1 Ai: mang: din" re ug: ra" yaug re yao nau" byid: ge, . Sela' vo mae" ru yoqao" yo alhab' Ziun: zomyi: zo" bam khyo2 byid' ke' ge, . – Yao: yao" said' re to: co' mung: lae" qin" ra" ngho' nau" re" ru: Mo"ba' zomyi: zo: qe wa Arnon: gyaung:3 gau: khung: mae na: na: li" genae". – Juyi byid: wa, . Phyo" nyhang" byid: wa, . Na" dao: gaung mae ni" bao qaung: yang sham nhao wa, . Khe' thug' ke' qhug' mo, re nyham" to: wa, . Phao: loe; lo: ra" mo, re4 daqhu". – Mo"ba' mang: mae" khe' thug' qhug' ra" mo, nao we' daga" na geshao: . Yhin" pyam" ra" mo; lo, mae" loe, beim geshao: . Yao: bam re gug: gam wa, . Nao re yhin" pyam" nae" su mana lo: . Yhin" pyam" mo, gain va". Deim: so: zag kaid' ra" mo, re myid kin mae" sham" lhaui"5 pye' va". – La kin dalam: re nhag' myain" ru mae zhaug' to: nae". Ve, vin: ru we' la kin mae zaung: ra" yaug wa dang main: tarha" re ci mung: Davi seim zaung mae dang main: ra" khyo" tarha" dao: phyid'6 li" nae". – Mo"ba' nhag' myid qi" ga" ru re ngonhaung" gyo" qu" va" ra". Qi" thao" ra" nhag' myid ngaid: ra". Geim kaid' ru , ma daug yo" ru bo mung: aseim akeim mae7 phug: nghao" ra" dao: jhau ba: ako". – Ai: mathao mae Mo"ba' wa yao" tau: kaug' myain" qhu: thoe mung genae". Yaug nge, kaug' ngug genae". Kiraresed' vo byo; lo" mathao mae naonhaung" wa kaug' myain" qhu: thoe mung genae". Ai: vo wa dae8 byid' ru gyai qhug' lo va". – Heshabung: yothaung: din" wa kyaug' ho: byaug va". Sibama: sabyi' naui anyaug jham re labug amyu" qe khyug' pye' veko". Qhid' phyao: ai: anyaug jham wa Yaza: vo joe" naui mung: akaung aboe: jham wa qid dae9 lai sho' ngaid: ra". – Ai ru: mung: Yaza: vomo" tau: ngug byid gyo" ru we' dakhyo: Sibama: sabyi' naui: tau: Ngo ngug byid gyo" ra". O" Heshbung: we' Eleale: vo we" Ngo ngug byid dage, le, nao re qid sheim: nae". Khoru: ga" re ashi: we' gaug nhae wa gye khaid' thoe we' qhug' veko". –10 Gaug gai: ra" yothaung: din" khug mae ngaui bau: nae" majo, lo: . Sabyi' khyae mae nghaui" thoe magai: nghaui" nae". Magai: hau: nae". Sabyi' shi: pyag' jao: mae sabyi' nao: yaug re: magai: nao: lo: nae". Ngaui bau: ngaui lho" thoe re Ngo11 tam" pye' va". – Ai ru: mung: Nga" vae: dug: wa Mo"ba' tau: Nga" sang: au wa Kiraharesed' vo: tau: tang: thoe re" ru:12 myang: li" nae". – Ai: ayo, mae" Mo"ba' wa yao: myhao: ra" bug gaung mae yao: yao: re myaung: nhao: ru we' goe; pa" jao: khyo" vao ye: yang: jhaung: mho' qe re: pe" maso' ha" nae".13 Ce ru wa qhid' phyao: Mo"ba' akhyo14 Mo"so ta" ru ngaid: ra". – Ana" Mo"so dam: mho: ru wa o: kaung phug' zo: yaug qug' ru we' dakhyo: nga: lao: wa yao: bam: mo, thaui: mo" we' daga" jung" khyoe' ru qhug' mung: na: dang: ra" mo, wa malaug lo: mung: qam: nang: genae" ga: mho: ra".