1 Hezekia jhaung zug: tao" zaung byid zin ein: zin mae Asuri jhaung zug: Senakherib' wa Yuda mang: mae" vo kham" gang" ra" vo jham re lo: khaid' mung: qo"2 yu va" ra". – Asuri jhaung zug: wa Raba- shakeh re khyin: yu mung: gye mo, thaui: we' daga" Lakhisha vo mae" Yerusalem: Hezekia jhao" nhao: ke' ra". Yao: wa mai bau: zab yaug: yothaung: gau: khyo" ye: mung: atho' mae" bolao: kham: mae ye: ye;3 na: ra". – Ai lao" jo, nho" zam: Helikia yao: zo: Eliakim: tung" su Shebna: Asab' yao: zo: khaung: mhao: Yo-a bam wa yao: jhao" thug' ye: mung: ,.4 Alao" Raba-shakeh wa yao: bam re Hezekia re ceru: ein: lo" ta" ge, . Kheim: so' qi" ra" Asuri jhaung zug: ceru: ga" ra". Nao5 wa pe" re khug ngha: na: i"? – Nao wa gye khe' nae" juyi we' qam: o: bo: ga: ta" na: ru wa ajain" ngaid: ra". Ngo re tau: lhain: nae"6 tau: khag' re lam khug: na: i"? – Nao wa gyug' byaug va" je jid: lhae daung: ngaid: ra" Egutu re alam: na nhaung i"? Ai: lhae daung: wa khug ngha yaug: lo, re thug' zhain" kyao" li" nae". Egutu jhaung zug: Pharaoh re khug ngha mo, alhab' wa zau"7 ru qhug' genae". – Nao wa ngonhaung" Mo"so mae ngonhaung" khug ngha: na: ga: ta" qe re: Hezekia wa myhao: ra" jo, qo jham re sham" khyo" pye' mung: ceru: ga: mang: ra" ngaui" phain re za: kug' ngaui" ca" ga: Yuda mang: byu qe we' Yerusalem: vo byu qe re khang" to: va" mangaid: i"? –8 Ai ru: mung: nga" asang Asuri jhaung zug: re dao: so: to: wa, . Nao mae myao: jui: sulhe: laug: na: ngaid: re ngo myao: shid'9 taung byid: nae". – Nao wa nga" asang: ngai: thao" ra" sin: khyi: re lao" re: maqo" aung: ru gye lhin" we' myao: qo" nae" ga:10 Egutu re alam: na nhaung i"? – Mo"so: akhang" maqo" lo: ce: mang: re phyo' nae" ngo joe" lo: ru jho ko" i"? Ai: mang: lo" khaid' mung: phyo' sin" pye' wa, ga: Mo"so ngo re mho va" ga: mho: ra".11 Alao" Eliakim: Shebna Yo-a bam wa Raba-shakeh re suri' myain" khyo" ta" kyo: la, Suri myain" ngonhaung" ba: gyo" vo kham" dao mae na: bam ko" ra" mo, ba: gyo: sho' Yuda myain" khyo" mata" yang:12 wa ga: mho' ko" re – Raba-shakeh yaug wa nga" asang wa nao we' ni" byu qe re ce: dao: ta" kyo: nae" ngo re nhao: ke' ru ngaid: i"? Vo kham" dao mae zaung: bam mung: yao: yao" poe' re zo: mung: yhid' tag' shaug' mo, jhao" nhao: ke' ru mangaid: i"?13 ga: ta" yang: – Raba-shakeh to" ye, mung: Yuda myain" khyo" qi: sho' hug' mung: qi" thao" ra" Asuri jhaung zug' dao: re tae" gyo:14 ge, wo". – Jhaung zug: ce ru: ga: mho: ru wa Hezekia wa naonhaung" re mamhug' sham" veshao: yao: wa naonhaung" re nga" lo, mae" qo" khyaid' yu nae" mangaid: . –15 Hezekia wa Mo"so wa ngonhaung" re gai gai yao: khyaid' yu: li" nae". Ce: vo re: Asuri jhaung zug' lo, khug mavao nae" ga: mho mung: naonhaung" Mo"so re lam ge,16 ga" ru datae" gyo: ge, . – Hezekia dao: re datae" gyo: ge, Asuri jhaung zug: ceru: ga" ra" Ngo we' ba nam kaid' gelang: ngo jhao"17 lo ge, . – Naonhaung" mang: din" we' dau: ra" gaug zo maui: lam: sabyi' qang: byang" sheim: ra" mang: cin main" sabyi' khyae myo" laug: ra" mang: khyo jhui" lo" nae" ayo, joe" sho' naonhaung" yao: yao" sabyi' shi: pho' ham" shi: zo: yang: yao" bolao: mae" qid shaug' mung: na: na shi:18 ge, . – Mo"so wa ngonhaung" re khyaid' yu: li" naeva" ga: Hezekia maqo" mhug' pyag' veshao: . A mang: mang: mae" mo"so qe mae Kholam" mo"so wa yao: bam: mang: din" re Asuri jhaung zug' lo, mae"19 qo" khyaid' yu: qu" ra" i"? – Hamaid' we' Arpaid' mang" mo"so wa khai: mae na: i"? Serapharim: mang" mo"so wa khai: mae na ko" ra" i"? Yao: bam wa Samari mang: re20 nga" lo, mae" qo" khyaid' yu veko" i"? – Ai: amang: mang: adin" din" mae" mo"so qe mae pe" mo"so wa yao: yao" mang: din" re nga" lo, mae" qo" lhoe' ke' qu" ko" i"? Gug: mang: din gam ug Mo"so wa Yerusalem: re nga" lo, mae" khoru: gai: qo" khyaid' lhoe' ke' nae" i"? ga: mho: ra".21 Yuda byu qe wa dao: dakheim: re: maphaug' tau: lo: sae za: tae" bam ko" ra". Khoru: ga" re dao: daphaug' tau: ge, ga:22 jhaung zug: tam" to" ra". – Alao" Hilikia yao: zo: jo, nho" zam: yaug Eliakim: tung" su shebna: Asab' yao: zo: khaung: mhao: Yo-a: bam wa yao: bam: mai bau: re lao" caid' yang: Hezekia jhao" ye: joe" mung: Raba-shakeh dao: re ye: zhao: kyo: ko" ra".