1 Mo"so mho: ru wa Ngo re tau: lhain" ra" amyu" jham wa byuxa: voqoe, qhug' genae". Yao: bam wa Ngo mae mangha lo: yao: cao: jho" qham mung: Nga" Solo: akhang" maqo" ru zam" khug: ba nam kaid' gemung: qobo apaug' apyae qo" ko"2 ra". – Pharaoh jhaung zug' kheim: so' re ngha mung: Egutu, qab mae khug nae" ga: yao: bam ngo re mata" kyo: lo: Egutu3 mang: khyo joe" sho' gyo" ye: ko" ra". – Ai ru: mung: naonhaung" wa Pharaoh jhaung zug' kheim: so' re ngha geyang: gyaug qho' ru phau: genae". Egutu, aqab mae khug ko" ru mung: myo, nho nga: lao: maqo"4 genae". – Yao: bam: zug: qe wa Zoan vo khyo yao: bam logyo: qe wa Haned'5 vo khyo joe" veko". – Yao: bam wa pe" mabao" thaug' pe" maso' ha". Pe" khyag' mathaid' ge mung: qho' phau" ru myo, nho nga: lao: malho" ra" byu myu" ngaid: ra" mathao yao: bam alhab' qho' phau: gyaug phau" li" genae".6 Qid bang" mang: mae" byid khyid de; ra" gug' nyhug' re qang: ra" pa dao: , lo: tin: myhi" we' lo: tin: , maui bab: , dao: ba: ra" myi: lhao maui myo: laug mung: gyai qug: qe" ra" mang: din" khyo khyo" kho' lai: ye" lo" mung: yao: bam: tau: pe" so' ha" maqo" ra" amyu" qe jhao" myao: dao kao" mae" jo, nho" jham re re: , Ma dae myao: dao bau" dao mae dai kham re vin: ye: genhaung7 i"? – Egutu mang: wa aseim akeim pe" so' maqo" ha". Ai mung: ngo yao: re madaui lab: ra" Rahab' ein: mhang" va".8 Nao ana" ye" lo" mung: apyaid ato gang" tang: jo, sho' laug the: mae co' tung" to: wa, tung" dang: mae re: tung" to:9 wa, . – Tung" nae" dao: kheim: wa ce: byu myu" wa tau: lhain" ra" amyu" ngaid ko" ru we' Mo"so: tarha" re manug: tae" gyo"10 ra" zo: myid: jham ngaid ko" ra". – Yao: bam wa lamyhung" myao yaug re lamy- hung" damyao lapa qe re dang main" ra" khyo" dapa ge, . Caung" ra" dao: lho" jhau11 ge, . Vai: sham" dao: re jhau ge, .– Khyo gai re jao" ge, khyo kaui khyo" su: ge, . Shao gyang" ra" Israel qe: Mo"so re ngon- haung" qhid' kheim: mae go: kyo" byid:12 gela, ga: lapa qe re mho ko" ra". – Ai ru: mung: Israel amyu" shao gyang" ra" Mo"so mho: ru wa naonhaung" wa mungdao: re malam" makho kaid' mung: akaui aga: mae za: cao" lhang: qin" ko" mathao mae . –13 Naonhaung" qobo wa byo; bai" gyo" lo" na: ra", myhao: ra" zho: cang vokham" re" ru: boe" mung: myo, danyag mae za: byo; bai"14 gyo" lo" zai ngaid: ra". – Myid zhai: ug' go; lo" ru ru: go; lo" nae". Go; lo" ru re: myi: gyoe: gaug: ke' nae" qid lhau" khau: nae" lao" ug' cug' majo, lo: sho' o: mado be; kho' mhain" pye' ru qhug' genae".15 Israel qe: shao gyang" ra" AsAng Mo"so mho: ru wa Naonhaung" nhag' lam: lhang: lo mung: myain yo: na ko" ngaid: re khyaid' yu: ra" khyo joe" genae". Lam jang" ru we' myain yo: ru: yang qam: o: qo" genae". Ngaid yang: re: naonhaung" ai: ru re ma-o16 ngaui ko". – Ngonhaung" wa ai re" ru: mana . Myao: jui: mung: tao" phao nae" ga: mho geyang: mo, je wa gai gai: yao: phao nhao genae". Ngonhaung" wa tao: qao: ra" myao: re jui" phao nae" ga: ta" ko" mung:17 cao" khe' mo, phyaid: li" genae". – Naon- haung" wa bam dao mae zhaug' to" ra" so: xam: zang re" ru: bug gaung mae tau: to' to" ra" khyi re" ru: boe" gengaid qere: dayaug: yang nhin" re dataung yaug tao" phao genae". Ngo" yaug: yang nhin" re datug tao" phao