1 Ai: lau dao: re Hezekia the' gyo: lao" yao" mai bau: re lao" caid' shelhaui" pye' mung: jid: mo" mai lao" yang" ci yang: Mo"so: jhaung: yham khyo ye" lo" ra". –2 Jid: mo" mai lao" yang" ci: ra" jo, nho" zam: Eliakim: tung" su Shebna: kao qi" ra" khin jaung jham re Amos yao: zo: lapa Esaia3 jhao" nhao: ke' ra". – Hezekia pin: ke' ra" dao: kheim: wa ana" ba wa qug: khai" ba na, mho" shid' ra" ba na jung" khyoe' qhug' ra" ba na ngaid: zoshao khau nae" ba na ayo, joe" yang: re: qo" khau nae" qam:4 mabo . – Daui: na: ra" Mo"so re khyoe' veshao: ga: Asuri jhaung zug: nhao: ke' ra" yao" jeim Raba Shakeh dao: re Mo"so the' gyo: veshao: . Ni" Mo"so wa yao: yao: dang: gyo" mo; tau: jhaung: mho' byid:5 veshao: . – Hezekia nhao: ke' ra" mo,6 wa Esaia jhao" joe" li" ko" ra". – Esaia re: naonhaung" zug: re ceru: ein: lo" ta" ge, Asuri qe ngo re jung" khyoe' ra" lau dao:7 nao the' gyo" ru re dagyaug daci". – Ai: jhaung zug: mae ngo nhag' myid getau tha" ke' byid: nae". Yao" lau dao: the' gyo: lao" yao" mang: khyo dam: phao: lo" li" nae". Ai: mang: mae shae: yang kao byid: ru qhug' zai ngaid: ga" ein: naonhaung" asang re lo" ta" kyo: ge, ga: mho: ke' ra".8 Raba-shakeh dam: tug' lo: au: Suri jhaung: zug: Libana vo re khaid' na: ru re lo: myao: ra". Khoru: ga" re yao: wa Lakhisha vo mae" dam: tug' lo: ru re9 ba: ra". – Ai: thao Ethiopia jhaung zug: Tirhaka nao re khaid' nae" do, lo: ra" ga" dao: the' gyo: lao" yao: wa Hezekia jhao"10 logyo: dam: nhao: ke' mung: – Yuda jhaung zug: Hezekia re ceru: ein: ye: ta" ge, Yerusalem: wa Asuri jhaung zug' lo, khug khyo mavao nae" ga: nao khug ngha: na: ra" Mo"so nao re mamhug'11 pyag' veshao: .– Qu" wa, Asuri jhaung zug: jham wa mang: din" alhab' re shao" pyaid' sho' phyo' qheim" pye' veko" ra" ga" ru re nao the' gyo: va". Nao yao: re:12 loe, nae" ein: dajho . – Nga" phug' phyid' qe phyo' sin" pye' ra" amyu" jham wa Gozain: Haran: Rezeb' we' Telasa mang: khain mae na: ra" Edin: mang: byu qe re yao: bam: mo"so wa khyaid' yu: ra" i"? –13 Hamaid' zug: Arpad' zug: we' Serapharim: vo Hena' vo Iva' vo re zug' ra" zug: jham wa khai: tau mae na: bam ko" ra" i"? ga: pyang: ke' ra".14 Hezekia wa ai: tung" khye' re logyo: pho" lo, mae" yu: nghe' phaid' qu" yang: jhaung: yham khyo ye: mung: Mo"so: qhid' kheim: mae ye: phyid: lhung" to"15 ra". – Ai: au: Hezekia Mo"so: qhid' kheim:16 mae ta" ra" dao: kheim: wa . – Kherubim: dao mae zaung: na: jo; ra" Israel Mo"so we" myid kin: mang: din" alhab' AsAng Mo"so wa nao yao: za: ngaid va". Mug:17 kin myid kin re phain: to: va". – Mo"so we" tae" gyo: byid: la, myo, phung" mung: byu: myao byid: la,. Daui: na: ra" Mo"so re jung" khyoe' nae" Senakherib' pin: ke' ra" dao: kheim: jham re xam" to: byid:18 la, . – Mo"so we" gai gai: Asuri jhaung zug: jham wa byu myu" alhab' we' yao: bam: mang: din" jham re phyo' sin" pye'19 mung: – Yao: bam: mo"so jham re myi: khyeim" mae sham" ngha" pye' veko". Ai: mo"so jham wa mo"so mangaid: byu: lo; yang kaid' ra" sag' thaung: we' laug baui ngaid mung: byo; qeim: lo" veko". –20 Ngonhaung" AsAng Mo"so we" nao dayaug za: Mo"so ngaid: ga" ru re myid kin: mang: din" alhab' ba: yu vegeshao: . Ngonhaung" re yao" lo, mae" khyaid' khyi: yu la wo" ga: mho' bain" ra".21 Alao" Amos yao: zo: Esaia wa Hezekia