Nao re ngo lhaug' zaung" nae". Nga" dang main" ra" lo, yo lo; yang tau: to'11
nae". – Nao re nhag' gyid' ra" mo, alhab' qho' gyaug: ru we' nga: gyoe; ru qhug' genae". Nao re gye kaid' ra" mo, pe" khyag'12
mathaid' ru thao" lo" li" genae". – Nao we' mangug' ra" mo, re nao qho qe re: myao lo: nae" mangaid: Nao re gye khaid' ra" mo, wa pe" khyag' mathaid' akeim aseim re" ru:13
ngaid: byaug genae". – Khoru: ga" re ni" Mo"so AsAng wa dagyaug Ngo nao re bao"14
nae" ga: ni" lo, yo lo, re zaui" ci nae". – Vo, dai ga" ra" Yaku we" byumyu" ngai Israel qe we" dagyaug ge, ngo nao re bao" thaug' yaug ngaid: . Nao re khyin: yu yaug Israel amyu" shao gyang" ra" Mo"so ngaid: ga: AsAng15
Mo"so mho: ra". – Ngo wa nao re zaui de; ra" gaug be, lakya asag' boe" nhao mung: bam mo" jham re nao" khyoe' nhau" pye' ru we' bug gaung jham re phaui: nhug ru: boe"16
nhao: li" nae". – Ai jham re khyo" mung: la mae tao" pye' li" nae". La qam" wa yao: bam re hug' tao" pye' li" nae". Nao kam" wa Mo"so mae ngaui bau" na mung: Israel qe: shao lho" ra" yaug mae nga: yu: li" nae".17
Myaung sho: yaug we' qid shab' ra" mo, wa qid qho geyang: re: mamyao ko" ngaid: ra". Qid shab' yang: sho kyaug' lo" ko" au: ngo Mo"so yao: bam: dao: thoe re tae" gyo: byid: nae". Israel AsAng Mo"so ngaid: ra" ngo yao: bam re mashepye' . –18
Ngo wa bug myhao mae qid gyaung: nyham: ra" jo, qo mae qid thug' yug nhao nae". Seyo segae: mae qid tham: gao so yo mae qid baug: jham re ngo boe" nhao19
nae". – Ngo wa seyo mae shaug' gae jam no; gae Murtu gae Zhainlun: gao so yo mae hhuje; qo, shid gae jham re lhag' yang: qho:20
nae". – Ai mung: Mo"so: lo, wa ai jham re boe" nhao mung: Israel shao gyang" ra" yaug ai jham re phain: to" ra" akhyo re byu myu" alhab' ba: myao mung: myid: nghae" ba: lo: li" genae".21
Naonhaung" lo, mau" ci: qhu" ge, ga: Mo"so ta" ra". Naonhaung" dang main" ra" sagso: dao: ci: qhu" ge, ga: Yaku amyu"22
jhaung zug: mho: ra". – Yao: bam: pa dao: khyo" pe" boe" lo nae" ru re phoe' qhu" gela, qhid' phyao: pe" ru: boe" ra" akhyo ngonhaung" myid: nghae" qu" mung: ai jham athao" re ba nae" tau: ta" vegeshao: . Ai: re" ru: boe" lo nae" akhyo jham re ta"23
kyo: vegeshao: . – Naonhaung" wa mo"so ngaid: ru re ngonhaung" ba: gyo: sho' boe" lo nae" akhyo jham re ta" kyo: gela, yao: cao: dayaug we' dayaug jho" ba: qu" myao veshao: gai: ra" mau" magai: ra" mau"24
daja: ja: ci: qhu" gela, . – Naonhaung" pe" mangaid' ra" tho' mae je: mashab ko" ngaid: ra". Naonhaung" mau" zo" re: pe" mangaid' ra" tho' mae je: magai ngaid: ra". Naonhaung" re khyin: yu yaug re: anyain: avho: za: ngaid: ra".25
Qid meim shaid' mae" byu dayaug nga" mang khyao: re caung: khin" mung: ba thug' shaid' khyo" joe" li" nhao nae". Ug' kaid' yaug wa myid au: naug: re nao" nhaug' ru we' dakhyo: ai: yaug wa zug: qe re myid au: naug: re re" ru: nho" nhaug'26
pye' li" nae". – Ngonhaung" ba: gyo: sho' geco' ne, mae" ai: akhyo ta" kyo: yaug jo main: ra" ein: ngonhaung" ta" nae" akhyo qhid' phyao" ne, mae" khoyaug ta" kyo" qu" ko" i"? ta" kyo" ru dayaug re: mana hau" kyo: ru re: dayaug re: mana naon- haung" dao: thoe re gyo" qu" ru dayaug re:27
mana . – Qu" wa, ce: akhyo boe" li" nae" ein: geco' ne, mae" ngo Ziun: re ta" va". Ngaui bau: lau dao: re ta" kyo: nae" logyo: re Yerusalem: vo khyo ngo nhao: ke' va". –28
Yao: bam re ngo qu" ke' au: byu ein nae" ru dayaug re: mana yao: bam mae ta" peim: su dayaug re: mana yao: bam we' jho" qham: jhau nug qe re: dao: dam: ba: phaug' tau:29
nae" su dayaug re: mana . – Yao: bam: mau" zo" alhab' akeim aseim za: ngaid: ra". Yao: bam sheim" ra" alho jham re: akeim la cin cin za: ngaid ko" ra".