1 Qid nhai" jo; ra" thao" jam" we' tin" ra" pa dao: wa qid bang" la hug' ru re" ru: gyaug pho" ra" ma dae lae khyo" la qam" hug' lo:2 ra". – Gyaug pho" ra" myo, myhung" ngo the' myao: . Lhaid' zo: lhaid' shaug' yaug wa lhaid' zo" na: ra". Phyo' qheim" yaug wa phyo' qheim" na: ra". Elam: byu qe we" do, lo" ge, . Media byu qe we" vomo" re lhang" kham" ci ge, . Ai: vomo" mathao mae no kyang: kyang" ru re Ngo tam" pye' nae". –3 Ai: mathao ngo phyid' dam: no: ngau" va". Zo: khau no no: ra" myhi" zang re" ru: kyi" khyag' qhug' na: . No: magyo: lo: sho' yao: phau" na: myo, mamyao lo: sho'4 mo; byaug: . – Nga" nhag' lam: dug dag ga: sang: kho" ra". Gyaug pho" ra" ru: yang ngo re din nhao: ra". Ngo myid: nghae" ra" caid' sham" zo" wa nga" tau: gyaug: din pho: za:5 thug' li" ra". – Zo bo" re seim" nyhang" to: veko". Lhaug' zaung" su nha: to: veko". Yao: bam zo: shaug' na veko". O" zug: qe to" ge, . Go re xau gyaid gese, .6 Khoru: ein: re Mo"so wa nao ye: mung: zaung" lhaug' su nha: to: wa, . Myao: ru we' dakhyo: ta" nhao wa, ga: ngo re mho:7 ra". – Zaung" lhaug' yaug re: dazam" zam" jui" ra" myao: jui: daphung: , ma dae myao: jui: phung: daphung: re myao mung: gelho:8 za: zhaug' qu" tae" gyo: bin lao" – AsAng we" ngo wa myi" re: na" re: gye byu gai" dao mae ye, yang: damyi geim" re: lhaug'9 zaung" na va". – Ana" she, dazam" zam" yain" li" ko" ra" myao: sulhe: qe re myao: ga: lo:tin: re" ru: zag: hug' hau" ke' ra". Yao: dam: ta" ke' ru wa Babilon: gyoe; gyo" va". Gyoe; gyo" va". Yao" gyoe lho jo, mae" jo, re: myid mae gyug' gyang: gyo" bam veko"10 ga: mho: ra". – Ngo nao: mung: nga" gaug nao: jao: mae" thug' ra" gaug jham we" gug: mang: din gam Mo"so Israel amyu" Mo"so mho: ru re ngo dakai" ta" kyo" ra" lhe".11 Duma: mang: we' tin" ra" pa dao: wa o" lhaug' zaung" yaug we" myi" mae khoru: i"? myi" mae khoru: i" ga: Sera' bam dao12 mae" ngo re khai: myid' ra". – Lhaug' zaung" yaug re: ne, seim joe" va". Myi" re: joe" va". Naonhaung" myid: nug: ru myid: ge, dam: lo" gese, . Dalhang dam: li" ge, ga: mho: ra".13 Arabia mang: we' tin" ra" pa dao: wa gyaung: su" qin" ra" Dadain: mo, jham we" naonhaung" wa Arabia mang: mae" seyo14 mae thang: yab genae". – Tema' mang: byu qe we" qid shab' mo, re qid byid: jhaug' ge, . Phao: tao" lo: ra" mo, re cin15 main" lham: byid: zho: ge,. – Khoru: ga" re yao: bam wa gye shae mae" re: she: thug' ra" shae gye mae" re: gyai qug' ra" gyevo: lo, mae" re: phao: lo mo, ngaid ko" ra". –16 Mo"so ngo re mho: ru wa , o: kaung phug' yu zo: yaug ayo, qug: to" ru we' daru: za: dazin: aqho" mae Kedara' vo: myo, nho17 nga: lao: majo; byaug lo: mung:-– Na: dang shi" ra" Kedara' amyu" la: ci: ra" sulhe: jham gyai yao: nang" lo" byaug: li" nae" ga: Israel qe: Mo"so mho: ra".