1 Shid va" yao khaung" yang nae pyo" xau re qo" sheim nhae" pye' ru: mathae thao: mau" ngai wa juyi we' ham: hung: re2 zai" phoe nhao: ra". – Juyi bo yaug: nhag' lam: wa yao" lo, yo mae ngaid: . Azhaug' amhe' yaug: nhag' lam: kam" wa yao" lo, vai: mae ngaid: ra".3 Dang dang kopyaid' wa khyo su" na zo" lao" mabeim: maso: lang: lo" mung: ngo wa kopyaid' ngaid: ga: alhab' bam: re4 phug: kyo" na: ra". – Jhaung zug: nao re nhag' yo" re ni" aya: agu tau mae" daqui" lo". Zang: qhao" nhag' lam: wa qobo mo" re5 qo" va: pye' ra". – Zug: shaid' ra" mathao: yang ba agyid' tau madau ma-ang: khyo6 dakhe' ngo myao: . – Azhaug' amhe' byu qe wa myhao: ra" jo, qo qi: tau zaung: jo, mung: jo, nho" qo" mo, wa o: zhao" mae7 zaung: na: bam: ako". – Jeim qe myao: jui: jui: yang: khaung mhao: qe jeim qe re" ru: su" na ko" ru ngo myao: .8 Dung: khung: dau: yaug ai: mae byid: gyo" li" nae". Vo kham" phyo' yaug wa9 lhao maui: yang thoe: qhug' nae". – Laug baui qhui" ra" yaug wa the' nhai" ru qhug' nae". Thao: baug yaug re: dae de'10 ru qhug' nae". – Ngam" byaug va" vo: zaung: masaui: re qam: je: phin: ca" ra". Juyi kam" wa mau" zo" aung myaug mung:11 khyo ceim" shid' ra". – Mamho" to: shi" lhao maui: yang thoe" re , mho" su: qhid'12 mae" pe" akyu" mabo. – Juyi bo yaug: dao: kheim: wa dau de, za: ngaid: . Kopyaid' qe: nhaid' kam" wa yao: re myug; pye'13 ra". – Yao: jhau: thug' ke' dao: wa kopyaid' dao: ngaid: lo" thao" dao: wa go: joe; dao:14 za: ngaid: . – Kopyaid' wa dao: myo: myo: jhau: ra". Ai qere: boe" lo nae" ra" akhyo re sosu byu maqo" ba: to: . Yao: lo" thao" au: boe" li" nae" gau: wa yao: re khag' qo"15 ta" kyo". – Kopyaid' qe wa yao: yao" mau" agu mae myaung: dug: na: ako". Yao: bam16 vomo" khyo dang lao" maba ko". – Mang: din" khug ni" jhaung zug: angai yaug ngaid mung: khaung: mhao: agyi qe ne, seim no' mae" ne, xe: zo" na ko" mathao nao17 nhang: kheim: zao" ra". – Mang: din" khug ni" jhaung zug: zug: gyang" ngaid mung: khaung: mhao: qe zo: shaug' ze: ru majo, lo: za: qam: bo nae" tau: ayo, ang: re zo: shaug' ko" mathao nao nga: lho"18 ra". – Noe" ra" mathao yham zae" qeim" pye' mung: lo, manug: lab: ra" mathao19 mug: yug yug: ra". – Ngaui bau" na nae" tau: poe kaid' na mung: sabyi' qang" yang pyo: khyo poe" byid' ra". Ngaui: yang khyo20 khe' gau: khao: ngo" aung: ra". – Jhaung zug: re aung khug mae lao" danhang: . Ni" yab qe, khug mae" re: danhang: . Mug: tho' dao" lhau: ngho' wa ai: dao: kheim: hau" kyo: mung: daung de, ja: ai re pug: qhu" lo: li" genae".