1 Ba agyid' mae jo; ra" mau" qug: daja: ngo the' myao: . Ai wa byu qe: adao gyai2 qola: mo" ngaid: . – Mo"so wa byu dayaug re ngaui , hhang , jo, nho" we' ham: hung: byid: mung: yao" nhag' lam: o: ja: qo" ru we' pe" maca" qere: ai re zo: nae" akhang" Mo"so: yang mabyid' ra" mathao getau mo, je dayaug vao zo" na: ra". Ai re: akeim aseim we' jaung" ra" mau" ngaid: .3 Byu wa zin na myo: sho' qhug' daui: na mung: zo: dayo yaug khau qere: yao" nhag' lam: te' dai" maga" ru we' shaung nyhab' ru maqhug' lo: shid: lo" ngaid: re wa khau: yhain" khyo" pye' ra" yaug wa ai: yaug tho'4 je: lho" ashi". – Pe" mung: ga" re khau: byao" pye' va" byu: agaung wa akeim thug' li" mung: mug: caid' khug lai: vao: lo" ru we' ai: mang wa mug: caid' mae nghoe' to"5 ra". – Ai: tho' mae ba re re: mathe' myao. Pe" re re: mathe' ba. Ai qere: ai yaug wa sao qhid' mho: ra" yaug tho' je: na: dai shi"6 ra". – Dang dang yao: wa zin na dataung qo" the' na sho' qere: myain lho" za: mathe' qhug' na ngaid: re pe" akyu" mabo. Alhab' gu: wa dajo, qo mae za: joe" ye: zai7 mangaid: i"?. – Mau" kaid' gu: jham alhab' wa vae: dug' tau: mae" za: ngaid qere: zo:8 nug: ra" myid wa matho' gyi: . – Ai ru: ngaid: re juyi bo yaug wa kopyaid' tho' pe" akyu" bo: ra". Byu: suna ba: cao" ra" sho: jhin yaug akyu" re: kho ru: i"?.9 Yao: yao: the' qhug' ra" akyu" wa myo, no, o: byid: tho' je: gai: ra". Ai re: akeim aseim we' la cao" khe' ru za:10 ngaid: . – Genhae" mae" boe" mae: boe" re geco’ ne, mae" xam" yu: to: va". Byu wa pe" ngaid: na: ru re genhae" mae" ba gau ngaid: . Byu wa yao: tho' je: qi: yaug11 re qobo maqo" vhin. – Akeim aseim laug: lo: ru myo" ru mung: byu ga: ru pe" akyu" mabo.12 Yao: wa akeim aseim daui: na: dabang" geim" ba sham ru: lai: lo" byaug va" ru yao" tau: gai shi" ru pe" ngaid: khag' qo" the' ba: . Ba agyid' mae thao: ta re pe" boe" nae" akhyo yao: re khag' qo" ta".