genae".18 Ngaid qere: Mo"so wa naonhaung" re jeju kaid' nae" myid: nghae" na: ra". Naonhaung" re nhag' myain: nae" myid qi" qhang: ra". Mo"so wa tarha" din" ra" Mo"so ngaid: ra". AsAng re myid: nghae"19 lao" na mo, wa Nga: lho" ko" ra". – Yeru- salem: vo mae na: ra" Ziun: amyu" qe we" thao phyao: naonhaung" nhag' kaug' myo, yug lo: genae" mangaid: . Nao zag: yao: ra" thoe re the' gyo: mung: nhag' myain" li" nae". Ai: thoe re the' gyo: lao" yao: tau" ke'20 li" nae". – Mo"so wa nao re qug: khai: nae" main" re zho: mung: qug: qe" ra" qid shaug' nhao yang: re: ni" mho" pho" qe wa thao phyao: gug' vho' byaug lo: genae" mangaid: yao" myo; yang yao" mho" pho" re myao:21 li" genae". – Naonhaung" wa lo, vai: lo, yo su" nghung" lo" au: ce: gau: wa khyo gai ngaid: ra" ce: gau: khyo" su" ye" lo" wa, ga: nhaung thao" mae" thoe re ni" no: khye'22 yang the' gyo" ke' li" nae". – Ngaui: yang kaid' to" ra" alho we' hhang thab' to" ra" alho jham re maphug' makhyaid' kaid' mung: mai jaid: thaui: re" ru: shelhaui" pye' co' mung: lo" ge, ga: ta" li" genae".23 Mo"so wa ni" taung yo yo thaung: mae" gaug zo maui: lam" tau: mug: qu byid' li" nae". Myid gaung: qhovo: qhoshi: jham mae" cin main" myo: sho' min byid' li" nae". Ai: au: mae ni" gug' nyhug' jham wa lu: ra" jao: dae jo, qo mae gyo, zo" na:24 li" genae". – Ni" yo phaug' ra" nung: jaung lo: we' lau gung: myao: nau" wa bo" lang" we' o: khyang" yang pyao" khyang" yu: ra"25 gaug qhug' zo: genae". – Byu myo: sho' re se' pye' ru we' gye byu gai" re phyo' tau: lhang" pye' ra" ba na mae myhao: ra" bam khao: ngo" mae we' bug myhao khao: ngo" dao mae qid zang qid zo: yug: li" nae". –26 Mo"so wa yao" amyu" qe: agyug: abai" re nyhang" byao mung: yao: bam: dae khu re gai nhao: ra" ba na mae lho" wa ba ru: bao mung: ba re: qhid phyao: mae" tho' nhaid' bun je: bao: li" nae".27 Qu" qu" ge, Mo"so: mang khyao: wa mug: va: mae" joe" li" ra". Nhag' gyid' ru wa nga" mung: myi: shae ru: vung vung ga" ra". Yao" nhaid' wa nhag' gyid' thoe byang" mung: sho re: myi: nga" ru ru: boe"28 ra". – Yao: so' hoe" ru wa lang zang: joe" sho' nhug' ra" qid je: au: ru: boe" mung: byu myu" jham byo, qeim ga" ra" khyang" yang khyang" khyo" pye' li" nae". Byumyu" qe: nhaid' mae re: khyo jhui" nghung" ra" nhaid' re khyae: kho' byid' li" nae". –29 Naonhaung" wa poe kaid' ra" myi" re lhaung" kaid' ko" ru: nghaui" thoe nghaui" genae". Israel qe: laung: mo" baui Mo"so: bam dao khyo khulhao: maid yang: do, ye"30 lo" re" ru: ngaui baui: genae". – Mo"so re: kheim: so' bo: ra" thoe thaid' ke' mung: nhag' gyid' ru myi: nga" ru la qam" qam" ru lag qu khyo" ru we' yao: lo, lam: pyam"31 li" nae". – Ai mung: Asuri byu wa Mo"so: thoe: yang lang" be; ru we' lhae daung"32 yang be; ru qhug' nae". – Mo"so wa nyhang" to" ra" lhae daung: be; ke' khao: ngo" jhe' cang" tang: thoe ru: myang: li" nae". Yao: re thin thin gye khaid' li" nae". –33 Khoru: ga" re geco' getoe: mae" Tophed' jo, qo re nyhang" to: gau ngaid: ra". Gai gai: yao: jhaung zug' tau: nyhang" to: gau . Ai: jo, qo re no; thao" ru we' gelin: gego: kaid' to" ra". Myi: ngha" nae" thao: bam re: jo; ra". Mo"so: so' hoe" ru wa fang qang: re" ru: ai: thao: bam re ngha" li" nae".