1 Ai: gu: alhab' myid: phaid' qu" nae" tau: ngo myid: tau" da: to". Dang main: yaug we' juyi bo yaug yao: shid' tao: zaui: so" lo, mau" we' daga" Mo"so: lo, khug bo: jo; ako". Jho" ngaui jho" jhid' nae" re: , manug: qu" gyid' nae" khyo phau: nae" re: byu: yang maqo" ba. Ja: cao jab wa yao: bam:2 tau: mae" ga: to" to: byid: va". – Alhab' qhid' mae" ja: khao: ngo" dakhyo: za: boe" jo; . Dang main: yaug we' azhaug' amhe' su , gai: ru we' magai: su , shao lho" yaug we' mashao gyang" su , xeim: ngaui" yaug we' xeim: maba: to' yaug: tau: mae" khyo dagau: za: boe" jo; . Gai: ra" yaug we' qobo de, su , nhang: myain" dao: jhau yaug we' nhang: kheim: ca' gyaug su wa dakhyo: za:3 ngaid: na: ako". – Ai mung: alhab' bam: dakhyo: za: thaung" qhug' ko" mathao ai wa ba agyid' mae boe" na: mau" alhab' tho' magai: thao" gau: ngaid: . Dang dang byu Sosu qe wa daui: na shi" au: makhy- ang: mung: azhaug' amhe' kaid' ru za:4 ngaid: . – Daui: na shi" mo, we' xo' taui" na shi" re kam" myid: nghae" jao: jo; ashi". Daui: na: lakha: wa shid: pye' va" lo:tin:5 tho' je: phug' ra". – Daui: na mo, wa yao: yao: shid nae" akhyo ba: ako". Shid va" mo, kam" wa pe" re re: maba lo: ko" ru we' pe" aphug' re re: mathe' yu lo: ko". Khag'6 re: yao: bam re mabeim: lo: ko". – Yao: bam: jhid' kao: ru , ngag gyid' ru we' apyag' asham" wa genhae" mae" baui" lo" va". Ba agyid' mae zaui: so" mau" alhab' tho' yao: bam ana" mae" thogu: maqo"7 bo lo: . – Thug' lo" se, . Mo"so ni" mau" zo" khae: yu va" mathao ngaui pyo: za:8 zo: wa, . Sabyi' shaug' wa, . – Ni" ve, mai bau: khyao za: phyu: gyang" jo, shao: . Ni"9 au: dao au: xau re: maho: lo" shao: . – Ba agyid' mae Mo"so nao re byid' to: va" akeim aseim ba na ayo, au: nao jhid' ra" yham sang myhi" we' daga" ni" bang: gain sho' ngaui pyo: za: na ge, . Ce wa nao daui: na: ayo, qaung: to" gu: mae ba agyid' mae nao10 zaui: so" lo, mau" gae bam ngaid: . – Nao zaui: ang: mau" pe" ngaid qere: qam: phin: yang: zaui: wa, . Pe" mung: ga" re nao gyo" lo" nae" jao: mavo: mug: tau mau" tau" da zaui: so" ru , ba jhao juyi ga: ru11 pe" re: majo, . – Dam: ba agyid' mae ngo qu" ke' ru qo" mye; tao" ra" mathao: yang za: qo" tao" aung: ru mangaid: . Qam: bo: ra" mathao: yang za: gye poe qo" aung: ru za: re: mangaid: . Juyi: yang za: zo: nam qo" ru mangaid: . Ba jhao gau: yang za: re: jo, nho" qo" ru mangaid: . Ave, gai yaung" ra" mathao: yang za: myo, nho lu nae" mangaid: . Ayo, adau khyo" cao" yang: yao: bam: tau: gin phag' ang: lo: ru angaid:12 ru ngo the' myao: . – Byu wa yao" ayo, re yao: maba. Ngo: jham wa yao" qug: khai: geim: yang qo" nghoe' pye' ru we' ngho' jham ngho' taui: mae myi" qe" ru: byu Sosu wa boe" nae" lo ang: to" ayo, mae mabeim: maso: vao: myi" qe" pye' ra".13 Ba agyid' khug caung: gai: ra" juyi gau: ngo the' myao mung: ai wa nga" qhid'14 kheim: tau qi" qhang: jo; . – Byu mathae: vogaung: davo jo; . Jhaung zug: mo" dayaug ai re li" lhang" kham" to: mung: avai: ayae15 gam: sho' gyab lhao: dau" to" ra". – Ai: vo mae myaung sho: jhin qere: juyi bo su dayaug na mung: yao" juyi yang ai: vo re qo" khyaid' yu qere: ai: myaung sho: jhin16 yaug re khag' re: mabeim: ko". – Alao" ngo wa juyi wa qam: o: tho' je qere: myaung sho: yaug juyi wa jung" khyoe' qhug' mung: yao" dao: matae" gyo: ko" ein: ngo17 mho: . – Kopyaid' qe re ug: ra" yaug hug' yao thoe tae" gyo: nae" tho' juyi bo mo; dao:18 re sae za: gyo" cao" nae" je: gai: ra". – Juyi wa shae lhae tho' je: gai: ra". Qobo de; ra" byu dayaug kam" gai lho" gau: myo: sho' re qo" lhau: phyo' ra".