1 Ni" zolau" bang: re: ni" Mo"so re beim: so" na wa, . Ai: ba na jham ngo ma-o lo: ga: mho nae" myid qug: khai" ra" ba na majoe" shi" yo, , zin na jham maqui" li" lo2 shi: re – Ba we' bo" bao , lho" we' kyi jham mug: macaid' lo" shi: re , jham thaui: khyo" mug: qu: bin thao , lao" khyam" makhao"3 lo shi: re yao: re beim: wa, . – Ai: ayo, au: yham lhaug' mo, nin" li" mung: qam: bo mo, qam: nang" byaug genae". Gaug pyag' mo, nang: geyang: thang: byaug genae". Kham: zo: dung: khyo" jin" qu" na mo, re:4 bo" bao byaug: lo" li" nae". – Hau" mo" kham: dung: jham pyid' to: mung: gaug pyag' thoe yeim" lo" nae". Ai: au: byu wa qo, teim thoe the' gyo: lao" to" yang: nghaui" caung" ra" myiqe: zo: qe: thoe5 ngai qo" the' gyo" li" nae". – Ai: ayo, byu wa myhao: ra" jao: re gyaug mung: khyo khain mae gyaug pho" qhug' nae" ga: gaung yug: li" genae". Batain: gae bu" li" mung: khyag' phaung" jhiyo, myang: yhai thoe nojhid' nopaug' ga" ru we' yao" kao laung: bau: myid yeim" byaug nae". Pe" mung: ga" re byu wa yao" apyaid ato: na jao: khyo ye" lo" na mung: kaug' myain" kaug' thoe wa vo cao" yang: lhang: ngug6 qin" genae". – Ngaui taui: byid: ru, hhang khug' go; ru , qid thug' dung: yae qid yae: bung" daid: ru , qid thaung: pe' zang: gyug'7 pye' ru jham maboe" shi" re – Ai: ayo, myid zhai: wa myid khug khyo matug' lo" shi" ru we' solo re: solo byid' ke' ra" Mo"so jhao" madam: tug' lo" lo" wa phain: so:8 to" AsAng re beim" na wa, wo". – Akeim , akeim ja: cao jab alhab' akeim aseim shao za: ngaid: ga: tarha" mho" shid' yaug ta" na: ra".9 Ai: tho' mae tarha" mho" shid' yaug wa juyi bo yaug ngaid: ra" mathao mang: byu qe re mho" shid' byid' na: ra". Dang dang yao: myid: phaid' qu" mung: ca: kin: qu" zo" dao: khyo: , dao: lhaung" myo: sho'10 ca: to: co' ava". – Tarha" kho" sa: wa dao: bo: dao: khyo: jham we' ve, vin taung" za: shab paug te, tung" to" ava". Dang main"11 dao: re re: qho: ca: xeim: to" ava" – Juyi bo yaug: dao: wa zau: ceim we' dau: ra". Yao zaung" su dayaug za: byid' to" ru we' byu dathaui: re ba: mho" shid' mung: hau" kyo" ra" mho" shid' mo; dao: wa be; zhaug'12 to" jo, to' zaui ceim we' dau: ra". – Ai: tho' mae nga" zo: we" ai: ra" dao: kheim: we' mho" shid' khyo jham khae: yu wa, . Tung" paug' myo: sho' tung" to: nae" matho' gain. Tung" ce' myo: sho' mho" ru wa yao: yao"13 gaung zai" myaung" ru za: ngaid: . – Ja: cao jab phoe' bin: to: va". Dao: myhi" kheim: wa ce ru: ngaid: . Mo"so re gyaug phug' na mung: yao" amyin" dao: zaui" cao" na wa, . Ai wa byu sosu qe: khyo gau: ajhaung14 ngaid: ra". – Pe" mung: ga" re Mo"so wa nyham" nghoe' to" mau" jham alhab' re gai: ru ngaid qere: , magai: ru ngaid qere: tarha" tao" myhao tau pyam" li" nae".