1 Sabyi' qang: yid: ra" mo; jo, qo ngaid: ra" nyug lao qam" ra" lao: geim: nhaid' mae na: ra" Ephrim: yhid ya: qe: ngaid beim" ra" lhugmaug we' yao: bam: jhoe' ba: ra" myo, nho nga: lao: phung bao: bin: bu" wa sham:2 lo" nae". – Mo"so wa qam: bo mung: kheim: so' qi" ra" yaug wa lag qu bobo: ra" mug: qu la qam" re" ru: gyai thin: ra" qid je: au: re" ru: yao: bam re myid gaung3 joe" sho' khyoe' khyo" li" nae". – Ephrim: amyu" yhid ya: qe: ngaid beim" ra" lhug- maug wa pag' lhoe" pye' ru qhug' genae". –4 Nyug lao qam" ra" lao: geim: nhaid' mae yao: bam jhoe' lo" ba: ra" myo, nho nga: lao: phung bao: bin: bu" wa zin vao kheim: majoe" shi: re zaui" mhang" ra" ashi: re" ru: boe" genae". Ai: shi: re the' myao: ra" mo, wa lo, mae phyo' ci yang: zo: ba: ako". –5 Ai: ayo, akhin: mae re: gug: mang: din gam ug Mo"so wa dang: na shi" ra" yao" amyu" mae phung bo: ra" lhugmaug , yaung" lho"6 ra" bin: kheim" boe" nae". – Tarha" dao: phyid' mo, re tarha" dao: phyid' nae" au: naug: sozo: , vo kham" kham: dung: mae gye vo re lham: qo" khe' tug' ra" mo, re gaung khyao: qam: o: byid' li" nae". –7 Ngaid qere: ai bam wa sabyi' qang" mathao shaid' nghung: veko". Yhid: mathao: yang khyo nghung: nghung: veko". Khin jaung we' lapa qe wa yhid: yang shaid' nghung: veko". Sabyi' qang: mae lhau: veko". Yhid: mathao mae khyo nghung: nghung" lo" veko". Lapa myo, myhung" madin: lo: ko". Dang main" ra" khyo" tarha" dao: maphyid'8 tha" lang: veko" ra". – Yao: bam: zo bo" alhab' wa daug: phoe" bam: to" ru we' anyain" avho" ru byang" jo; ra".9 Yao: bam wa khoyaug re mho" shid' qu" ko" i"? Khoyaug re lau dao: ba: gyo: nhao: qu" veko" i"? Ngonhaung" wa nug' shaug' mung: yao: myhi" nug' cug qang: kao: va"10 mo, ngaid: ra" i"? . – Khang" dao: dalam" dao dalam: dalam" dao dalam: akhyo dalam" dao dalam: dalam" dao dalam: ce mae dajhid' mho" mae dajhid' jo, nhaung wo" ga: ta" ako".11 Gaigai: yao: dao: maboe" ra" nhaid' , kheim: co' lab: ra" sho we' ce: amyu"12 jham re ta" nae" ru wa – Ceru: kaid' re yaug yo nae" myaung: qhaid' ra" mo, yaug yo geshao: ce re" ru: kaid' re cae: yo nae" ein: mho ngaid qere: yao: bam matae"13 gyo: ko". – Airu: mung: yao: bam su" ye" lo" re mug: kyi" kholhao: lang: mung: dae de' ru thaung: to" ra" lha" mae myi" ru we' myhag' cam" ru qhug' li" genae" akhyo Mo"so: mungdao: wa yao: bam: dao mae dalam" dao dalam: dalam" dao dalam: akhyo dalam" dao dalam: daja" dao daja: wa ce mae dajhid' mho" mae dajhid' boe" nae" ngaid: ra".14 Ai ru: mung: Yerusalem: vo re ug: ra" mo, we" Mo"so: mung dao: re tae" gyo:15 ge, . – Naonhaung" wa ngonhaung" re shid zug: we' zam" na va". Movo: mug: we' jho" ba