1 Ni" vogaung: geim" wa pe" ja" mathao2 mae yham dao khyo do, ko" i"? – Qhid' phyao: vu vu di di ga" ra" vogaung: ngaui bau: yaug yo: ra" vogaung: we", Ni" su shid jham wa shae lhae: yang shid ko" ru mangaid: mang zin" ru mae shid: ru3 mangaid: . – Ni" zug: jham wa daga" za: tao" phao veko". La: bag sulhe: qe yao: bam re taui" cam" yu veko". The' myao: ra" byu alhab' wa va: va: khyo phao gengaid yang: re: daga" za: taui" cam" yu: ru qhug'4 ko" ra". – Ai ru: mung: Ngo mho nug: ru wa Ngo re daqu" ge, . Ngo gyi: ngug nae". Nga" amyu" zomyi: zo: byo; qeim: lo" mung: ngo re nhag' tang" nae" daphin: ge, .5 Gug: mang: din gam ug Mo"so wa myo, myhung" lao: khaung: mae" lho: ke' ru wa qug: khai" ra" ayo, yhin" pyam" ra" ayo, vo kham" re phyo' khyo" mung: bam jham re zag: yao nae" ayo, wa joe" va". –6 Elam: amyu" qe wa myo: daung" re ci yang: gye lhin" jui: sulhe: Myao: jui: sulhe: jham we' daga" li" lo veko". Kira amyu" qe go re7 ci: thug" veko". – Ni" yaung" lho" ra" lao: khaung: mae gye lhin" jham byang" ra". Myao: jui: sulhe: qe wa vomo" kham: dung:8 nhae joe" ham: na veko". – Yuda mang: re phung" sin" pye' mung: nao wa ai: au: seyo mae" yham mae zhang" qaung" to" ra" sin:9 cao jab re ye: qu" li" nae". – Davi vo mo" kham" byo; gyoe; gyo" bam: ru re ni" byu xam" to" li" genae". O mae" qid lhao: mae" thug' ra" qid re tang" qaung" li" genae". –10 Yerusalem: vo mae jo; ra" yham jham nghe' qug: li" genae". Vo kham" re pho: byao nug: ra" mathao mae yham jham re phyo' pye'11 li" genae". – Qid lhao: xug' mae" qid she: yu nae" tau: vo kham" shid' pyae: agyo: mae qid lhao: sag' re kaid' gengaid yang: re: kaid' ra" yaug re mabeim: so: ko" ngaid: ra". Geco' ne, mae" ai re nyhang" byid' ra" yaug re pe" shui manho pe" dao" manghae" ko" ngaid: ra".12 Ai: ayo, ba na mae kaug' myain" qhu: thoe mung: ru xae qaug: pye' ru jid: mo" mai bau: ve, genae" tau: gug: mang: din13 gam ug Mo"so pin: to: ngaid qere: . – Qu" ge, ngaui bau: ngaui yao: mae" caid' yao se' ru , sho: zo" ru , Sabyi' yhid shaug' ra" ru re kaid' mung: ngonhaung" zo: gelang: shaug' gelang: ne, kao shid zai ngaid va" ga: ata" na14 ko" i"? – Mo"so wa nga" no: mae lase" byid: ko" ru wa gegai: yao: naonhaung" wa shid: ra" ba na joe" sho' naonhaung" qobo wa shao" nae" mangaid: ga: Mo"so mho: ra".15 Gug: mang: din gam ug Mo"so mho: ru wa jo, nho" zam: zug' yham ug gam yaug16 Shebana' yham khyo ye: yang: – Myhao: ra" jo, qo mae yao" lab re kyaung: mung: yao" mao to: jao: re laug baui kaid' ra" yaug . Nao wa ce: jo, qo mae nao yao" tau: lab re kyaung: nae" khag' yang akhang" byid' i"? ce: jo, qo mae" byu qe khoyaug17 we' tin" i"? – Mo"so wa qam: bo: ra" yaug18 ru: khe' thug' li" nae". – Nao re gai gai yao: zhaug' she: yu mung: lhang: lhaui" ke' ra" laug lhaui: re" ru" mug: he' lae khyo shel- haui" ke' li" nae". Nao wa ai: mug: mae shid nae". Ai: mang: mae ni" myo, nho lhin" wa laui" qin" mung: ni" AsAng amyu"19 re qho' phau: jao: boe" nae". – Ngo re: nao re aya: khyo" pye' byid: nae". Ni" jo,20 qo mae getau re tha" nha nae". – Ai: ba na mae Nga" jeim Hilakia yao: zo: Elakim: re21 khai: yu mung: – Ni" bau: qhang yao: re ve, nhao: pye' nae". Nao cui" ra" phyid' cui: yao: re cui: byid: nae". Nao ug: ra" kheim: so' yao: re qhaug' mung: yao: wa Yerusa- lem: vo byu Yuda amyu" qe: yao: pho" boe"22 nae". – Davi amyu" kham: thug' yao" lo, sin mae Ngo kai" to: byid: yang: yao: wa khag' re: maqo" pyid' sho' phung" li" nae". Khag' yang re: maqo" phung" lo: sho' pyid'23 to" li" nae". – Gang" tang: ra" jo, qo mae Ngo yao: re tin" zi: yang jin" to" re" ru: jin" te' to: mung: yao: wa yao: pho" yham mae24 nga: lho" ra" la kin boe" nae". – Yao: pho" yham mae jo; gu: phung bao alhab', amyu" akaung ako' gai: ru magai: ru , kang: tam" khug' lao: ug' khug' zai yo aja: ja: wa yao:25 mae lao" to" li" nae". – Gug: mang: din gam ug Mo"so mho: ru wa , Ai: ayo, akhin: mae gang" tang: ra" jo, qo mae qhid' phyao: tin" zi: yang jin" te' to" ru wa jo, qo mae" qui: mung: thau: lhang" ru qhug' li" nae". Yao: mae lhao" to" ra" qo vin wa qab: pye' ru qhug' li" nae" ga: Mo"so mho: ra".