1 Egutu mang: re qang yang: ta" ra" pa dao: wa qu" ge, . Mo"so wa phyaid: thao" ra" jham thaui: re jui: mung: Egutu mang: khyo joe" li" nae". Egutu gyoe: alho jham yao" qhid' kheim: mae nin" li" mung: Egutu mang" nhag' lam: wa yao: yao" aung khug mae" aqang: ru: boe" byaug: li"2 genae". – Egutu mang: byu qe yao: cao: dayaug we' dayaug re Ngo gye she nhao yang: yao: bam wa mao: nhaung: yao: cao: dayaug we' dayaug yham kyo: cao: dayaug we' dayaug vo da vo we' da vo damang: we' damang: gye jho" khaid' li" genae". –3 Egutu mang" nhag' myid wa yao" akhug mae qeim: lo" li" nae". Yao: tau" da: to" ru re Ngo phyo' pye' nae". Yao: bam wa gyoe lho mae re: kheim: ba: ke' mo, mae re: yui pa qe we' boe, ba: phyid' mo, mae ngha: li"4 genae". – Egutu mang: byu qe re mashab makhyang" ra" asang: lo, mae Ngo qhaug' ke' yang: gyai thin: ra" jhaung zug: dayaug ug gam: li" nae" ga: gug: mang: din gam ug Mo"so mho: ra".5 Ai: ayo, mae qid dae mo" mae" qid kin" lo" nae". Qid gyaung: jham re: yeim: lo"6 mung: kyaug' lo" li" nae". – Gyaung: zo: jham mae" qid bab: nae: lo" byaug nae". Egutu qid tham: jham kin: mung: kyaug' ho: lo" mung: je: jid: we' jam phaung: gae7 jham jhoe' lo" li" nae". – Qid gyaung: cao" yang: we' qid zab: khain mae yaug: mhin: zo: laung la jham ru" ru qid yae mae qho" ra" gu: alhab' jhoe' kyaug' lo" mung: gain:8 lo" li" nae". – Ngo: kung" mo, re: nyung genae". Qid gyaung: ngo: nho" ra" mo, re: nyung mung: myho khyo" mo, wa qam:9 shain: byaug genae". – Jid: mo" khyang nai: mo, we' mai bau: qo; aung: mo, re:10 so' maha" lo: genae". – Qao: tae vai" to" ra" jham gyug' gyoe; lo" mung: o: kaung kaung zo" ra" mo, alhab' re: nhag' ngai qam: shain: byaug: li" genae".11 Gai gai: yao: Zona' zug: qe go: byaug veko". Pharaoh khaung: mhao: qe wa magai: ra" juyi khyug' byid: veko". Ngo wa juyi bo: ra" amyu" geco' ne, jhaung zug' akaung aboe: ngaid: ein: pe" mung:12 Pharaoh re ta" ko" i"? – Yao: bam wa khai: mae na ko" ra". Ni" juyi bo mo, wa khai: mae na: bam ko" i"? Gug: mang: din gam ug Mo"so wa Egutu adao mae khoru: tau"13 da: to" ru re ba vegeshao: . – Zona' zug: jham wa ago boe" veko". Noba' zug: jham wa shaid' nghung: veko". Egutu mang" amyu" qe re ug: ra" mo, ade, qe re: zai"14 shaid' nghung: nhao veko". – Mo"so wa Egutu mang: gaung: mae magai: ra" solo re lhau: lhag' to" ru: yang shaug' yid yaug wa yao: daug: bam: to" ru mae lang" lhau" re" ru: Egutu byu qe re ja: khao: ngo" mae15 jhui" nghung: veko". – Egutu mang" au: ngaid ngaid shomyi: ngaid ngaid zhun- palun: kaung ngaid ngaid jam phaung: gae ngaid ngaid bin lao yo, nhao: ra" mau" zo" magai: jo, lo: nae".16 Ai: ayo, akhin: mae Egutu byu qe wa myiqe: re" ru: boe" mung: gug: mang: din gam ug Mo"so wa yao: bam: dao mae lo, lab: ke' ra" mathao gyaug din sang: kho" li"17 genae". – Gug: mang: din gam ug Mo"so wa Egutu tau: myid: tau" da: mathao mae Yuda mang: wa Egutu mang" tau: gyaug pho: boe" nae". Yuda mang: ein: ta" re lao" yaug khao: ngo" gyaug genae".18 Ai: ayo, akhin: mae Egutu mang: mae" vomo" ngo" vo wa Khanain: myain" jhau mung: gug: mang: din gam ug Mo"so re khug ngha khae: yu genae". Davo re wa khyoe' khyo" pye' vo ga: mhang" genae".19 Ai: ayo, mae Egutu mang: agaung: mae Mo"so: tau: phain jo; li" nae". Mug: kyo: mae Mo"so: tau: so: xam: zang20 jo, nae". – Ai: so: xam: zang wa Egutu mang: mae sagso: boe" nae". Gug: mang: din gam ug Mo"so: yhin" pyam" ru qhug' gemung: Mo"so re zag: yao: ru jo, ngaid qere: khyaid' yu: AsAng mau" vin su re yao: bam na: ra" jao: khyo nhao: ke' mung: –21 Ai: AsAng wa khyaid' yu: li" nae". Egutu mang: mae Mo"so re ba ko" ru mung: ai: ayo, mae Egutu byu qe wa phug' myao: xeim: we' zam" khug xeim: ngaui" mung: Mo"so re goe; pa" yang: yao" qhid' kheim: mae dao: so: to" ru we' dakhyo: kaid' li"22 genae". – Mo"so re: Egutu mang: re dae te' ngaid qere: dae re dam: gai nhao nae". Yao: bam re: Mo"so jhao" tha" lhag' lhang: lo: ra" ayo, mae yao: bam mho' bain" ru re khae: yu mung: dae no re gai yo nhao: li" nae".23 Ai: ayo, mae Egutu mang: mae" ru Asuri' mang: joe" sho' gau: khyo bung" li" nae". Asuri' byu qe wa Egutu mang: khyo Egutu byu qe wa Asuri' mang: ye: laui lo khe' mung: Egutu byu qe we' Asuri' byu qe daga" za: pa" caung" li" genae".24 Ai: ayo, akhin: mae Israel amyu" wa Egutu amyu" we' re: Asuri' amyu" we' re: qhain" zam" mung: sam ja: ga" ra" Israel amyu" wa mug: myid: agaung: mae nga:25 lho" ra" amyu" boe" nae". – Gug: mang: din gam ug Mo"so re: Nga" byu Egutu amyu" Ngo nyhang" mho" yu: ra" Asuri' amyu" Nga" Ma jo, nho" ngaid: ra" Israel amyu" wa nga: lho" vegeshao: wo" ga: min byid' li" nae".