1
Turu' vo we' tin" ra" pa dao: wa , Tarshi' qid lha jham we" kaug' myain" qhu: thoe mung ge,-yham re: majo, lhau" thang nae" jao: re: majo, lo: sho' byo; qeim: byaug va". Khidtim: vo mae" ai: lau dao: the' gyo:2
sho' ngaid: byaug va". – Qid dae gau: ba: ra" Zidung: gau mung myho" khyo" mo; zai yo re lham: vai: yu: na: ra" qid dae3
yae mae na mo, we" mug' na ge, . – Qid zang re ngha: ra" shihora' myug: shi: , Qid zang gyaung" gaug zo maui: lam: re khang: qo" mung: amang: mang: adin" din" mae"4
mo, gau mung jao: boe" va". – O" Sidon: vogaung: we" gyaug qho' na wa, . Khoru: ga" re qid dae ga" ra" qid dae vomo" wa ngo wa gaung mala: zo: makhau zomyi: zolau:5
jham re makhau: qhi: ga: ta" ra". – Egutu mang: byu qe wa Turu' lau dao: the' gyo" ke' ko" au: ai: lau dao" mathao gaung yug6
sho: byo; ru qhug' li" genae". – Tarshi' vo khyo gau" de; lo" ge, . Qid dae yae mae na: ra" mo, kaug' myain" qhu: thoe mung7
ge, . – Geco' ne, mae" de" to" ra" vomo" wa naonhaung" ngaui bau: jo, qo i? Va" ra" mang: mae khug ngha nae" tau: naon- haung" yao" khyid: yang naonhaung" re jhui" ye" li" genae".8
Turu' vo: akhyo tau" da to" ru wa khag' ngaid: i"? Ai: vo wa jhaung zug' khugmaug qo" ba: byid' ru we' gau mung mo; zug: qe aung: zo: aung: shaug' mo, myid gye, mae" myo, nho nga: lao: qi" thao" mo,9
ngaid ko" ra". – Ngaid beim" ra" mo, we' myo, nho nga: lao: qo" ra" mo, myid kin mae" kheim: so' bo: ra" mo, re jung" khyoe' nae" tau: gug: mang: din gam ug Mo"so:10
tau" da: to: gau ngaid: ra". – Tashu' zomyi: zo: we" qid yae dang" kam" bai" gyo" va". Qid zang gyaung: re" ru: yug: byo: sin" lo"11
wa, se, nao re tam" kyo" nae". – Mo"so wa qid dae dao khyo yao" lo, yheim" qang: ke' mung: mang: din" jham re lhaui" nhain" ke' ava". Gang" tang" ra" Khanain: mang: mae" jo, qo jham re phyo' sin" pye' nae"12
Mo"so: mungdao: jo; ra". – Yhin" pyam" ru qhug' ra" Ziun: tang: shain" zomyi: we" thao phyao: nao ngaui bau" ru qhug' lo: nae" mangaid:. To" wa, khidtim: vo khyo gau" de; lo" wa,. Ai: jo, qo mae re: yaug yo: ru majo, lo: nae" ga: mho: ra".13
Qhid' phyao: majo, lo" ra" khalade" mang: re myid: nghae" qu" wa, ai: mang: re Asuri zug: wa seyo: byu qe: na jo, qo kaid' pye' va". Ai: mang: byu qe wa gye byu gai" kaid' mung: Turu' yham jham we' vo gaung: re re: shao" sho' qab: lhaui" pye'14
ko" ra". – Tashu' qid lha jham we" kaug' myain" qhu: thoe mung ge,. Naonhaung"15
vo mo" wa byo; byaug va". – Ai: ayo, akhin: mae Turu' vo re jhaung zug: dabang: ngaid: ra" nhaid' xe zin khag' re: Turu' re mabeim: lo: genae". Nhaid' xe zin lai lao" she, yaug zhang: myhi" re nghaui" ru ru: Turu' vo re nghaui" li" nae".16
Khag' re: mabeim: maso: lo" ra" yaug zhang: myhi" tang: re ci mung: vo khug mae su" lhang: qin" wa, . Nao re dam: myid: beim: gesho' thoe byam" ke' mung: nghaui" thoe myo: myo: nghaui" wa, . –17
Zin lam: nhaid' xe lai: lo" thao mae Mo"so wa, Turu' vo re li" du" kam" li" nae". Yao: re: aje the' zo: nae" akhyo mae dam: vao mung: myidkin dao mae jo; ra" mang: din" jham: yaug zhang: myhi" kaid' li" nae". –18
Ngaid qere: yao" gau mung myho" khyo" ru mae" bai" lo: ra" zai yo jham wa Mo"so: tau: shao gyang" nae". Qho: qaung" to" ru magai: kaid' nae". Gau mung myho" khyo" yang: qo" ra" jo, nho" wa Mo"so: qhid' kheim: mae na: ra" mo; tau: boe" mung: yao: bam wa gyi: gyi: baug baug zo: mung: gang" ra" mai bau: re qhug' ve, genae".