1 Ai: ayo, mae Baladan" yao: zo: Babilon: jhaung zug: Merodaid wa Hezekia no gai: byaug va" ga" thoe the' gyo: mung: tung" khye' we' jhaung qhu" jham vhin mung:2 logyo: qe re nhao: ke' ra". – Hezekia yao: bam joe" li" ko" ru re ngaui bau: ngaui lho" lham: tug: yu mung: yao" jo, nho" zai yo ngaui hhang nae pyo" ra" ja: phug' de; ra" xau gye we' tin" ra" sin: to" to" ra" yham we' yao" jo, nho" bain" alhab' ceim" qhu" ra". Jhaung zug' yham mae" ru: mang: din" geim" mae maceim" shid' ru daja: re: majo,3 lo: . – Alao" lapa Esaia wa jhaung zug: Hezekia jhao" ye: mung: ce: bang" vo qe pe" li" ta" ko" ra". Khomang: mae" joe" li" ko" i"? ga: Hezekia re myid' qu" au: mug: va" mang: Babilon: mae" li" ru ngaid ko"4 ra" ga: tau" ra". – Esaia wa yao: bam ni" yham mae pe" nam re the' myao veko" i"? ga: dam: myid' re Hezekia nga" yham khug mae jo; ra" gu: alhab' re myao veko". Nga" jo, nho" dai kham: gu: mae maqhu" ru pe" re: majo, lo: ga: dam: phaug' tau" ra". –5 Ai: au: Esaia wa gug: mang: din gam ug:6 Mo"so: mungdao: re tae" gyo: wa, . – Qu" wa, Mo"so ceru: ga: mho: ra" Ni" yham mae jo, mae: jo, re re: , Ana" ba joe" sho' ni" phug' pho" jham qho: qaung" to" ra" jham re re: Babilon: mang: khyo sham" tai: lo" nae" ayo, joe" lo: li" nae". Daja: re: tang" to: genae" mangaid: ga: Mo"so mho: ra". –7 Nao khau myhung: ke' ra" zo: myid: jham re re: sham" jhui" lo" mung: jhaung zug' yham mae daui mung (u nug') mo, boe"8 genae" ga: mho: kyo" ra". – Alao" Hezekia re: nao ta" kyo" ra" Mo"so: dao: agai ngaid: ra". Gegai: yao: nga" ta mae ngaui bau" ru we' xam: mag: ru ngaid: na shao: ga: Esaia re mho: ra".