1 Qu" ge, Mo"so wa myid kin re to" pye' mung: tau: mhaug' pye' yang: mang: byu2 qe re byo: sin" lo" nhao: pye' va". – Ai: yo, mae khin jaung wa mang: da: volo byu ru: jeim sang wa jeim re" ru: aung: yaug wa vai yaug re" ru: jhin sang wa jhin bo yaug re" ru: ngaui bai: zo: yaug wa ngaui bai: byid:3 yaug re" ru: boe" li" genae". – Damang: din" geim" wa gaoso yo boe" mung: byo;4 lo" li" nae" ga: Mo"so ta" to" ra". – Mang: din" wa nhag' kaug' nhag' ngai: ru boe" ra". Myid kin wa qam: nang: mung: nhag' ngai: ru boe" ra". kheim: so' qi" ra" mang: byu wa5 qam: nang" lo" ko" ra". – Mang: din" byu qe wa tarha" lhoe" ru Amyin" re tha" lhag' lhai" ru , Apyaid ato: dao: so: re phyo' pye' ko" mathao: yang mang: din" wa anyain:6 avho" ru boe" ra". – Ai ru: mung: myid kin wa jham kai" ru phau: mung: mang: din" dao mae qobo qo" ako". Myid kin dao mae na: byu qe nga" gyoe; gyo" gemung:7 na: dang: ra" mo, nang" ako".– Sabyi' qang: asag' wa so' mabo ngaid: ra". Sabyi' naui jham re: qam: nang" ako". Ngaui bau: ngaui lho" ra" byu alhab' wa kaug' yoe" na ko"8 ra". – Gyo" pyo" ra" khulhao: thoe sham: byaug va". Ngaui bau: ngaui lho" mo, yhai thoe magyo: lo: . No: gyo: yo: ra" tang:9 thoe sham va". – Nghaui" thoe mung zo" re" sabyi' shaug' genae" mangaid: . Yhid wa shaug' ra" mo; nhaid' mae kho" li" genae". –10 Gao so yo mae" vo gaung: wa gyoe; gyo" va" khag' re: maqo" vao lo: sho' yham khao:11 ngo" kham: pyid' to: veko". – Sabyi' qang: gain: byaug mung: vo mae" khyo dang jham mae kaug' myain" qhu: thoe mung: na ko" ra". Ngaui bau: yaug yo: ru baui" byaug va". Damang" geim" mae no: gyo: yo: ra" thoe12 magyo: lo: – Vo khug mae cae: jhug tag: ru za: adang lo" ra". Vo mo" kham: jham re re:13 be; khyug' mhain" pye' veko". – Tainlon: gae re lhaui" nhain" mung: ashi: the' yu: ru ru: sabyi' shi: bin: phyo' yu thao agyo" gaug: ru re" ru: myid gye, Xaosu byu qe: agaung: mae boe" lo: li" nae".14 Yao: bam wa thoe mo" ke' yang: ngaui bau: ngaui yao caung: nghaui" genae". Mo"so re caung: khin" ra" thoe mo" we' qid dae thoete' mae" lao" zag: hug' li"15 genae". – Ai ru: mung: ba thug' shaid' mae" mo, Mo"so re qid dae gogyo: kao" mang: mae" re: Israel amyu" Mo"so: mang16 khyao: re caung: khin" ge wo". – Shao gyang" ra" yaug wa phung bao qi" qhang: na shao: wo" ga: nghaui" thoe re myid gye, ayae mae" ngonhaung" the' gyo" ke' ra". Ngo kam" wa myaung sho" ra" myaung: ra" xa: qoe, qhug' va". Mhug' ra" mo, wa mhug' yang: na: bam ko" ra". Yao: bam wa17 mhug' pyag' khyo gyai kaid' ko" ra". – O" mang: din" byu we' gyaug: din pho" ra" myid sao: dung: we" lha" wa, ni" qhid' au:18 mae ngaid: ra". – Gyaug pho" ra" ja: mae" phao: ra" yaug wa myid sao: dung: mae gyo" li" nae". Myid sao: dung: mae" loe; lo" yaug wa lha" mae myi" li" nae". Mug: gaung: dung: khung: wa bung" jo, mung: myid kin: qao: tae wa laui" nain" na: ra". –19 Myid kin dagye, geim" gyoe; gyo" va". Baui: sho' yao: byo; pye' va". Myid gye, qi:20 sho' yao: laui" nain" na: ra". – Myid gye, wa yhid yid yaug re" ru: apyi avhang: boe" mung: kucui: re" ru: yao" adao mae qola: boe" mung: tha" thu: lang" ru wa dam: qo" to" ye, lo: nae" mangaid: .21 Ai: ba na ayo, mae Mo"so wa tho' zhao" mae" mo, thaui: mo, yaug jham re Myid gye, mae" myid gye; jhaung zug: jham re li"22 ca: kam" li" nae". – Yao: bam wa myid sao: dung: mae re: kyam: mae lhaung" qhain" to" ru qhug' na: li" genae". Ba na ayo, myo: sho' lai: lo" thao mae yao: bam re qobo dae23 byid' ru qhug' genae". – Ai: yo, mae lho" re: sham: lo" li" nae". Ba re: qho' phau" li" nae". Khoru: ga" re gug: mang: din gam ug Mo"so wa Ziun: bam dao mae Yerusalem: vo mae zug: kaid' mung: yao" nhag' bo ade, qe: qhid' kheim: phung bao ham" hung: qi" lo: li" nae" ngaid: .