1 Juyi bo su khag' ngaid: . Dao: lhaung" dao: zug' jham khag' qo" pheim: . Juyi wa byu: myo, nho bao byid' ra". Yao" myo, nho2 ave, lai" lo" ra". – Mo"so: qhid' kheim: dao: so: to" kheim: re myid: qu" mung: jhaung3 zug' amyin" dao: cao" na wa, . – Yao" khug mae" mabeim: maso: mye, za: dathug' lo". Aphaug' alhain: mau" dacao". Yao: kaid' nug: we' dakhyo: zaui: so" li" nae".4 Jhaung zug' dao: wa kheim: bo: ra". Nao pe" kaid' ru ein: khag' qo"5 mho: . – Amyin" dao: cao" yaug wa qobo made, . Juyi bo yaug: nhag' lam: wa ayo, adau re re: , tarha" pyam" khyo re re: ba:6 kho' khaui" ra". – Byu wa matug' makh- yug' thaung" qhug' na: ra" mathao yao: tau" da: to" agu tau: mae" ayo, we' zaui: so:7 nae" agu qo" ra". – Thao re pe" boe" nae" yao: maba. Pe" boe" nae" ru yao: re khag'8 qo" ta". – Khag' re: solo re ug mung: qo" tam" to" ru mangaid: . Shid nae" ba na re re: khag' maqo" aung. Ce: gye se' mau" mae" khag' qo" loe, nae" khyo mabo. Tarha" maci yaug wa yao: zaui" ra" lo, mau" yang9 yao: re maqo" khyaid' yu. – Ce ja: cao jab alhab' ngo qo" the' myao va". Nga" nhag' lam: wa zaui: mau" agu lam: khao: ngo" re dam: myid: qu" nae". Byu wa mo, je re ayo,10 dathaung: gu: mae za: aqo" aung zo". – Ai ru: tarha" macao" yaug wa shaung: nyhab' ke' qhug' mung: byu qe yao" lab mae li" qham phaung: ako". Dang main: mau" zaui: mo, re kam" wa shao gyang" jao: mae" thug' lao" vo mae to" myhid' pye' qhug' ra". Ngo the' myao: . Ai re: akeim aseim ngaid: .11 Azhaug' amhe' mau" wa mye, za: tarha" pyam" ru maphau" mathao: yang mang: byu qe: nhag' lam: wa azhaug' amhe'12 kaid' nae" ru je: qam: phin" ako". – Qobo kaid' yaug wa makhyang" mau" dayo lhang kaid' mung: yao" kao qhang qere: Mo"so re gyaug phug' na mo, lam: gai: ra" gau: qhug' genaeva" akhyo re dang dang ngo13 ba: . – Azhaug' amhe' yaug kam" wa Mo"so re magyaug: ra" mathao gai khyo mathaung" qhug'. Ba sham we' dau: yao"14 ayo, kao re: maqhang. – Myid gaung mae boe" na: akeim aseim mau" dalam: wa dang main: mo, damyo" wa azhaug' amhe' kaid' ra" byu qe ru: aqho' axag' phau: ko" ra". Azhaug' amhe' byu damyo" wa dang main: mo, ru: gai lho" gau: qhug' ko" ra". Ai re: akeim mau" za: ngaid: ein:15 ngo myid: ra". – Alao" ngo wa pyo: mau" agu re caung: khin" na: . Pe" mung: ga" re byu wa zo: shaug' nae" we' pyo: pyo: na nae" mae" je yang: ba agyid' mae je: gai: ru maqo" ba. Ai wa ba agyid' mae yao: daui: na: dabang" geim" tau: mae" Mo"so: yang yao: re byid' to" mau" zo" qam: phin" ra"16 akyu" ngaid: . – Juyi gau: wa pe" ngaid: ru we' myid gaung: dao qam: ke' zang: qhao" ra" mathao byu myo: sho' bam myi", na" maqo" yab, ru re ngo myid: phaid' qu"17 re – Ba agyid' Mo"so: mau" zo" alhab' re byu qe matho' qo" ba: ra" akhyo ngo ba va". Ai re qo" ba sho' yao: khoqhi" qhao: qere: matho' qo" ba. Juyi bo yaug wa ai re ngo qo" ba nae" ga: myid qere: ai re maqo" tho' ba.