1 Ai: ayo, akhin: mae nghaui" nae" nghaui" ji: wa , Ngonhaung" gang" tang: ra" vo mo" jo; . Yao: wa khyaid' khyi: yu: ra" vo mo" jeju re vo kham" we' gye byu2 gai" atha" nyhang" to" li" nae". – Kham: mo" dung: jham phung" sin" to: ge, . Vin tang: mung: din: main: mo, vao geshao: . –3 Nhag' myid vin tang: jhaug' zaug: ra" yaug wa AsAng mae khug ngha: ra" mathao yaug yo: ru qhug' veshao: ga: gug: gam: byid' li"4 nae". – Mo"so mae apyaid ato khug ngha: na ge, . Mo"so wa thain" madaui khug ngha5 jao: ngaid: ra". – Yao: wa myhao: ra" jo, qo mae na: ra" mo, re khyoe' ra". Phug' de; ra" vogaung: re dau" phyo' mung: myid mae joe" sho' nyham: khyo" pye' yang: phaui:6 lhug bam mae pye' ra". – Byu: khyid: yang zab: nhaug' pye' genae". Myaung sho: mo, we' moe, shab' mo, wa ai re zab: jab: lai:7 lo" genae". – Din: main" ra" yaug wa din" ra" gau: khyo mae su: ba: ra". Din: main" ra" Mo"so AsAng wa din: main: mo; gau: khyo re nyhang" to: byid' ra".8 Ngaid va" Mo"so we" ngonhaung" wa AsAng: mungdao: tarha" gau: khyo mae su: zo" re" AsAng re myid: nghae" mung: AsAng: mang khyao: re nhag' khug mae9 beim: so" na: . – Myi" ayo, mae re: ngo wa nhag' myid khyo" AsAng re beim: so" na: . Ne, seim mae re: ngo wa aung khug solo khyo" yang AsAng re myid: qho: na: . Myid gaung dao mae" mau" zo" re ca: qu" ra" au: myid kin: Xaosu byu qe wa tarha"10 re mho" yu veko". – Tarha" maci: ra" mo, wa jeju re qo" khae: yu gengaid yang: re: gai: ra" akhyo re manug: mho" khae: yu ngaid: ako". Din: main" ra" khyo" cao" ra" mang: mae lao" re: akaui khyo" za: ba: myid gemung: Mo"so re pe" shui manho pe" dao" manghae" ba: ako".11 Mo"so we" AsAng: lo, tau: vha yang: re: yao: bam wa mamyao maxam: ko". Ngaid yang: re: AsAng: byu qe: jhid' khyang qi" na: ru re yao: bam myao mung: qho' phau" li" genae". AsAng re gye kaid' mo, re myi:12 nga" pye' li" genae". – O" Mo"so we" AsAng wa ngonhaung" re yaug yo myain cae" ru byid' li" nae". Khoru: ga" re ngonhaung" mau" zo" jid: zo" alhab' re ngonhaung" tau:13 mae zaui: so" to: va". – Ngonhaung" AsAng Mo"so mae" jain" yang: getau: asang qe wa ngonhaung" re ug: gam: ci veko". Ana" kam" wa ni" mathao mae AsAng: mang khyao: re caung: khin" na: bam: na va". –14 Ai: asang qe wa shid: gain veko". Dalhang dam: daui: lo: gezai mangaid: . Yao: bam wa subyo boe" mung: daui: to" nae" khyo mabo lo: . Yao bam cao" kam" qu" mung: qab: lhaui" pye' va" ru mung: yao: bam:15 so: xam: lao" madang nhao lo: . – Mo"so we" AsAng wa ngonhaung" amyu" re myo: laug nhao va". Ngonhaung" amyu" re myo" je" lo nhao: ru yang ham" hung: qi" ava". Mang: din" lhang" gam: re ce" lae: lo nhao va" ra".16 Mo"so we" yao: bam: qug: khai: sho: jhin thaung" qhug' lo: au: AsAng mae nhaui veko". Yao: bam re mho" shid' kyang" ra" au: jhaung: mho' thoe: yang yao veko". –17 Gaung la" myiqe: wa zo: khau ba na joe" mung: zo: khau no no mung: gyi: hug' ru we' dakhyo: ngonhaung" wa AsAng: qhid'18 kheim: mae boe" bam va". – Ngonhaung" wa gaung la: mung: zo: khau no no: ru qhug' ngaid qere: la re khau: ru boe" byaug venhaung wo". Mang: byu qe wa khyaid' yu: ra" khyo majoe". Myid kin: dao mae" byu qe re: matha" lang: ko" ngaid: ra". –19 AsAng: su shid qe wa dam: daui: li" genae". Nga" su shid mao gaung jham re: daui: to" li" genae". Phaui: lhug bam mae na: ra" mo, so" to" li" mung: caung: nghaui" ge, . Khoru: ga" re AsAng: nghin coe: wa mhin: zo: laung la jham re yaug nhao: ra" nghin coe: boe" mung: myid gaung re: shid va" mo; subyo jham re dam: phoe" thug' li" nae".20 Nga" byu myu" qe we" li" geri: kug qe, khyo vao mung: naonhaung" re go: kyo" nae" tau: kham: pyid' to: ge, nhag' gyid' ru21 lai sho' dazab lhau" vho' na ge, . – Khoru: ein: re myid kin: Xaosu byu qe re yao: yao" shaid' nghung" qobo: mathao pyam" nae" tau: Mo"so wa yao" na jao: mae" thug' li" va". Ai: au: mae myid gaung wa yao: shaug' to" ra" sa: re phoe' thug' qhu" mung: thao phyao: yao" dao mae shid qhug' ra" mo, qo" nyham" to: lo: nae" mangaid: .