1 Mo"so: yham ye" au: ni" khyid re khyo shid' wa, . Pe" mung: ga" re tae" gyo: nae" tau: qui" ye" ru wa byu vhang: qe: xeim: dau: tho' je: gai: ra". Yao: bam wa yao:2 bam zaui" lo: qobo mabeim: so: ko". – Ni" nhaid' zug' ci wa, . Mo"so: qhid' kheim: dao: jhau nae" ni" nhag' lam: dahin. Mo"so wa mug: gaung: dao mae na: ra". Nao kam" myid gaung mae ngaid: ra". Ai: mathao3 dao: myo: sho' kheim: dajhau. – Myid myo: aung laug lao" yab mo, myao: ra". Kopyaid' dao: wa thoe za: angaid:4 ra". – Nao Mo"so mae dao: thang: zao" to" ngaid: re mye, za: khyaid' pye' wa, . Byu vhang: qe re qu" ngaui: na: ru mangaid: . Nao dao: thang: thang" to" we' dakhyo:5 zaui" pyang" wa, . – Dao: thang: yu yang: mazaui" pyang" ra" tho' dao: thang:6 mathang" re je: gai: ra". – Ni" nhaid' yang ni" gaung re dashaid' nhao. Ngo shaid' va" wo" ein: mug: logyo: qhid' kheim: damho. Mo"so ni" thoe nhag' gyo" yo: yang: nao zaui: so" lo, mau" pe" ga: gai: phyo' qheim"7 nae" i"?. – Yab mo, myo: sho' myao: ru re: , dao: myo: myo: jhau: ru re: , akeim aseim za: ngaid: . Nao kam" wa Mo"so re gyaug8 phug' na wa, . – Vo khug mae sho: jhin mo, re pyam" yhin" mung: deim" zag be; nhau" kaid' mo, wa tarha" gau: we' dang main" khyo re lhau: said' pye' ru nao the' myao: re damug'. Myhao: thao" jo, qo we' je: myhao: ra" yaug dayaug qu" xam" to" ru mung: yao: bam tho' je: myhao: ra" mo,9 re: ngaid: ako". – Ai: tho' mae myid gaung mae" thug' ra" amyaid wa alhab' bam: tau: mae" ngaid: . Jhaung zug: lao" yothaung:10 akyu" the' khae: yu: ra". – Ngaui myo, nyaid yaug wa ngaui mae nhag' matho' dag. Na: dai nug yaug wa jo, nho" qo" qere: nhag' matho' shid . Ai re: akeim aseim za:11 ngaid: ra". – Jo, nho" qo" li" lao" zo: byu re: laung" lo: ra". Jo, nho" asang yaug wa myo, jid' yang qo" the' myao: ra" akyu" mae" je12 yang: pe" akyu" mabo. – Mau" zaui: yaug wa mavai" za: qo" the' zo: qere: , myo: sho' qhug' zo: qere: yab myain: ra". Dai zug' jo, nho" kam" wa yao: re yab au: shaug' nhao:13 ra". – Ba gyid' mae gyai qug' gau: ngo the' myao va". Ai: ru wa na: dai yaug wa yao" akyu" yeim" nae" tau: jo, nho" qaung" to" ru ngaid: ra".14 Ai: jo, nho" wa magai makhe' mae zai" yhain" pye' ru ngaid: . Yao" aung gyo" zo:15 lao" soe' lam: lo, thao boe" byaug: ra". – Ai ru: mung: na: dai yaug wa gaung lam: shopyaid' khau myhung: lo: ru: gaung lam: sho pyaid' dam: tug' lo" li" nae". Yao: zaui" lo: lo, mau" mae" pe" re: yao" lo, mae16 qo" yu: lo" ru mangaid: . – Yao: wa khau myhung: lo va" we' dakhyo: pe" mashai" lo: tug' lo" ru wa qug' ra" khyo dalam: ngaid: . La re qo" sho' ga: phin" ra" yaug wa pe"17 akyu" the' nae". – Yao: wa yao" ta dabang" geim" zo zo" ru we' gyai yao: mamyain: makhyaid' , ano aphyo: , laung laung xi xi18 za: phau" na: ra". – Mo"so wa byu re ba agyid' mae byid' to" mau" zaui: mung: daui: na: ayo, gu: alhab' mae zo: yang: shaug' yang: yao" mau" zo" mathao na myain ye, lho" qo" the' na: ru wa gai lho" khyo we' dau de; ru ngaid: ra". Ngo the' myao: xam"19 ci: . Ai re: yao" gae bam ngaid: ra". – Mo"so gae byid' na: mathao hhang ngaui we' jo, nho" qo" ra" yaug khag' re: zo: zo: shaug' shaug' kaid' mung: yao: yao" mau" zo" lo, thao mae nhag' dag taung" ngaui pyo" na: re kam" ai wa Mo"so: jhaung qhu" ngaid:20 ra". – Mo"so: yang yao: re ngaui bau" myid byid' ra" mathao: yang yao: wa lai: lo va" ayo, re mabeim: so: ngaid: ra".