1 O" AsAng we" AsAng wa nga" Mo"so ngaid: . Ngo AsAng re caung: khin" nae". AsAng: mang khyao: re khin" nae". AsAng wa mug' pho: mau" kaid' va" ra". Geco' ne; yang tau" da: to" ru malai: gang" tang: jo;2 ra". – Vo mo" re boe, said bam gang" tang: ra" vogaung: re azau: akhyain". Labug qe: jhaung: yham jham re vo maboe" nhao, Thao dalhang madam: qo" de: nae" khyo:3 kaid' ava". – Ai ru: mung: qam: mo" bo: ra" byu myu" wa AsAng re caung: khin" li" genae". Ngaid beim" ra" byu myu" qe: jo, qo vogaung: wa AsAng re phug' myao"4 li" genae". – AsAng wa myaung sho: mo; khug ngha jao: moe, shab' mo, qug: khai: qhug' ra" au: khug ngha jo, qo ngaid: ra". Aug' la lo: re khug vho' jo, qo Ngaid: beim" ra" mo, wa khinqae re lo: deim" ra" aug' la re" ru: nhag' yo" gyid' ko" au: mae" go we'5 ba sham wa AsAng ngaid: ra". – Gao so yo mae ba laung lhe' ru re" ru: labug: myu" qe: myang: nyhau thoe tae" lo" nhao: li" nae". Jham no, thaui" yang ba re go: kyo" ru ru: ngaid beim" ra" mo, nghaui" thoe tae" lo" li" nae".6 Gug: mang: din gam ug Mo"so wa ce: bam dao mae byu myu" cao jab: tau: min: ra" zo: pho: we' sabyi' meim" poe kaid' li" nae". Ai: poe mae xau: nyam min: zo: nam we' qao" va" sabyi' qang: re zo: shaug'7 genae" ngaid: ra". – Byu alhab' mo; myo, khung: mae nghoe' to" ra" myo, nghoe' re re: , Byumyu" cao jab re nghoe' gam: to" ra" lang yang" jham re ce: bam dao mae qab:8 pye' li" nae". – Yao: wa shid no re re: nhab' pye' li" nae". AsAng Mo"so re: alhab' mo; myo, khung: mae" ngug byid jham re said pye' byid' li" nae". Yao" byu myu" qe qhug' na: ra" qho' pho: gyaug pho: re myid kin dagye, geim" mae" qab: lhaui" pye' li" nae" ga: , Mo"so: mungdao: jo; ra".9 Ai: ayo, mae qu" ge, ce: AsAng wa ngonhaung" myid: nghae" na: ra" Mo"so ngaid: ngonhaung" re khyaid' yu: li" nae". Ce: AsAng wa ngonhaung" myid: nghae" ra" Mo"so ngaid: . Khyaid' khyi: yu: ra" jeju mathao mae ngonhaung" wa ngaui bau: ngaui lho" gelang: wo" ga: ta" li" genae". –10 Khoru: ga" re Mo"so: lo, wa ce: bam dao mae thang: jo; li" nae". Khofo re nung: khyid' we' nao" lhag' pye' re re" ru: Mo" ba' mang: wa zab: nhaug' pye' ru qhug' li"11 nae". – Qid qhe' qhe' yaug wa qhe' nae" tau: lo, vha: ru ru: Mo"so wa Mo" ba' agaung: mae yao" lo, vha: ke' mung: ai: mang: ngaid beim" ru we' lo, mau" qam: o: jham re deim" zag: khyo" pye' li" nae". –12 Naonhaung" vo kham" , myhao: ra" gye byu gai" jham phyo' mung: myid mae joe" sho' gyo" yang: phaui: lhug bam mae khyo" nhab' pye' li" nae".