1 Ai: ba na ayo, mae Mo"so wa qam: qi" ra" yao" lhe' shae: yang qo" ba: dao" de; ra" lhao maui re re: , akain acae" mung: ra" lhao maui re re: dae te' mung: qid dae mae na: ra" mao jaung: re re: se' pye' li" nae".2 Ai: ayo, ba na mae sabyi' khyae we' tin: mung: ceru: ein: caung: khin" ge, . –3 Mo"so wa khyae lhaug' yaug ngaid: . Mathang mano: qid sheim" na nae". Khag' yang re: mali" phyo' qheim" genae" tau: myi" na" malam: lai: zaung" na nae". –4 Ngo nhag' yo: gyo" va". Zau: jam" jham re kam" wa Ngo we' shi" jho" khaid' mung: ajao" yao: dalhang: dae ngha" pye' nae". –5 Mangaid: lao" nga" qam: o: kheim: so' re ngha mung: ngo we' ba nam kaid' geshao: . Ngo we' ba nam ru: zam" khug vegeshao:6 wo". – Thao phyao: Yaku wa agyi: taui: veshao: . Israel wa ngaui bau: yaug yo mung: myid kin mae amyug: ashi: jham we' byang" lo nhao: li" nae".7 Yao: tao re yhin" pyam" mo, re yhin" pyam" ru re" ru: yhin" pyam" veko" i"? yao: tao re se' ra" mo, wa yao: tao re shid se' se' ko" re" ru: yao: wa shid sho' se' ru8 qhug' va" i"? – Yao: bam re naung phaug' mung: ga" go" mho" shid' ava". Ba thug' la hug' lo: ru: yang yao: bam re hug' tao"9 pye' va". – Aire" ru: Yaku amyu" wa phain zang laug jham re laug main baui re" ru: nai: mhain" mung: Ashera: we' gyoe lho jham re tau: lhang" pye' ra" au: yao: yao" qobo loe, mung: qobo loe; ra" so' ha" jeju10 alhab' re khae: yu: li" nae". – Ngaid qere: gang" tang: ra" vogaung: wa cae: jhug tag boe" ru we' seyo segae: re" ru: shepye' to" ra" jo, qo boe" byaug: li" nae". Ai: jo, qo mae nung: jaung nau" jham gyo, zo: zo" re" ab' jo, mung: anyaug jham re phyid' zo:11 genae". – Akaung ako' jham wa kyaug' lo" lao" nag: khyug' ru qhug' mung: myiqe: jham thao: qho ngha" li" genae". Khoru: ein: re ai: amyu" wa laba lajhao mabo: ra" amyu" ngaid ko" ra". Ai mung: yao: bam re myhung yaug nhag' myain: nae" mangaid: . Yao: bam re myo, nho nga: lao: yu, nhao nae" mangaid: .12 O" Israel amyu" qe we" ai: ayo, mae Mo"so wa qid zang gyaung: mae" re Egutu qid gyaung: joe" sho' gu: mae qhovo: qhoshi: jham re jham" ru mae naonhaung" re: dayaug: thao dayaug gaug dang: re" ru: zhang" yu: ru qhug' genae".13 Ai: ba na mae labo" aqi: maid: ke' mung: Asuri mang: mae byaug: lo" mo, Egutu mang: mae nha: to: co' mung: na: bam: ra" mo, wa zang" lo mung: Yerusa- lem: vo mae" shao gyang" ra" bam dao mae Mo"so re goe; pa" genae".