1 Dam: ngo wa li" ri: ngaui pyo" khyo" ngo nao re jham" qu" nae". Nao gai: ra" gau: qo" the' myao: li" nae" ein: nga" aung khug mae ngo ta" na: . Ai re: akeim aseim2 za: ngaid: ra". – Qi: ru wa nhag' mabo ago ngaid: . Ngaui pyo" ru: yang pe" qo" kaid'3 ra" ein: ngo mho: ra". – Dam: byu qe wa mug: gaung: gyid' yao" bang: dabang" geim" gai: kaid' nae" gau: qo" ba: kho' khaui: sho' juyi gau: ngo cao" qho zo" nga" gaung sho: re sabyi' qang" yang pyo: khyo qho: ru ngaid qere: , kopyaid' gau: ngaid4 qere: ngo da: qu". – Mau" mo" gin ke' na mung: yham re re: zhaug' to". Sabyi' khyae5 jham re re: kaid' to" ra". – Ao: pho' khyae , jhai" keim" khyae jham nyhang" to: mung:6 shi: gae acao ajab qho" yhaug' to". – Sag' zo: qho" yhaug' to" yo mae qid sheim:7 nae" tau: qid lhao: re: kaid' to" ra". – Jeim yaug gai , myiqe: vai: yu mung: nga" yham mae jeim jham myo" je" lo: ra". Yerusalem: vomo" mae nga" qhid' qui" zaung: lo mo, alhab' tho' ngo wa gug' nyhug' , caid' be, , yao jham je: qo" ra".8 Ngaui hhang re: , jhaung zug: qe: jo, nho" we' mang: zug: qemae" khang: jham ngo gaug; zhang" to". Ba: caung: nghaui" mo, yaug gai , myiqe: jham re khai: yu mung: byu qe re myain qo" myhain" pyo: nhao: ra" myiqe: , naung cao myiqe: myo:9 sho' qo" ra". – Ai re" khyo: ngo Yerusalem: vomo" mae nga" qhid' au: zaung: lo va" mo, alhab' tho' je: qo" lo: ra". Nga" juyi ba10 se" khyo re: tang: ra". – Nga" myo; yang qu" lo: pe" re ngaid qere: ngo maha. Ngo kaid' lo: mau" alhab' mae nga" nhag' lam: qi" jo, mung: nga" myid pyo" khyo ca" mae ca" ngo matang". Ai wa nga" mau" alhab'11 mae" amyaid ngaid: ra". – Nga" lo; yang zaui" lo: mau" alhab' we' ngo yaung: to" mau" alhab' gu: re ngo qu" ke' au: ai bam wa akeim we' la re cao" khe' ru za: ngaid: . Ba gyid' mae akyu" pe" re: mabo.12 Dam: juyi tarha" re re: , nhag' mabo: ru we' kopyaid' gau: re re: ngo lhang: myid: qu" ra". Jhaung zug: thao bo cao" ra" yaug wa pe" qo" ba: kaid' nae". Genhae" qo"13 kaid' lo: gu: za: aqo" kaid' ra". – Alao" jao" bo" bao wa caid' no, tho' je: we' dakhyo: , juyi wa kopyaid' tho' je: ze: ru re ngo qo"14 ba: . – Juyi bo yaug: myo, jid' wa yao" au: lam: mae de; ra". Kopyaid' kam" wa caid' no, khug su" ra". Ai qere: ai shid' gau: wa khyo dakhye' mae za: jho" qhug' genae" ru ngo ba: .15 Ai: mathao kopyaid' thaung" qhug' ru: ngo thaung" qhug' nae" ngaid: re ngo yao: tho' pe" mung: juyi je: bo: ein: nga" aung khug mae ngo mho: na: . Ce re: akeim za:16 ngaid: ra" ein: ngo beim" ra". – Juyi bo su re ngaid qere: , kopyaid' re ngaid qere: thao phyao: khag' mabeim: lo: . Ana" boe" na: mau" re thao: ta to" myhid' pye' ja: jhaid' ngaid: . Juyi bo yaug re: kopyaid' ago yaug17 we' daru: za: ashid: lo" nhaung mhao". – Ai mung: ba: agyid' mae yaung: ra" mau" wa nga" tau: qug' ra" mau" za: ngaid: ra" mathao nga" kao daui bang: re alo kho" ra". Pe" mung: ga" re alhab' wa akeim aseim18 we' la re cao" khe' ru za: ngaid: . – Ai: tho' mae ngo yaung: qu" va" mau" jham re nga" thao mae joe" li" nae" yaug: tau" da: to: byid: ang: mathao ba agyid' mae ngo kaid' lo: mau" alhab' re alo kho" ra".19 Ai: yaug wa juyi bo su i"?. Kopyaid' ago i"?. Pe" ngaid nae" ru khag' qo" ba: Ai qere: ba agyid' mae nga" juyi: yang kaid' to" mau" alhab' dao yao: li" ug nae". Ai re:20 akeim aseim mau" za: ngaid: . – Ai: mathao ba agyid' mae thaug' qhao" lo: mau" alhab' mae qam: shain jao: za: ngaid: ra" ein: nga" aung khug mae ke' to".21 Pe" mung: ga" re dayaug daqo: ba jhao juyi ba se" ru we' agin bo taung" qo" aung myaug qere: ai: mau" mae pe" qam: mabo: phin: yaug tau" yaung: da: to: co' ca" ra" mathao ai re: akeim aseim we' qobo mo"22 za: ngaid: ra". – Byu wa ba: agyid' mae zaui" ra" mau" alhab' we' yao" thaug' qhao" nhag' lam" mathao: yang pe" akyu" qo" yu:23 qu". – Yao: wa yao" bang: dabang: geim" kaug' ru za: qhug' phau: mung: yao" mau" alhab' alo qu" kho: taung" za: ngaid: . Dang dang myi" re lao" yao" nhag' lam: mayaug yo. Ai re: akeim aseim za: ngaid: .24 Byu wa yao" mau" zaui: zo" zo: shaug' yang: myid pyo" na: ru tho' je: gai: khyo" qo" na nae" akhyo mabo. Ai re: Mo"so: lo, mae" za: ngaid: ra" akhyo ngo qo"25 myao: . – Mo"so akhang' mabyid' to" ru ngo tho' je: qo" mung: ngo tho' je: pyo"26 ru kho yaug na: . – Mo"so yao: myid bug' yaug re nyain: , ba jhao juyi we' ngaui bau: khyo byid' ra". Mo"so wa yao: myid bug' yaug re byid: nae" tau: sham" yu yang: qaung" to: nae" ga: qobo qo" yaug re aqug: akhai: mau" zo" zaui: nhao: ra". Ai re: akeim aseim we' la re cao" khe' ru za: ngaid: .