1 Damasku' we' tin" ra" pa dao: wa qu" ge, Damasku' vomo" wa vo maboe" lo:2 sho' byo, qeim: lo" nae" doe; ra". – Aro vo jham re shelhaui" pye' ra" mathao mae yao phung: jham sang mung: keim" thug' ke' nae" su khag' mana lo: mung: yo yo za:3 ab' na: li" genae". – Ephrim: mang: mae vo majo, lo: nae". Damasku' vo we' dang: jo; ra" Suri' mang: mae zug' kheim: so' majo, lo: nae". Yao: bam wa Israel amyu" myo, nho nga: lao: re" ru: boe" li" genae" ga: gug: mang: din" gam ug: Mo"so mho: ra".4 Ai: ayo, akhin: mae Yaku' amyu" phung bao kheim: so' gyoe; gyo" mung: xau lam:5 lateim" ru re: gyi" lo" li" nae". – Byu wa gaug re zhang" yu mung: ashi: jham re lo; yang yaid: yu: re" ru: Rephim: lao: geim: mae" gaug gyo" gaug: ru re" ru: boe" li"6 nae". – Ngaid qere: tainlon: gae re nhain" ke' thao mae ashao" mae ashi: shid' sam ce' ashi: de; ra" akaung jham mae byid ngo" ce' dang: jo, shi" re ru: gaug gyo" gaug nae" jo; li" shinae" ga: Israel qe: Mo"so mho:7 ra". – Ai: ayo, akhin: mae byu wa yao: yao: re phain: ra" AsAng re myid: nghae: mung: Israel amyu" mae shao gyang" ra" Mo"so re phug' phug' myao: myao: lam8 khug: lo genae". – Yao: yao" lo; yang kaid' to" ra" phain re yhau: gyin: mato: yao: yao" lo, nyhug' yang kaid' ra" Ashera: gae re re: sulho re re: yhau: gyin: magai: to: nae".9 Ai: ayo, akhin: mae yao" gang" tang: ra" jham wa Israel amyu" qhid' kheim: mae shepye' to: va" yoqao" yo adang we' sag' gae au: jham re" ru: boe" mung: ai: mang:10 din" wa cae: jhug tag jo; li" nae". – Nao re khyaid' yu: ra" Mo"so re to" myhid' pye' mung: nao khug ngha: ra" laung: mo" baui re mabeim: so" ra" mathao nae pyo" ra" agae jham we' gemang: gedin" azo: jham11 re qho: mung: – Ai: agae jham re qi" li" nhao nae" ru we' phyaid phyaid abu" bu" nae" tau: kaid' bin thao jham" yu nae" ayo, akhin: mae ashi: seim: lo" mung: nao wa matho' to" myhid' lo" ra" nhag' ngai: ru jo; li" nae".12 Qid dae mo" myang: hau: ru ru: ba: myang: hau: ra" byu mo, mo" thaui: mae re: moe bug gyai thin: ra" coe: myang thoe ru: myang: hau: ra" byumyu" dao mae re:13 nga: malho" genae". – Moe thin: ra" coe: vung ga" ru ru: byumyu" jham vung ga: ko" qe re: mho" shid' ra" mathao mug: va: khyo phao: lo" li" genae". Yao: bam wa bam dao mae la hug' yang ci: dao" lo" ra" vo, phaui: we' la sham" thaui: mae bobo: to" ra" boe, said re" ru: yao: bam wa khe' thug' pye'14 ru qhug' li" genae". – Caid' sham" zo" mae qug: khai: joe" mung: mug: mabo" shi: re byu byaug qho: li" genae". Ngonhaung" re yhin" pyam" ra" mo, wa ai ru" ra" so' ha" , ngonhaung" re phyo' zo: phyo' shaug' ra" mo, wa ai ru" ra" Ma jo, nho" re qo" khae: yu: li" genae".