va". Ngonhaung" jhao" joe" nae" mangaid: Ngonhaung" wa kheim: co' dao: mae ngha mung: mhug' vhain" pyag' ra" agyid' mae gug' na: bam va" ga: ta" ko" ra" mathao .16 AsAng Mo"so wa Ziun: bam dao mae vin tang: jhaug' zaug: ra" phug' de; ru we' gang: tang: ra" jheim nghoe' laug baui re khyo" nghoe' to" ra". Ai: laug baui re khug ngha mo, wa phao: lo" nae" akhyo majo,17 lo: . – Ngo wa tarha" dao: phyid' ru din: main" ra" khyo: dao: phyid' ru re mhaug' khyang bag byid: nae". Lag qu khyo" ru: yang kheim: co' lab: ru nhang: myain" nhang: thoe khug: ra" jo, qo re qab: pye' mung: qid je" au: wa vho' khug nae" jo,18 qo jham re nghoe' pye' li" nae". – Naon- haung" shid zug: we' zam" khug: ru byo; byaug nae". Movo: mug: we' jho" ba: ru re: gang" tang: lo: nae" mangaid: . Qug: khai: kyi" khyag' vao lo: au: naonhaung" re re:19 nghoe' gam: lai: lo" li" nae". – Ai: ru khon- hae" joe" ngaid yang: re: naonhaung" bobo: lo" genae". Dane; thao dane, nghoe' gam: lai: lo" nae". Na" re: myi" re: ngaid: li" nae". Ai: lau dao: za: athe' gyo: shi" re gyaug:20 din: ru boe" genae". – Yab jaung: wa khyid magai: jhao: lo: sho' lang" ra". Mai pho' re:21 gaung magam lo: sho' lhu" ra". – Mo"so wa yao" mau" ga" ra" mug' pho" mau" gekai: lai: ru wa yao" mau" zo" re zai" pin" nae" ga: Perazim: bam dao mae to" ye; re" ru: yao: to" ye, nae". Gebeon: lao: geim: mae nhag' gyid' ru re" ru: nhag' gyid' li"22 nae". – Ana" kam" wa taui" be, mho" shid' ru mae" loe, nae" khyo: naonhaung" su jung" dao: dajhau lo: ge, . Khoru: ga" re damang: geim" re sham" shao: khyaid' khyo" pye' nae" ga: gug: mang: din gam ug Mo"so mae" ngo the' gyo" yu va".23 Ngo ta" ra" dao: re gyo: mung: xam" ci ge, . Nga" dao: re gelho: za: tae" gyo:24 ge, . – Yothaung: phaug' yaug wa myug: shi: sin: nae" tau: phaug' na va" i"? Yo phaug' mung: myid zhai: khai" jham re25 nau" sho' be; phyi: na va" i"? – Yo lhao: re lakya she: tae" mung: lag mo" Lag laung: saung so gaug re ajin jin sin: mung: yho" we' gaug myug: re yao" jo, qo we' jo, qo26 mae sin: va" mangaid: i"? – Khoru: ga" re yao" AsAng wa yao: re gelho: za: mho" shid'27 to: va" ra". – Lag mo" lag laung: re sag' pye" yang magai: be, lhin" ce' yang magai: nao: . Lag mo" re re: lag laung: re re: vo: se" yang she, alhaung" be, ko" mangaid: i"? –28 Saung so gaug re wa nao" yu ba ko" ra". Ngaid yang: re: mathang mano: nao: gai: ru mangaid: . Lhin" ce' we' myao" yang nao: qere: gaug ce' wa mamain" naug: lo" ngaid:29 ra". – Ai: mau" wa gug: mang: din gam ug Mo"so nyhang" byid' ra" mau" ngaid: ra". Mo"so juyi khyug' ru wa mug' pho: yao: ngaid: ra". Ba jhao se" juyi wa gekai: lai: mug' pho: ngaid: ra".