jhao" nhao: ke' mung: Israel qe: Mo"so mho: ru wa nao wa Asuri jhaung zug: Senakherib' mathao mae Nga" qhid' kheim:22 mae mho' bain: yang: – Ai: jhaung zug' akhyo mae Mo"so ta" ra" dao: wa Ziun: tang: shain" zo myi: wa nao re pe" shui manho jung" qi: ra". Yerusalem: zomyi: ni" nhaung thao" mae au: nghoe" nghoe" ra". –23 Nao khoyaug re jung" shaid' i"? Khoyaug re zag: hug' mung: ni" myo, geim kaid' nga: yao kaid' pye' qu" i"? Israel yaung" lho"24 Mo"so re ngaid nhaung i"? – Nao wa ni" jeim qe: nhaid' thoe khyo" Mo"so re jung" khyoe' mung: ngo wa myo: laug: ra" gye khe' lhin" jham we' bam dao khyo re: Lebanon: bam nyaug khyo re: do, li" va". Myhao: ra" shaug' gae we' lho" thao" ra" hhuje; gae jham re thau: lhang" pye' va". Myhao: thao" jo, qo shaug' shi: myo: laug:25 ra" yo qao" yo khyo ngo vao va". – Ngo wa qid thaung: dau: mung: qid qhug' shaug' va". Nga" khu vo" yang Egutu qid zo: qid zang jham alhab' re kin" lo" nae" ga: nao ta" thug' ke' venhaung .26 Ngo getam: geto mae" kaid' lo: ra" mau" we' geco' ne; ta mae zaui" boe" lo: ra" akhyo re nao mathe' gyo" qu" i"? Ana" re: nao wa vo kham" gang" vo jham re phyo' sin: yang: laug baui bam boe" nhao: ra" ru27 wa Ngo kaid' ru za: ngaid: . – Ai ru: mung: vobyu qe wa qam: nang" ru we' nhag' lam: gyug: mung: mo; byaug veko". Myo, gae we' nyug lao qam" ra" gaug gae jham re" ru: yham khaung dao mae yaug: ra" myo, gae we' maqi: shi: re jhoe' lo" ra" gaug28 gain" jham ru: boe" genae". – Nao na ye; ru thug' lo" vao lo: ru ngo re nhag' gyid' ru29 re ngo ba: ra". – Nao ngo re nhag' gyid' ru , khyoe' ru re ngo the' gyo: mung: nao re nho shoe" te' nhaid' kho' kho' byid: mung: nao li" ra" gau: khyo" dam: nhao: ke' nae".30 Ce wa ni" tau: ve, lho boe" shao:, Ana" zin wa yao: yao: taid' li" ra" ashi: re sao nhag' re: ai mae" za: naonhaung" zo: ge zai ngaid: . Sam zin ein: zin mae amyug: ashi: sin: mung: zo: ge, sabyi' khyae kaid' mung:31 ai mae" ashi: zo: ge, . – Qug: khai: mae" loe, beim: lo: ra" Yuda amyu" qe wa agyi: dam: taui: mung: ashi: zaui" li" genae". –32 Na: dang shi" ra" mo, wa Yerusalem: vo mae" re: Ziun: bam mae" re: thug' li" lo genae". Gug: mang: din gam ug Mo"so: gain gin makhin" jhid' nhag' wa ai ru: boe"33 nhao: li" nae". – Ai mung: Mo"so wa Asuri jhaung zug: re qang yang: ce ru: ga: mho: ra". Yao: wa ce: vo khug khyo qo" vao nae" mangaid: ai: khug khyo myo: dakhe' lao" bag' ke' nae" mangaid: vo yae mae go khao: maqo" gai: ci: qhu" nae". Taung gaung gyab34 lao: maqo" gai: dau: nae". – Yao: li" ra" gau: khyo" dam: lo" li" nae". Ce: vo khug35 khyo qo" vao nae" mangaid: . – Ngo wa ngo yao" myo, nho re re: Nga" jeim Davi myo, nho re tau mung: ai: vo re gug: gam mung: khyaid' khyi: yu nae" ga: ta" ke' ra".36 Ai ru: mung: mug: logyo: jham thug' ye: mug: Asuri gye qe, mae byu datid: she' tug: ngo" taung re se' pye' veko". Ne, seim no' to" ye" qu" re ai: byu qe alhab'37 wa mao gaung boe" byaug veko". – Asuri jhaung zug: Senakherib' re: ai: jo, qo mae" phao: lo" mung: Nineve" vo mae lo" na:38 ra". – Ai: thao yao: wa yao" mo"so Nisa- rud' yham khug mae goe; pa" na: au: zo: Adram Meleg' we' Shareze: tao wa yao: re qam" se' pye' mung: yao: tao wa Ararad' mang: khyo phao: lo" byaug gemung: yao" yao: zo: Esahadon: wa yao: pho" jo, qo mae tao" zaung: ra".