1 Asuri' jhaung zug: Sargon: nhao: ke' ra" Tartan: wa Ashdod vo re gye she mung:2 lo: khaid' aung: yu: ra" zin mae – Mo"so wa Amo" yao: zo: Esaia re nao lo" mung: phyid' dam: mae jid: mo" mai we' khyid zhaung: re khyaid' pye' wa, ga: mho: ru we' dakhyo: yao: kaid' mung: mai bau: mave, khyid zhaung: mazhaung: lo: na:3 qin" ra".– Mo"so re: Nga" jeim Esaia wa Egutu we' Khusha' mang: re qang yang: ve, lho we' mug' pho" boe" nae" tau: mae sam zin lam: lam: gaung cin khyid zhaung: mazhaung: lo: su" qin" ru we' dakhyo:-–4 Ai re" ru: Egutu byu qe re qho' phyo" nae" ga: Asuri' jhaung zug: wa Egutu byu we' Khusha' byu aqi: angai jham re gaung cin khyid zhaung: khyaid' mung: phyid' the: re lao" manghoe' nhao lo: taung" sham"5 pyaung" lo" li" nae". – Ashdod' vobyu wa gyaug genae". Yao: bam myid ngha: ra" Khusha' mang: re re: yao: bam: myo, nho nga: lao: ngaid: ra" Egutu mang: re6 re: gyaug qho' mug' byaug genae". – Ai: qid dae yae cao" yang: ham: na: mo, thaui: jham re: Asuri' jhaung zug' lo, mae" loe, nae" tau: ngonhaung" nhag' nghae: jao: majo, lo: . Ngonhaung" phao: khug nae" jao: wa airu: a'mung: byaug nhaung i"? Ngonhaung" khoru: gai: loe, lo: zai i"? ga: ai: au: ta" li" genae".