1 Ethiopia qid gyaung: jham nhaung thao" mae myang: ru we' daung de, mung: qid dae khyo logyo: nhao ba: ra" mang:2 we" tae" gyo: ge, . – Gaung khyao qi: qhang mung: shoqid jhaid' jhaid' mung: ra" amyug: geco' ne, mae" ana" ba joe" sho' nga: kaid' ngaid beim" ru we' kheim: so' qam: o" yang zab: thang" ba mung: qid agao gao ngaid: ra" mug: myid mae na ko" ra" amyu" qe jhao" khyid thao xoe" ra"3 logyo: qe ye: ge, . – Myid kin: mang: din" mae na: bam ko" ra" Xaosu byu qe we" bam dao mae khyi tau: to' ra" au: nghao" qu" ge, . Labo" maid: ra" au: tae" gyo: ge, .4 Mo"so ngo re mho: ru wa , ba bao wa khoru: laung: ru , qhovo: jham: yo, mae nghin we' byang" ra" lao" khyam" re" ru: Ngo wa Ngo yao" jo, qo mae qu" mung:5 sae za: na: na nae". – Sabyi' shi: phyo' yo, majoe" re abam: bam" ji: mung: abu" mae" re: lang" lang" mung: ra" ashi: boe" li" na: au: anyaug jham re phyid' pye' mung: akaung aboe: jham re zin" shao: khyo" pye'6 nae". – Yao: bam wa bam dao mae na: ra" ngho' jham , seyo segae: mae na: ra" myang kha: zoqhid jham: tau: boe" mung: ngho' jham wa zin vao kheim: mae , myang: kha: zoqhid jham wa xaung: gaung: ayo, mae7 yao: bam: adao mae na: li" genae". – Ai: ayo, mae gaung khyao qi: qhang mung: shoqid jhaid' jhaid' mung: ra" amyu" geco' ne, mae" ana" ba joe" sho' nga: kaid' ngaid beim" ru we' kheim: so' qam: o" yang zab: thang" ba mung: qid agao gao ngaid: ra" mug: myid mae na ko" ra" amyu" qe wa gug: mang: din gam ug Mo"so: mang khyao: jo; ra" Ziun: bam khyo gug: mang: din gam ug Mo"so: tau: lo, lam jhaung qhu" ci: zang" lo: li" geshao: wo".